भाईंदर: मुख्यमंत्री देवेंद्र फडणवीस पुन्हा एकदा संभाव्य हेलिकॉप्टर अपघातातून बचावले आहेत. ठाणे जिल्ह्यातील भाईंदर येथे मुख्यमंत्र्यांचे हेलिकॉप्टर उतरत असताना मध्येच केबल असल्याचे दिसताच पायलटने प्रसंगावधान राखत हेलिकॉप्टर वेळीच पुन्हा वर नेले आणि संभाव्य दुर्घटना टळली. पायलटने प्रसंगावधान राखले नसते आणि हेलिकॉप्टर तसेच खाली आले असते तर हेलिकॉप्टरच्या पंख्यांमध्ये केबल अडकून हेलिकॉप्टर अपघातग्रस्त झाले असते.
हेलिकॉप्टरमध्ये मुख्यमंत्री फडणवीस यांच्यासह केंद्रीय मंत्री नितीन गडकरी हे देखील प्रवास करत होते.
आज दुपारी एकच्या दरम्यान मुंबई येथील कार्यक्रम आटोपून मुख्यमंत्री आणि केंद्रीय मंत्री नितीन गडकरी भाईंदरमधील विकासकामांचे उद्घाटन करण्यासाठी हेलिकॉप्टरद्वारे रवाना झाले होते. भाईंदरमधील सेव्हन इलेव्हन शाळेच्या पटांगणात मुख्यमंत्री आणि गडकरी यांचे हेलिकॉप्टर उतरणार होते. मात्र, हेलिकॉप्टर उतरत असताना पायलटला इमारतींच्यामध्ये केबल लोंबकळत असलेली दिसली. प्रसंगावधान राखत त्याने हेलकॉप्टर खाली न उतरता हेलिकॉप्टर पुन्हा वर नेले आणि संभाव्य मोठी दुर्घटना टळली.
घडलेल्या प्रकारानंतर मुख्यमंत्री फडणवीस आणि केंद्रीय मंत्री नितीन गडकरी रस्तेमार्गे मुंबईच्या दिशेने रवाना झाले.
घडलेल्या प्रकरणाची गंभीर दखल घेऊन ग्राउंड इंजिनिअरला निलंबित करण्यात आले आहे.
हेलिकॉप्टरमध्ये मुख्यमंत्री फडणवीस यांच्यासह केंद्रीय मंत्री नितीन गडकरी हे देखील प्रवास करत होते.
आज दुपारी एकच्या दरम्यान मुंबई येथील कार्यक्रम आटोपून मुख्यमंत्री आणि केंद्रीय मंत्री नितीन गडकरी भाईंदरमधील विकासकामांचे उद्घाटन करण्यासाठी हेलिकॉप्टरद्वारे रवाना झाले होते. भाईंदरमधील सेव्हन इलेव्हन शाळेच्या पटांगणात मुख्यमंत्री आणि गडकरी यांचे हेलिकॉप्टर उतरणार होते. मात्र, हेलिकॉप्टर उतरत असताना पायलटला इमारतींच्यामध्ये केबल लोंबकळत असलेली दिसली. प्रसंगावधान राखत त्याने हेलकॉप्टर खाली न उतरता हेलिकॉप्टर पुन्हा वर नेले आणि संभाव्य मोठी दुर्घटना टळली.
घडलेल्या प्रकारानंतर मुख्यमंत्री फडणवीस आणि केंद्रीय मंत्री नितीन गडकरी रस्तेमार्गे मुंबईच्या दिशेने रवाना झाले.
घडलेल्या प्रकरणाची गंभीर दखल घेऊन ग्राउंड इंजिनिअरला निलंबित करण्यात आले आहे.