म. टा. वृत्तसेवा, ठाणे
ठाणे प्रादेशिक मनोरुग्णालयातील २२ जणांची अँटिजेन चाचणी करण्यात आली. त्यामध्ये १२ मनोरुग्णांचा समावेश होता. या १२पैकी सात महिलांची करोना चाचणी पॉझिटिव्ह आली असून, त्यांना जिल्हा रुग्णालयात दाखल करण्यात आले आहे.
ठाणे प्रादेशिक मनोरुग्णालयातील निष्काळजीमुळे काही दिवसांपूर्वी दोघा रुग्णांचा मृत्यू झाला. मनोरुग्णालयात रुग्ण-कर्मचारी अशा तब्बल १५००हून अधिक जणांचा वावर असतो. आत्तापर्यंत केवळ ३५-४० चाचण्या झाल्याचा प्रकार धक्कादायक व गंभीर आहे, अशी टीका भाजपच्या किरीट सोमय्या व आमदार निरंजन डावखरे यांनी दहा दिवसांपूर्वी रुग्णालयाला भेट देताना केली होती. याची दखल घेत अखेर सोमवारपासून महापालिकेने मनोरुग्णालयातील कर्मचारी व रुग्णांची अँटिजेन चाचणी करण्यास सुरुवात केली आहे. सात मनोरुग्ण महिला पॉझिटिव्ह आल्या असून, त्या गेल्या अनेक वर्षांपासून उपचार घेत आहेत. यांना स्क्रिझोफ्रेनिया, मानसिक तणावासारखे आजार आहेत. पण अनेक वर्षे उपचार घेत असल्याने काही प्रमाणात ते बरे होत आहेत. या रुग्णांचा अहवाल पॉझिटिव्ह आल्यानंतर त्यांना जिल्हा रुग्णालयात दाखल करण्यात आले आहे. तर या मनोरुग्णालयातील सर्वांचीच चाचणी केली जाणार असल्याचे महापालिका प्रशासनाने सांगितले.
जिल्ह्यातील रुग्णसंख्या ९९ हजारांच्या पुढे
जिल्ह्यातील करोना बाधित रुग्णांच्या संख्येने ९९ हजारांचा टप्पा ओलांडला असून, सोमवारी ९९१ नवीन रुग्णांची भर पडली. दिवसभरात ३० रुग्णांच्या मृत्यूची नोंद झाली असून, मृतांचा एकूण आकडा २७७७ इतका झाला आहे. ८१ हजारांपेक्षा अधिक रुग्ण बरेही झाले असून, सध्या १५ हजार ३२९ रुग्ण उपचार घेत आहेत. दरम्यान, ठाणे शहरातील मृतांचा आकडा ७००पर्यंत पोहोचला आहे.
ठाणे प्रादेशिक मनोरुग्णालयातील २२ जणांची अँटिजेन चाचणी करण्यात आली. त्यामध्ये १२ मनोरुग्णांचा समावेश होता. या १२पैकी सात महिलांची करोना चाचणी पॉझिटिव्ह आली असून, त्यांना जिल्हा रुग्णालयात दाखल करण्यात आले आहे.
ठाणे प्रादेशिक मनोरुग्णालयातील निष्काळजीमुळे काही दिवसांपूर्वी दोघा रुग्णांचा मृत्यू झाला. मनोरुग्णालयात रुग्ण-कर्मचारी अशा तब्बल १५००हून अधिक जणांचा वावर असतो. आत्तापर्यंत केवळ ३५-४० चाचण्या झाल्याचा प्रकार धक्कादायक व गंभीर आहे, अशी टीका भाजपच्या किरीट सोमय्या व आमदार निरंजन डावखरे यांनी दहा दिवसांपूर्वी रुग्णालयाला भेट देताना केली होती. याची दखल घेत अखेर सोमवारपासून महापालिकेने मनोरुग्णालयातील कर्मचारी व रुग्णांची अँटिजेन चाचणी करण्यास सुरुवात केली आहे. सात मनोरुग्ण महिला पॉझिटिव्ह आल्या असून, त्या गेल्या अनेक वर्षांपासून उपचार घेत आहेत. यांना स्क्रिझोफ्रेनिया, मानसिक तणावासारखे आजार आहेत. पण अनेक वर्षे उपचार घेत असल्याने काही प्रमाणात ते बरे होत आहेत. या रुग्णांचा अहवाल पॉझिटिव्ह आल्यानंतर त्यांना जिल्हा रुग्णालयात दाखल करण्यात आले आहे. तर या मनोरुग्णालयातील सर्वांचीच चाचणी केली जाणार असल्याचे महापालिका प्रशासनाने सांगितले.
जिल्ह्यातील रुग्णसंख्या ९९ हजारांच्या पुढे
जिल्ह्यातील करोना बाधित रुग्णांच्या संख्येने ९९ हजारांचा टप्पा ओलांडला असून, सोमवारी ९९१ नवीन रुग्णांची भर पडली. दिवसभरात ३० रुग्णांच्या मृत्यूची नोंद झाली असून, मृतांचा एकूण आकडा २७७७ इतका झाला आहे. ८१ हजारांपेक्षा अधिक रुग्ण बरेही झाले असून, सध्या १५ हजार ३२९ रुग्ण उपचार घेत आहेत. दरम्यान, ठाणे शहरातील मृतांचा आकडा ७००पर्यंत पोहोचला आहे.