म. टा. वृत्तसेवा ,डोंबिवली
डोंबिवलीचे ग्रामदैवत, सांस्कृतिक घडामोडींचे केंद्र असलेल्या गणेश मंदिर संस्थानची निवडणूक आज, रविवारी होणार आहे. डोंबिवलीमध्ये या निवडणुकीची चर्चा रंगली असून आरोप-प्रत्यारोपांमुळे निवडणूक रंजक ठरण्याची चिन्हे दिसून येत आहेत. या मतदानासाठी नेहमीच्या त्याच चेहऱ्यांना आव्हान देत बदल घडवण्यासाठी आठ नवे चेहरे रिंगणात उतरले आहेत. त्यातही काही राजकीय उमेदवारांमुळे चुरस वाढली आहे.
दहा जागांसाठी ही निवडणूक होत असून त्यासाठी एकूण १८ उमेदवार रिंगणात आहेत. त्यात विद्यमान मंडळातील सात जण आहेत. ही संस्था १९२४मध्ये नोंदणीकृत झाली. तेव्हापासून दर तीन वर्षांनी निवडणुका होत आहेत. अशा २५ सदस्य मंडळांनी संस्थानाचा कारभार हाकला आहे. परंतु २००३ पासून पंचवार्षिक निवडणुका सुरू झाल्या. त्यामुळे रविवार १७ सप्टेंबरला ही निवडणूक होणार आहे. अच्युत कऱ्हाडकर, कुमार सप्तर्षी, प्रवीण दुधे, अलका मुतालिक, राहुल दामले, नीलेश सावंत, अरुण नाटेकर हे जुने आणि राजू कानिटकर, सुहास आंबेकर, शिरीष आपटे, गौरी कुंटे हे तुलनेने नवे सदस्य निवडणूक रिंगणात आहेत. ही निवडणूक ११ जागांसाठी होती. परंतु गौरी कुंटे बिनविरोध निवडून आल्या.
निवडणुकीत वरील सदस्यांशिवाय संजय दामले, अनंत धोत्रे, संतोष काळे, प्रशांत कांत, लक्ष्मण वैद्य, सचिन कटके, विलास काळे आणि मंदार हळबे हे आठ उमेदवार प्रथमच निवडणुकीच्या रिंगणात उतरले आहेत. आधीच्या सदस्य मंडळातील राहुल दामले हे राजकीय पार्श्वभूमी असलेले सदस्य होते. त्यांच्यापाठोपाठ मंदार हळबे रिंगणात उतरले आहेत. हळबे हे मनसेचे नगरसेवक असून राष्ट्रीय स्वयंसेवक संघाचे स्वयंसेवक आहेत.
डोंबिवलीचे ग्रामदैवत, सांस्कृतिक घडामोडींचे केंद्र असलेल्या गणेश मंदिर संस्थानची निवडणूक आज, रविवारी होणार आहे. डोंबिवलीमध्ये या निवडणुकीची चर्चा रंगली असून आरोप-प्रत्यारोपांमुळे निवडणूक रंजक ठरण्याची चिन्हे दिसून येत आहेत. या मतदानासाठी नेहमीच्या त्याच चेहऱ्यांना आव्हान देत बदल घडवण्यासाठी आठ नवे चेहरे रिंगणात उतरले आहेत. त्यातही काही राजकीय उमेदवारांमुळे चुरस वाढली आहे.
दहा जागांसाठी ही निवडणूक होत असून त्यासाठी एकूण १८ उमेदवार रिंगणात आहेत. त्यात विद्यमान मंडळातील सात जण आहेत. ही संस्था १९२४मध्ये नोंदणीकृत झाली. तेव्हापासून दर तीन वर्षांनी निवडणुका होत आहेत. अशा २५ सदस्य मंडळांनी संस्थानाचा कारभार हाकला आहे. परंतु २००३ पासून पंचवार्षिक निवडणुका सुरू झाल्या. त्यामुळे रविवार १७ सप्टेंबरला ही निवडणूक होणार आहे. अच्युत कऱ्हाडकर, कुमार सप्तर्षी, प्रवीण दुधे, अलका मुतालिक, राहुल दामले, नीलेश सावंत, अरुण नाटेकर हे जुने आणि राजू कानिटकर, सुहास आंबेकर, शिरीष आपटे, गौरी कुंटे हे तुलनेने नवे सदस्य निवडणूक रिंगणात आहेत. ही निवडणूक ११ जागांसाठी होती. परंतु गौरी कुंटे बिनविरोध निवडून आल्या.
निवडणुकीत वरील सदस्यांशिवाय संजय दामले, अनंत धोत्रे, संतोष काळे, प्रशांत कांत, लक्ष्मण वैद्य, सचिन कटके, विलास काळे आणि मंदार हळबे हे आठ उमेदवार प्रथमच निवडणुकीच्या रिंगणात उतरले आहेत. आधीच्या सदस्य मंडळातील राहुल दामले हे राजकीय पार्श्वभूमी असलेले सदस्य होते. त्यांच्यापाठोपाठ मंदार हळबे रिंगणात उतरले आहेत. हळबे हे मनसेचे नगरसेवक असून राष्ट्रीय स्वयंसेवक संघाचे स्वयंसेवक आहेत.