म. टा. वृत्तसेवा, अंबरनाथ
मद्यप्राशन करत रिक्षा चालवणाऱ्या एका रिक्षाचालकावर वाहतूक पोलिसांनी कारवाईचा बडगा उगारला असता, या कारवाईचा राग मनात धरत रिक्षाचालकाने वाहतूक शाखेसमोरच स्वत:वर ब्लेडने वार करत जखमी केल्याचा प्रकार शनिवारी घडला. या प्रकरणी पोलिसांनी आत्महत्येचा प्रयत्न आणि सरकारी कामात अडथळा आणल्याप्रकरणी रिक्षाचालकावर अंबरनाथ पोलिस ठाण्यामध्ये गुन्हा दाखल करण्यात आला.
रिक्षाचालकांची प्रवाशांसह वाहतूक पोलिसांवर वाढणारी अरेरावी यांसारख्या घटना समोर येत असतात. त्यात रिक्षास्टँडवरून ओव्हरसीट बसवत वाहतुकीचे नियम रिक्षाचालक तोडत असतात. अंबरनाथ पश्चिम भागातून चंद्रकात सोनावणे हा रिक्षाचालक ओव्हरसीट घेऊन जात होता. त्याला वाहतूक पोलिसांनी अडवत त्याच्यावर दंडात्मक कारवाई केली होती. त्यात रिक्षाचालकाने रिक्षा चालवताना मद्यप्राशन केलेले आढळल्याने पोलिसांनी त्याला तीन हजार रुपयांचा दंड ठोठावला. मात्र वाहतूक पोलिसांनी केलेल्या कारवाईचा राग मनात धरत या रिक्षाचालकाने, चिंचपाडा परिसरात असलेल्या वाहतूक शाखा कार्यालयाच्या बाहेर स्वत:च्या गळ्यावर ब्लेडने वार करून आत्महत्येचा प्रयत्न केला. त्यामुळे रक्तबंबाळ झालेल्या या रिक्षाचालकाला वाहतूक पेलिसांनी तात्काळ उपचारासाठी रुग्णालयातही दाखल केले. मात्र या सर्व प्रकरणात वाहतूक पोलिसांनी रिक्षाचालकाविरोधात अंबरनाथ पोलिस ठाण्यात सरकारी कामात अडथळा आणि आत्महत्येचा प्रयत्न केल्याप्रकरणी गुन्हा दाखल केला आहे. रिक्षाचालक चंद्रकांत सोनवणे याच्यावर सध्या उल्हासनगर येथील मध्यवर्ती रुग्णालयात उपचार सुरू असल्याने त्यांना अटक करण्यात आलेली नाही.
मद्यप्राशन करत रिक्षा चालवणाऱ्या एका रिक्षाचालकावर वाहतूक पोलिसांनी कारवाईचा बडगा उगारला असता, या कारवाईचा राग मनात धरत रिक्षाचालकाने वाहतूक शाखेसमोरच स्वत:वर ब्लेडने वार करत जखमी केल्याचा प्रकार शनिवारी घडला. या प्रकरणी पोलिसांनी आत्महत्येचा प्रयत्न आणि सरकारी कामात अडथळा आणल्याप्रकरणी रिक्षाचालकावर अंबरनाथ पोलिस ठाण्यामध्ये गुन्हा दाखल करण्यात आला.
रिक्षाचालकांची प्रवाशांसह वाहतूक पोलिसांवर वाढणारी अरेरावी यांसारख्या घटना समोर येत असतात. त्यात रिक्षास्टँडवरून ओव्हरसीट बसवत वाहतुकीचे नियम रिक्षाचालक तोडत असतात. अंबरनाथ पश्चिम भागातून चंद्रकात सोनावणे हा रिक्षाचालक ओव्हरसीट घेऊन जात होता. त्याला वाहतूक पोलिसांनी अडवत त्याच्यावर दंडात्मक कारवाई केली होती. त्यात रिक्षाचालकाने रिक्षा चालवताना मद्यप्राशन केलेले आढळल्याने पोलिसांनी त्याला तीन हजार रुपयांचा दंड ठोठावला. मात्र वाहतूक पोलिसांनी केलेल्या कारवाईचा राग मनात धरत या रिक्षाचालकाने, चिंचपाडा परिसरात असलेल्या वाहतूक शाखा कार्यालयाच्या बाहेर स्वत:च्या गळ्यावर ब्लेडने वार करून आत्महत्येचा प्रयत्न केला. त्यामुळे रक्तबंबाळ झालेल्या या रिक्षाचालकाला वाहतूक पेलिसांनी तात्काळ उपचारासाठी रुग्णालयातही दाखल केले. मात्र या सर्व प्रकरणात वाहतूक पोलिसांनी रिक्षाचालकाविरोधात अंबरनाथ पोलिस ठाण्यात सरकारी कामात अडथळा आणि आत्महत्येचा प्रयत्न केल्याप्रकरणी गुन्हा दाखल केला आहे. रिक्षाचालक चंद्रकांत सोनवणे याच्यावर सध्या उल्हासनगर येथील मध्यवर्ती रुग्णालयात उपचार सुरू असल्याने त्यांना अटक करण्यात आलेली नाही.