म. टा. वृत्तसेवा पालघर
डहाणू तालुक्यातील वाणगाव ग्रामपंचायतीने २०१८-१९ वर्षाचा संत गाडगेबाबा ग्रामस्वच्छता अभियानांतर्गत पालघर जिल्हा परिषद गट स्पर्धेत प्रथम क्रमांक पटकावला. या ग्रामपंचायतीला पालकमंत्र्यांच्या उपस्थितीत पालघर जिल्ह्यात प्रथम क्रमांक पुरस्काराने सन्मानित करण्यात आले.
वाणगाव ग्रामपंचायतीचे ग्रामविकास आधिकारी विपिन न. पिंपळे यांनी २०११ साली वाणगाव ग्रामपंचायतीचे ग्रामसेवक म्हणून पदभार हाती घेतल्यानंतर ग्रामपंचायत कार्यक्षेत्रातील सर्व पाड्यांमध्ये फिरून नागरिकांना सरकारच्या विविध योजनांची माहिती दिले. तसेच या योजना उत्कृष्ठ पद्धतीने अंमलात आणून आरोग्य, शिक्षण, घरकुल, स्वच्छता, पिण्याच्या पाण्याचा प्रश्न अशा समस्या सोडवण्याचा प्रयत्न केला. पिंपळे यांच्या कामाची दखल घेऊन सरकारने विविध आठ पुरस्कार देऊन वानगाव ग्रामपंचायतीचा सन्मान केला.
जिल्हा परिषद गटस्पर्धा व जिल्हास्तरीय बक्षीस वितरण कार्यक्रम २७ जुलैला नियोजन भवन जिल्हाधिकारी कार्यालय, पालघर येथे आयोजित करण्यात आला होता. यास पालघर जिल्ह्याचे पालकमंत्री रवींद्र चव्हाण, जिल्हाधिकारी कैलाश शिंदे, जिल्हा परिषद अध्यक्ष विजय खरपडे, अतिरिक्त मुख्य कार्यकारी अधिकारी तथा प्रकल्प संचालक मानिक दिवे, उपमुख्य कार्यकारी अधिकारी (ग्रांप) अशोक पाटील, तसेच जिल्हा परिषद सदस्य व सरकारी अधिकारी उपस्थित होते.
वानगाव ग्रामपंचायतीला मिळालेले पुरस्कार
- यशवंत पंचायतराज पुरस्कार
- पर्यावरण विकासरत्न पुरस्कार
- स्मार्ट ग्राम पुरस्कार
- गाडगे बाबा ग्रामस्वच्छता अभियान पुरस्कार (जिल्ह्यात प्रथम)
- स्चच्छ भारत अभियानांतर्गत हगणदारी मुक्त ग्रामपंचायत
- आयएसओ ग्रामपंचायत
- संत गाडगेबाबा ग्रामस्वच्छता अभियान २०१८-१९ पुरस्कार
- आदर्श ग्रामसेवक पुरस्कार
मनापासून काम करणारा ग्रामसेवक असेल तर नक्कीच गावाचे नाव उज्ज्वल होईल. आतापर्यंत आठ पुरस्कार वाणगाव ग्रामपंचायतीला मिळाले आहेत. सरंपच, उपसरपंच, सभासद, ग्रामपंचायत कर्मचारी, सफाई कामगार व ग्रामस्त यांच्या सहकार्यामुळेच हे शक्य झाले आहे.
- विपीन पिंपळे, ग्रामविकास अधिकारी-वाणगाव ग्रामपंचायत
डहाणू तालुक्यातील वाणगाव ग्रामपंचायतीने २०१८-१९ वर्षाचा संत गाडगेबाबा ग्रामस्वच्छता अभियानांतर्गत पालघर जिल्हा परिषद गट स्पर्धेत प्रथम क्रमांक पटकावला. या ग्रामपंचायतीला पालकमंत्र्यांच्या उपस्थितीत पालघर जिल्ह्यात प्रथम क्रमांक पुरस्काराने सन्मानित करण्यात आले.
वाणगाव ग्रामपंचायतीचे ग्रामविकास आधिकारी विपिन न. पिंपळे यांनी २०११ साली वाणगाव ग्रामपंचायतीचे ग्रामसेवक म्हणून पदभार हाती घेतल्यानंतर ग्रामपंचायत कार्यक्षेत्रातील सर्व पाड्यांमध्ये फिरून नागरिकांना सरकारच्या विविध योजनांची माहिती दिले. तसेच या योजना उत्कृष्ठ पद्धतीने अंमलात आणून आरोग्य, शिक्षण, घरकुल, स्वच्छता, पिण्याच्या पाण्याचा प्रश्न अशा समस्या सोडवण्याचा प्रयत्न केला. पिंपळे यांच्या कामाची दखल घेऊन सरकारने विविध आठ पुरस्कार देऊन वानगाव ग्रामपंचायतीचा सन्मान केला.
जिल्हा परिषद गटस्पर्धा व जिल्हास्तरीय बक्षीस वितरण कार्यक्रम २७ जुलैला नियोजन भवन जिल्हाधिकारी कार्यालय, पालघर येथे आयोजित करण्यात आला होता. यास पालघर जिल्ह्याचे पालकमंत्री रवींद्र चव्हाण, जिल्हाधिकारी कैलाश शिंदे, जिल्हा परिषद अध्यक्ष विजय खरपडे, अतिरिक्त मुख्य कार्यकारी अधिकारी तथा प्रकल्प संचालक मानिक दिवे, उपमुख्य कार्यकारी अधिकारी (ग्रांप) अशोक पाटील, तसेच जिल्हा परिषद सदस्य व सरकारी अधिकारी उपस्थित होते.
वानगाव ग्रामपंचायतीला मिळालेले पुरस्कार
- यशवंत पंचायतराज पुरस्कार
- पर्यावरण विकासरत्न पुरस्कार
- स्मार्ट ग्राम पुरस्कार
- गाडगे बाबा ग्रामस्वच्छता अभियान पुरस्कार (जिल्ह्यात प्रथम)
- स्चच्छ भारत अभियानांतर्गत हगणदारी मुक्त ग्रामपंचायत
- आयएसओ ग्रामपंचायत
- संत गाडगेबाबा ग्रामस्वच्छता अभियान २०१८-१९ पुरस्कार
- आदर्श ग्रामसेवक पुरस्कार
मनापासून काम करणारा ग्रामसेवक असेल तर नक्कीच गावाचे नाव उज्ज्वल होईल. आतापर्यंत आठ पुरस्कार वाणगाव ग्रामपंचायतीला मिळाले आहेत. सरंपच, उपसरपंच, सभासद, ग्रामपंचायत कर्मचारी, सफाई कामगार व ग्रामस्त यांच्या सहकार्यामुळेच हे शक्य झाले आहे.
- विपीन पिंपळे, ग्रामविकास अधिकारी-वाणगाव ग्रामपंचायत