म. टा. प्रतिनिधी, ठाणे
ठाणे पूर्वेच्या कोपरी भागात अवैध खासगी बसचालकाकडून वृद्धाला धडक दिल्यानंतर याठिकाणी बसगाड्यांना ‘नो एंट्री' देण्यात आल्याने बारा बंगला चौकापासून या बसगाड्या माघारी वळवल्या जात आहेत. त्यामुळे येथून ठाणे स्टेशनपर्यंत प्रवाशांना सेवा देणाऱ्या रिक्षाचालकांचा धंदा मात्र तेजीत आहे.
ठाणे पूर्वेच्या सिद्धार्थनगर भागात अवैध खासगी बसने ६४ वर्षीय भगवान ढेंगळे यांना काही दिवसांपूर्वी धडक दिली. त्यानंतर अवैध खासगी बसगाड्यांसह खासगी कंपन्यांच्या बसविरोधात कोपरी संघर्ष समितीने आवाज उठवला. तसेच, या प्रकरणी वाहतूक शाखेच्या अधिकाऱ्यांची भेट घेऊन कोणत्याही प्रकारच्या खासगी बसगाड्या कोपरी परिसरात येऊ देण्यास मज्जाव करण्याचीही विनंती केली. त्यानुसार सर्वच खासगी बसगाड्या कोपरी येथील बारा बंगला चौकाला वळसा घालून आनंदनगरच्या दिशेने जात येथील सर्व्हिस रोडवर थांबत आहेत. तेथून पुढे बारा बंगला परिसरातील बीएसएनएल समोरील रस्त्यावरून पुन्हा घोडबंदर रोडच्या दिशेने रवाना केल्या जात आहेत. त्यामुळे ठाणे स्टेशन पूर्वेला जाण्यासाठी बारा बंगला चौकापासून प्रवाशांना पायपीट करावी लागत असल्याने रिक्षाचालकांनी येथूनच बिनदिक्कतपणे शेअर रिक्षांची सोय सुरू केली आहे. एका प्रवाशांसाठी दहा रुपये या दराने तीन प्रवाशांचे थेट तीस रुपये रिक्षाचालकांकडून कमावले जात आहेत. त्यामुळे खासगी बसबंदीचा एकप्रकारे त्यांच्या धंद्यांला फायदा झाल्याने त्यांचे मीटर तेजीत आहे. तर, दुसरीकडे खासगी बस पकडण्यासाठी ठाणे स्थानक पूर्वेकडून चालतच बारा बंगला चौक गाठण्याचा पर्याय प्रवासी स्वीकारत आहेत.
कोपरी परिसर मोकळा मागील दोन ते तीन दिवसांपासून ठाणे स्थानक पूर्वेकडे कोपरी परिसरात खासगी बसगाड्यांना प्रवेश करण्यासाठी बंदी असल्याने येथील परिसरातील वाहतूककोंडी कमी झाली आहे. तसेच, खासगी बसगाड्यांची बजबजपुरी असणाऱ्या कोपरी येथील इमारत क्रमांक एक आणि दोन समोरील भागही मोकळा झाल्याने स्थानिकांनी सुटकेचा निश्वास सोडला आहे.
ठाणे पूर्वेच्या कोपरी भागात अवैध खासगी बसचालकाकडून वृद्धाला धडक दिल्यानंतर याठिकाणी बसगाड्यांना ‘नो एंट्री' देण्यात आल्याने बारा बंगला चौकापासून या बसगाड्या माघारी वळवल्या जात आहेत. त्यामुळे येथून ठाणे स्टेशनपर्यंत प्रवाशांना सेवा देणाऱ्या रिक्षाचालकांचा धंदा मात्र तेजीत आहे.
ठाणे पूर्वेच्या सिद्धार्थनगर भागात अवैध खासगी बसने ६४ वर्षीय भगवान ढेंगळे यांना काही दिवसांपूर्वी धडक दिली. त्यानंतर अवैध खासगी बसगाड्यांसह खासगी कंपन्यांच्या बसविरोधात कोपरी संघर्ष समितीने आवाज उठवला. तसेच, या प्रकरणी वाहतूक शाखेच्या अधिकाऱ्यांची भेट घेऊन कोणत्याही प्रकारच्या खासगी बसगाड्या कोपरी परिसरात येऊ देण्यास मज्जाव करण्याचीही विनंती केली. त्यानुसार सर्वच खासगी बसगाड्या कोपरी येथील बारा बंगला चौकाला वळसा घालून आनंदनगरच्या दिशेने जात येथील सर्व्हिस रोडवर थांबत आहेत. तेथून पुढे बारा बंगला परिसरातील बीएसएनएल समोरील रस्त्यावरून पुन्हा घोडबंदर रोडच्या दिशेने रवाना केल्या जात आहेत. त्यामुळे ठाणे स्टेशन पूर्वेला जाण्यासाठी बारा बंगला चौकापासून प्रवाशांना पायपीट करावी लागत असल्याने रिक्षाचालकांनी येथूनच बिनदिक्कतपणे शेअर रिक्षांची सोय सुरू केली आहे. एका प्रवाशांसाठी दहा रुपये या दराने तीन प्रवाशांचे थेट तीस रुपये रिक्षाचालकांकडून कमावले जात आहेत. त्यामुळे खासगी बसबंदीचा एकप्रकारे त्यांच्या धंद्यांला फायदा झाल्याने त्यांचे मीटर तेजीत आहे. तर, दुसरीकडे खासगी बस पकडण्यासाठी ठाणे स्थानक पूर्वेकडून चालतच बारा बंगला चौक गाठण्याचा पर्याय प्रवासी स्वीकारत आहेत.
कोपरी परिसर मोकळा मागील दोन ते तीन दिवसांपासून ठाणे स्थानक पूर्वेकडे कोपरी परिसरात खासगी बसगाड्यांना प्रवेश करण्यासाठी बंदी असल्याने येथील परिसरातील वाहतूककोंडी कमी झाली आहे. तसेच, खासगी बसगाड्यांची बजबजपुरी असणाऱ्या कोपरी येथील इमारत क्रमांक एक आणि दोन समोरील भागही मोकळा झाल्याने स्थानिकांनी सुटकेचा निश्वास सोडला आहे.