लोकोशेडमध्ये मृत अर्भक

कल्याण : तीन महिन्यांच्या नवजात अर्भकाला रेल्वेच्या लोकोशेडमधील निर्जनस्थळी उघड्यावर फेकून दिल्यामुळे त्याचा मृत्यू झाल्याची घटना कल्याण पूर्वेला घडली. या प्रकरणी कोळसेवाडी पोलिस ठाण्यात अज्ञात पालकांविरोधात गुन्हा नोंदविण्यात आला आहे.

शनिवारी दुपारी रेल्वे लोकोशेडच्या मोकळ्या जागेतून जाणाऱ्या महिलेला दुर्गंधी आल्यामुळे तिने पाहिले असता दोन ते तीन महिन्याच्या नवजात अर्भकाचा मृतदेह तिला दिसला. याबाबत या महिलेने कोळसेवाडी पोलिस ठाण्याला माहिती दिल्यानंतर पोलिसांनी या अर्भकाचा मृतदेह ताब्यात घेत त्याच्या पालकांचा शोध सुरू केला आहे.