‘मटा’च्या वृत्तानंतर जखमींना आधार; सरकारी यंत्रणा हलली
म. टा. वृत्तसेवा, ठाणे
डोंबिवली स्फोटातील जखमींवर सरकारतर्फे मोफत उपचार केले जातील, असे स्पष्ट आश्वासन मुख्यमंत्र्यांनी देऊनही रुग्णालयांकडून बिलवसुली केली जात असल्याचे वृत्त ‘महाराष्ट्र टाइम्स’ने देताच सरकारी यंत्रणेला जाग आली. प्रांत अधिकाऱ्यांनी सोमवारी रुग्णालय व्यवस्थापनाशी चर्चा करीत, जखमींकडून बिल घेऊ नये, अशी सक्त ताकीद दिली. मुख्यमंत्री सहाय्य निधीतूनच ही बिले दिले जातील, असेही त्यांनी स्पष्ट केले.
डोंबिवली एमआयडीसीतील प्रोबेस कंपनीत झालेल्या स्फोटातील जखमींना शहरातील आठ रुग्णालयांत दाखल करण्यात आले आहे. दुर्घटनेच्या दिवशीच डोंबिवलीत आलेल्या मुख्यमंत्री देवेंद्र फडणवीस यांनी रुग्णांची भेट घेऊन मोफत उपचारांची घोषणा केली. पण गेल्या दोन-तीन दिवसांपासून खासगी रुग्णालयांनी रुग्णांकडून बिलवसुली सुरू केली. यापैकी बहुतांश रुग्णांची हालाखीची परिस्थिती असल्याने लाख रुपयांहून अधिक किमतीच्या या बिलांमुळे त्यांच्या कुटुंबीयांवर आभाळ कोसळले. याबाबतचे वृत्त ‘मटा’मध्ये प्रसिद्ध होताच, प्रांत अधिकारी प्रसाद उकर्डे यांनी त्याची दखल घेतली व एम्स रुग्णालयाचे व्यवस्थापक अवधेश शर्मा यांच्याशी चर्चा केली. ‘जखमींवरील उपचारांचा संपूर्ण खर्च मुख्यमंत्री सहाय्यक निधीतून होणार असून, त्याबाबतची घोषणा प्रत्यक्ष मुख्यमंत्र्यांनी केली आहे. यामुळे कोणत्याही रुग्णाकडून उपचाराचे पैसे घेऊ नये’, असे आदेश उकर्डे यांनी दिले. उकर्डे यांनी ‘एम्स’सह शिवम रुग्णालयातील व्यवस्थापनाचीही भेट घेत त्यांनाही उपचाराचे पैसे न घेण्याचे आदेश दिले.
बिलाच्या मागणीवरून रुग्णालयात झालेल्या गोंधळाबाबत व्यवस्थापन समितीला कोणतीही माहिती नव्हती. स्फोटानंतर ९० रुग्णांवर मोफत उपचार करण्यात आले. सध्या दाखल असणाऱ्या रुग्णांच्या उपचारासाठीचे पैसे नेमके कोण देणार याबाबत संभ्रम निर्माण झाला होता. त्यातूनच रुग्णालयाकडून बिलाची मागणी करण्यात आली. मात्र यापुढे असा कोणताही प्रकार घडणार नाही.
- अवधेश शर्मा, व्यवस्थापक, एम्स रुग्णालय
म. टा. वृत्तसेवा, ठाणे
डोंबिवली स्फोटातील जखमींवर सरकारतर्फे मोफत उपचार केले जातील, असे स्पष्ट आश्वासन मुख्यमंत्र्यांनी देऊनही रुग्णालयांकडून बिलवसुली केली जात असल्याचे वृत्त ‘महाराष्ट्र टाइम्स’ने देताच सरकारी यंत्रणेला जाग आली. प्रांत अधिकाऱ्यांनी सोमवारी रुग्णालय व्यवस्थापनाशी चर्चा करीत, जखमींकडून बिल घेऊ नये, अशी सक्त ताकीद दिली. मुख्यमंत्री सहाय्य निधीतूनच ही बिले दिले जातील, असेही त्यांनी स्पष्ट केले.
डोंबिवली एमआयडीसीतील प्रोबेस कंपनीत झालेल्या स्फोटातील जखमींना शहरातील आठ रुग्णालयांत दाखल करण्यात आले आहे. दुर्घटनेच्या दिवशीच डोंबिवलीत आलेल्या मुख्यमंत्री देवेंद्र फडणवीस यांनी रुग्णांची भेट घेऊन मोफत उपचारांची घोषणा केली. पण गेल्या दोन-तीन दिवसांपासून खासगी रुग्णालयांनी रुग्णांकडून बिलवसुली सुरू केली. यापैकी बहुतांश रुग्णांची हालाखीची परिस्थिती असल्याने लाख रुपयांहून अधिक किमतीच्या या बिलांमुळे त्यांच्या कुटुंबीयांवर आभाळ कोसळले. याबाबतचे वृत्त ‘मटा’मध्ये प्रसिद्ध होताच, प्रांत अधिकारी प्रसाद उकर्डे यांनी त्याची दखल घेतली व एम्स रुग्णालयाचे व्यवस्थापक अवधेश शर्मा यांच्याशी चर्चा केली. ‘जखमींवरील उपचारांचा संपूर्ण खर्च मुख्यमंत्री सहाय्यक निधीतून होणार असून, त्याबाबतची घोषणा प्रत्यक्ष मुख्यमंत्र्यांनी केली आहे. यामुळे कोणत्याही रुग्णाकडून उपचाराचे पैसे घेऊ नये’, असे आदेश उकर्डे यांनी दिले. उकर्डे यांनी ‘एम्स’सह शिवम रुग्णालयातील व्यवस्थापनाचीही भेट घेत त्यांनाही उपचाराचे पैसे न घेण्याचे आदेश दिले.
बिलाच्या मागणीवरून रुग्णालयात झालेल्या गोंधळाबाबत व्यवस्थापन समितीला कोणतीही माहिती नव्हती. स्फोटानंतर ९० रुग्णांवर मोफत उपचार करण्यात आले. सध्या दाखल असणाऱ्या रुग्णांच्या उपचारासाठीचे पैसे नेमके कोण देणार याबाबत संभ्रम निर्माण झाला होता. त्यातूनच रुग्णालयाकडून बिलाची मागणी करण्यात आली. मात्र यापुढे असा कोणताही प्रकार घडणार नाही.
- अवधेश शर्मा, व्यवस्थापक, एम्स रुग्णालय