म. टा. वृत्तसेवा, ठाणे
नामांकित कंपनीच्या नावाने बनावट इंजिन ऑइल तयार करून त्याची परदेशात विक्री करणाऱ्या अंबरनाथमधील आनंदनगर एमआयडीसीतील ऑटो मोर्स कंपनीत गुन्हे शाखेने छापा मारून ४६८ ऑइलचे कॅनने भरलेले बॉक्स तसेच तेल तयार करण्यासाठी लागणारी मशिनरी, साहित्य असा एकूण १ कोटी ८२ लाख ६१ हजार ९५२ रुपयांचा मुद्देमाल जप्त करण्यात आला. कंपनीच्या प्रोडक्शन मॅनेजरसह सुरपरवायझर अशा दोघांना अटक केली असून कंपनीचे तिघे मालक फरार आहेत.
अंबरनाथ पूर्वेकडील प्लॉट नंबर एफ ८६ आणि एफ ८६/८ येथे ऑटो मोर्स कंपनी आहे. या कंपनीत गल्फ ऑईल लुब्रिकेंट्स इंडिया लिमिटेड कंपनीचे बनावट इंजिन ऑइल तयार केले जात होते. शिवाय तेलाच्या विक्रीसाठी या कंपनीच्या लोगोचाही वापर केला जात होता. याबाबत ठाणे पोलिसांकडे तक्रार आल्यानंतर बुधवारी गुन्हे शाखा युनिट एकचे वरिष्ठ पोलिस निरीक्षक नितीन ठाकरे यांच्या मार्गदर्शनाखाली पोलिस निरीक्षक रणवीर बयेस यांच्या पथकाने कंपनीवर छापा मारला. यावेळी तेल आणि ग्रीस बनवण्यासाठी लागणारे साहित्य, गल्फ कंपनीचे स्टीकर लावलेले कॅन, रिकामे तसेच तेलाचे कॅनने भरलेले बॉक्स, फिलिंग मशनि, असा एकूण एक कोटी रुपयांचा मुद्देमाल जप्त करण्यात आला. प्रोडक्शन मॅनेजर एरीक अॅडवीन सायलस (३५) रा. अंबरनाथ आणि सुपरवायझर दिगंबर दशरथ त्रिमुखे (४०) रा. कुर्ला यांना न्यायालयाने त्यांना १३ फेब्रुवारी पर्यंत पोलिस कोठडी सुनावली आहे. अंबरनाथच्या शिवाजीनगर पोलिस ठाण्यात गुन्हा दाखल करण्यात आला असून कंपनीचे मालक अमरजीतकौर आनंद, रणजितसिंग आनंद आणि सुप्रितसिंग आनंद यांचा शोध सुरू आहे.
सन २००९पासून कंपनीचे युनिट
आनंदनगर एमआयडीसीत ऑटो मोर्स कंपनीचे युनिट २००९पासून आहे. पोलिसांच्या कारवाईत कंपनीविषयी कोणतीच कागदपत्रे मिळाली नाहीत. कंपनीचे मालक अटक झाल्यानंतरच आणखी माहिती समोर येण्याची शक्यता पोलिस अधिकाऱ्यांनी व्यक्त केली आहे.
लिबिया, फ्रीटाऊन देशात विक्री
अंबरनाथमध्ये तयार होणाऱ्या या बनावट तेलाची विक्री आरोपी यमन, लिबिया तसेच फ्रिटाऊन या देशात केली जात असल्याची माहिती चौकशीतून समोर आली आहे. तसेच बोटीतून तेल पाठवले जात होते.
नामांकित कंपनीच्या नावाने बनावट इंजिन ऑइल तयार करून त्याची परदेशात विक्री करणाऱ्या अंबरनाथमधील आनंदनगर एमआयडीसीतील ऑटो मोर्स कंपनीत गुन्हे शाखेने छापा मारून ४६८ ऑइलचे कॅनने भरलेले बॉक्स तसेच तेल तयार करण्यासाठी लागणारी मशिनरी, साहित्य असा एकूण १ कोटी ८२ लाख ६१ हजार ९५२ रुपयांचा मुद्देमाल जप्त करण्यात आला. कंपनीच्या प्रोडक्शन मॅनेजरसह सुरपरवायझर अशा दोघांना अटक केली असून कंपनीचे तिघे मालक फरार आहेत.
अंबरनाथ पूर्वेकडील प्लॉट नंबर एफ ८६ आणि एफ ८६/८ येथे ऑटो मोर्स कंपनी आहे. या कंपनीत गल्फ ऑईल लुब्रिकेंट्स इंडिया लिमिटेड कंपनीचे बनावट इंजिन ऑइल तयार केले जात होते. शिवाय तेलाच्या विक्रीसाठी या कंपनीच्या लोगोचाही वापर केला जात होता. याबाबत ठाणे पोलिसांकडे तक्रार आल्यानंतर बुधवारी गुन्हे शाखा युनिट एकचे वरिष्ठ पोलिस निरीक्षक नितीन ठाकरे यांच्या मार्गदर्शनाखाली पोलिस निरीक्षक रणवीर बयेस यांच्या पथकाने कंपनीवर छापा मारला. यावेळी तेल आणि ग्रीस बनवण्यासाठी लागणारे साहित्य, गल्फ कंपनीचे स्टीकर लावलेले कॅन, रिकामे तसेच तेलाचे कॅनने भरलेले बॉक्स, फिलिंग मशनि, असा एकूण एक कोटी रुपयांचा मुद्देमाल जप्त करण्यात आला. प्रोडक्शन मॅनेजर एरीक अॅडवीन सायलस (३५) रा. अंबरनाथ आणि सुपरवायझर दिगंबर दशरथ त्रिमुखे (४०) रा. कुर्ला यांना न्यायालयाने त्यांना १३ फेब्रुवारी पर्यंत पोलिस कोठडी सुनावली आहे. अंबरनाथच्या शिवाजीनगर पोलिस ठाण्यात गुन्हा दाखल करण्यात आला असून कंपनीचे मालक अमरजीतकौर आनंद, रणजितसिंग आनंद आणि सुप्रितसिंग आनंद यांचा शोध सुरू आहे.
सन २००९पासून कंपनीचे युनिट
आनंदनगर एमआयडीसीत ऑटो मोर्स कंपनीचे युनिट २००९पासून आहे. पोलिसांच्या कारवाईत कंपनीविषयी कोणतीच कागदपत्रे मिळाली नाहीत. कंपनीचे मालक अटक झाल्यानंतरच आणखी माहिती समोर येण्याची शक्यता पोलिस अधिकाऱ्यांनी व्यक्त केली आहे.
लिबिया, फ्रीटाऊन देशात विक्री
अंबरनाथमध्ये तयार होणाऱ्या या बनावट तेलाची विक्री आरोपी यमन, लिबिया तसेच फ्रिटाऊन या देशात केली जात असल्याची माहिती चौकशीतून समोर आली आहे. तसेच बोटीतून तेल पाठवले जात होते.