मिरा-भाईंदर : कुत्र्याने हल्ला केल्यानंतर त्याला दगड मारल्याच्या कारणावरून नगरसेविकेने तरुणाला मारहाण केल्याची घटना भाईंदरच्या मुर्धागाव परिसरात घडली. या प्रकरणी भाईंदर पश्चिम पोलिस ठाण्यात नगरसेविकेविरोधात गुन्हा दाखल करण्यात आला आहे. दिलीप बनसोडे गुरुवारी रात्री घरी परतत असताना पाळीव कुत्र्याने त्याच्यावर हल्ला केला. स्वतःची सुटका करण्यासाठी त्याने कुत्र्याला दगड मारला. तरुण घरी परतल्यानंतर स्थानिक नगरसेविका नयना म्हात्रे यांनी कुत्र्याला दगड मारल्याच्या कारणावरून घरात घुसून शिवीगाळ करत मारहाण केल्याची तसेच, नगरसेविकेने डोक्यात दगड फेकून मारल्याने दिलीप जबर जखमी झाल्याची तक्रार दाखल केली आहे. त्याला उपचारासाठी मिरा रोडच्या इंदिरा गांधी रुग्णालयात नेण्यात आले.
नगरसेविकेविरोधात गुन्हा
कुत्र्याने हल्ला केल्यानंतर त्याला दगड मारल्याच्या कारणावरून नगरसेविकेने तरुणाला मारहाण केल्याची घटना भाईंदरच्या मुर्धागाव परिसरात घडली...
महाराष्ट्र टाइम्स.कॉम 30 May 2020, 4:00 am