डोंबिवलीतील उपक्रमात २०० सायकलस्वारांचा सहभाग
म. टा. प्रतिनिधी, कल्याण
वाहनांच्या बेसुमार संख्येमुळे प्रदूषण तसेच जागोजागी वाहतूककोंडीची समस्या उद्भवत असल्याने या संदर्भात जनजागृती करण्यासाठी रविवारी डोंबिवलीत सायकल फेरी काढण्यात आली. २०० सायकलस्वारांनी या फेरीला प्रतिसाद देत सायकलचा अधिकाधिक वापर करण्याचे आवाहन डोंबिवलीकरांना केले. या उपक्रमाला मिळालेल्या यशामुळे यापुढेही असे वैविध्यपूर्ण उपक्रम राबवण्याची मागणी होत आहे.
डोंबिवली व कल्याण येथील सायकल क्लब व शहर वाहतूक उपविभाग यांच्या संयुक्त विद्यमाने वाहतूक सुरक्षा सप्ताहानिमित्ताने रविवारी ही फेरी आयोजित करण्यात आली होती. सकाळी ७ वाजता प्रचंड उत्साहात सायकल फेरीला विविध ठिकाणांहून प्रारंभ झाला. रेतीबंदर चौक, डोंबिवली पश्चिमेकडील अग्निशमन केंद्र, फुले रोड, मिलापनगर गणेश मंदिर, स्वामी समर्थ मठ, नांदीवली व फडके रोड गणेश मंदिर या ठिकाणांहून सुरू झालेल्या सायकलफेरीत सायकलस्वार पारसमणी चौक येथे एकत्र आले, तेथून ते डोंबिवली रामनगर येथील वाहतूक कार्यालयात जनजागरणाच्या घोषणा देत पोहोचले.
सायकल चालवून निरोगी रहाता येते, तसेच वाहतूक कोंडी टाळून प्रदूषण कमी करता येईल, असे आवाहन यावेळी पोलिसांनी केले. इयत्ता ४ थीतील पार्थ घमंडी या विद्यार्थ्याने मोबाइल गेमपेक्षा सायकल चालवणे जास्त आवडते, असे सांगताच त्याचे टाळ्यांच्या कडकडाटात कौतुक करण्यात आले. डोंबिवली सायकल क्लबचे डॉ. सुनील पुणतांबेकर यांनी जास्तीत जास्त नागरिकांनी सायकलचा वापर सुरू करून वाहतुकीचा ताण कमी करण्यास मदत करावी, असे आवाहन केले.
सायकलमित्र संमेलन
२८ जानेवारी रोजी होणाऱ्या सायकल मित्र संमेलनाची सविस्तर माहिती देऊन अधिकाधिक इच्छुकांनी यासाठी नोंदणी करावी, असे सांगितले. यानंतर सर्व सायकलस्वारांना सहभाग प्रमाणपत्र व तुळशीचे रोप देऊन प्रोत्साहन देण्यात आले. समारोपाप्रसंगी डोंबिवली सायकल क्लबचे मार्गदर्शक व सायकल विक्रमवीर विनोद पुनमिया हेही उपस्थित होते.
म. टा. प्रतिनिधी, कल्याण
वाहनांच्या बेसुमार संख्येमुळे प्रदूषण तसेच जागोजागी वाहतूककोंडीची समस्या उद्भवत असल्याने या संदर्भात जनजागृती करण्यासाठी रविवारी डोंबिवलीत सायकल फेरी काढण्यात आली. २०० सायकलस्वारांनी या फेरीला प्रतिसाद देत सायकलचा अधिकाधिक वापर करण्याचे आवाहन डोंबिवलीकरांना केले. या उपक्रमाला मिळालेल्या यशामुळे यापुढेही असे वैविध्यपूर्ण उपक्रम राबवण्याची मागणी होत आहे.
डोंबिवली व कल्याण येथील सायकल क्लब व शहर वाहतूक उपविभाग यांच्या संयुक्त विद्यमाने वाहतूक सुरक्षा सप्ताहानिमित्ताने रविवारी ही फेरी आयोजित करण्यात आली होती. सकाळी ७ वाजता प्रचंड उत्साहात सायकल फेरीला विविध ठिकाणांहून प्रारंभ झाला. रेतीबंदर चौक, डोंबिवली पश्चिमेकडील अग्निशमन केंद्र, फुले रोड, मिलापनगर गणेश मंदिर, स्वामी समर्थ मठ, नांदीवली व फडके रोड गणेश मंदिर या ठिकाणांहून सुरू झालेल्या सायकलफेरीत सायकलस्वार पारसमणी चौक येथे एकत्र आले, तेथून ते डोंबिवली रामनगर येथील वाहतूक कार्यालयात जनजागरणाच्या घोषणा देत पोहोचले.
सायकल चालवून निरोगी रहाता येते, तसेच वाहतूक कोंडी टाळून प्रदूषण कमी करता येईल, असे आवाहन यावेळी पोलिसांनी केले. इयत्ता ४ थीतील पार्थ घमंडी या विद्यार्थ्याने मोबाइल गेमपेक्षा सायकल चालवणे जास्त आवडते, असे सांगताच त्याचे टाळ्यांच्या कडकडाटात कौतुक करण्यात आले. डोंबिवली सायकल क्लबचे डॉ. सुनील पुणतांबेकर यांनी जास्तीत जास्त नागरिकांनी सायकलचा वापर सुरू करून वाहतुकीचा ताण कमी करण्यास मदत करावी, असे आवाहन केले.
सायकलमित्र संमेलन
२८ जानेवारी रोजी होणाऱ्या सायकल मित्र संमेलनाची सविस्तर माहिती देऊन अधिकाधिक इच्छुकांनी यासाठी नोंदणी करावी, असे सांगितले. यानंतर सर्व सायकलस्वारांना सहभाग प्रमाणपत्र व तुळशीचे रोप देऊन प्रोत्साहन देण्यात आले. समारोपाप्रसंगी डोंबिवली सायकल क्लबचे मार्गदर्शक व सायकल विक्रमवीर विनोद पुनमिया हेही उपस्थित होते.