आरोग्य अधिकाऱ्यांच्या सूचना
म. टा. वृत्तसेवा, कल्याण
सध्या अनपेक्षित पाऊस व वातावरणातील बदल पाहता डेंग्यू व इतर साथींच्या आजारांमध्ये वाढ होण्यास पोषक वातावरण तयार झाले असल्याने कोणताही ताप अंगावर काढू नये. ताप आल्यास त्वरित नजीकच्या रुग्णालयात संपर्क साधून डॉक्टरांच्या सल्ल्याने औषधोपचार करावा. कल्याण-डोंबिवली महापालिकेच्या रुग्णालयांमध्ये रक्त तपासणी करून घ्यावी. याशिवाय घरातील पाणीसाठे आठवड्यातून एकदा स्वच्छ करावेत तसेच पाणीसाठ्यांना झाकणे लावावीत अथवा कपड्याने झाकून ठेवावीत. आठवड्यातून एकदा कोरडा दिवस पाळावा, असे आवाहन वैद्यकीय आरोग्य अधिकारी, डॉ. स्मिता रोडे यांनी केले आहे.
आतापर्यंत महानगरपालिकेच्या १३ नागरी आरोग्य केंद्रांच्या माध्यमातून महापालिका कार्यक्षेत्रात दैनंदिन घरे, लोकसंख्या सर्वेक्षण करण्यात येत असून, खासगी रुग्णालये, प्रयोगशाळा, दवाखाने येथील रुग्ण शोधमोहीमही राबविली जात आहे. या सर्वेक्षणात कीटकजन्य आजार व साथीच्या रोगांचे रुग्णा आढळलेल्या परिसरात संबंधित नागरी आरोग्य केंद्रामार्फत तातडीने उपचार केले जात आहेत. त्याचप्रमाणे आढळून येणाऱ्या तापाच्या रुग्णांना गृहितोपचार देणे, कंटेनर सर्वेक्षण, दूषित कंटेनर रिकामे करणे, बांधकाम सर्वेक्षण, रक्त नमुने गोळा करणे, हस्तपत्रके वाटप, गटसभांमार्फत जनजागृती करणे आदी कार्यवाही करण्यात येत आहे.
आजतागायत महापालिकेने एकूण ३,८७,३७८ घरांचे आणि १२७ बांधकाम क्षेत्रांचे सर्वेक्षण केले असून डासअळी आढळून आलेल्या बांधकाम क्षेत्रांमध्ये तातडीने डासअळीनाशक कार्यवाही करण्यात आली आहे. याशिवाय महापालिका मुख्यालय स्तरावर दोन वैद्यकीय पथकांची स्थापना करण्यात आली आहे. या पथकांमार्फत महापालिका क्षेत्रात घरे सर्वेक्षण, खासगी रुग्णालयांना भेटी देणे, यांसारखी कार्यवाही नियमित स्वरूपात करण्यात येत आहे. तसेच डेंग्यू आजारावर उपचार करण्यासाठी पालिकेची आरोग्ययंत्रणा सज्ज असल्याचे डॉ. रोडे यांनी स्पष्ट केले आहे.
म. टा. वृत्तसेवा, कल्याण
सध्या अनपेक्षित पाऊस व वातावरणातील बदल पाहता डेंग्यू व इतर साथींच्या आजारांमध्ये वाढ होण्यास पोषक वातावरण तयार झाले असल्याने कोणताही ताप अंगावर काढू नये. ताप आल्यास त्वरित नजीकच्या रुग्णालयात संपर्क साधून डॉक्टरांच्या सल्ल्याने औषधोपचार करावा. कल्याण-डोंबिवली महापालिकेच्या रुग्णालयांमध्ये रक्त तपासणी करून घ्यावी. याशिवाय घरातील पाणीसाठे आठवड्यातून एकदा स्वच्छ करावेत तसेच पाणीसाठ्यांना झाकणे लावावीत अथवा कपड्याने झाकून ठेवावीत. आठवड्यातून एकदा कोरडा दिवस पाळावा, असे आवाहन वैद्यकीय आरोग्य अधिकारी, डॉ. स्मिता रोडे यांनी केले आहे.
आतापर्यंत महानगरपालिकेच्या १३ नागरी आरोग्य केंद्रांच्या माध्यमातून महापालिका कार्यक्षेत्रात दैनंदिन घरे, लोकसंख्या सर्वेक्षण करण्यात येत असून, खासगी रुग्णालये, प्रयोगशाळा, दवाखाने येथील रुग्ण शोधमोहीमही राबविली जात आहे. या सर्वेक्षणात कीटकजन्य आजार व साथीच्या रोगांचे रुग्णा आढळलेल्या परिसरात संबंधित नागरी आरोग्य केंद्रामार्फत तातडीने उपचार केले जात आहेत. त्याचप्रमाणे आढळून येणाऱ्या तापाच्या रुग्णांना गृहितोपचार देणे, कंटेनर सर्वेक्षण, दूषित कंटेनर रिकामे करणे, बांधकाम सर्वेक्षण, रक्त नमुने गोळा करणे, हस्तपत्रके वाटप, गटसभांमार्फत जनजागृती करणे आदी कार्यवाही करण्यात येत आहे.
आजतागायत महापालिकेने एकूण ३,८७,३७८ घरांचे आणि १२७ बांधकाम क्षेत्रांचे सर्वेक्षण केले असून डासअळी आढळून आलेल्या बांधकाम क्षेत्रांमध्ये तातडीने डासअळीनाशक कार्यवाही करण्यात आली आहे. याशिवाय महापालिका मुख्यालय स्तरावर दोन वैद्यकीय पथकांची स्थापना करण्यात आली आहे. या पथकांमार्फत महापालिका क्षेत्रात घरे सर्वेक्षण, खासगी रुग्णालयांना भेटी देणे, यांसारखी कार्यवाही नियमित स्वरूपात करण्यात येत आहे. तसेच डेंग्यू आजारावर उपचार करण्यासाठी पालिकेची आरोग्ययंत्रणा सज्ज असल्याचे डॉ. रोडे यांनी स्पष्ट केले आहे.