म. टा. वृत्तसेवा, कल्याण
डोंबिवली पश्चिमेकडील भागशाळा मैदान आणि स्टेशन परिसरात दररोज हजारो नागरिकांची वर्दळ असताना या नागरिकांसाठी स्वच्छतागृहाची सुविधा नसल्यामुळे नागरिकाची कुचंबणा होत होती. यामुळेच या प्रभागांत स्थानिक नगरसेविका मनीषा धात्रक यांच्या मागणीची दखल घेत ई-टॉयलेटची सुविधा उपलब्ध करून देण्यासाठी स्थायी समितीने निधी मंजूर केला आहे. इतर प्रभागांमध्येदेखील अशा प्रकारे ई-टॉयलेटची सुविधा गरजेची असल्यास त्यालाही तातडीने मान्यता देण्याची तयारी दाखवत सभापती रमेश म्हात्रे यांनी नागरिकांना दिलासा दिला.
सर्वाधिक वर्दळ असलेल्या स्टेशन परिसरातील महत्त्वाच्या रस्त्याशेजारी शौचालयाची सुविधा नसल्याने महिला वर्ग व ज्येष्ठ नागरिकांची गैरसोय होत आहे. यामुळेच राइट टू पीच्या अधिकाराखाली महिलांसाठी शौचालयाची सुविधा उपलब्ध करून देणे अत्यावश्यक होते. तसेच भाग शाळा मैदानात फिरण्यासाठी व मॉर्निग वॉकसाठी येणाऱ्या महिलांना व ज्येष्ठ नागरिकांना शौचालयाची गरज असल्याने भाजपाचे माजी स्थायी समिती सदस्य नगरसेवक शैलेश धात्रक व स्थानिका नगरसेविका मनीषा धात्रक यांनी डोंबिवली पश्चिमेकडील भागशाळा मैदान व गणेश मंदिर दीनदयाळ रोड या परिसरात ई-टॉयलेट उभारण्याची मागणी पालिका आयुक्तांकडे निवेदनाद्वारे केली होती.
पालिका प्रशासनाने नागरिकांची गरज लक्षात घेत पालिकेच्या अर्थसंकल्पातील विशेष निधीतून तरतूद करून प्रभाग क्र. ६१ विष्णू नगर भागशाळा मैदान व प्रभाग क्र. ६०मधील गणेश मंदिर दीनदयाळ रोड या परिसराची पाहणी करून ई-टॉयलेट उभारण्याच्या कामासाठी प्रत्येकी १३ लाख ८६ हजार ४९९ रुपये असे २७ लाख ७२ हजार ९९८ रुपये निधी मंजूर केला आहे. तर स्थायी समितीने देखील ई-टॉयलेट उभारणी व देखभालीच्या कामाला मंजुरी दिली असून इतर प्रभागात अशा प्रकारे ई-टॉयलेटची आवश्यकता असल्यास त्याचा प्रस्ताव संबंधित नगरसेवकांनी तातडीने सादर करावा, अशा प्रस्तावांना मंजुरी दिली जाईल, असे आश्वासन म्हात्रे यांनी दिले आहे.
डोंबिवली पश्चिमेकडील भागशाळा मैदान आणि स्टेशन परिसरात दररोज हजारो नागरिकांची वर्दळ असताना या नागरिकांसाठी स्वच्छतागृहाची सुविधा नसल्यामुळे नागरिकाची कुचंबणा होत होती. यामुळेच या प्रभागांत स्थानिक नगरसेविका मनीषा धात्रक यांच्या मागणीची दखल घेत ई-टॉयलेटची सुविधा उपलब्ध करून देण्यासाठी स्थायी समितीने निधी मंजूर केला आहे. इतर प्रभागांमध्येदेखील अशा प्रकारे ई-टॉयलेटची सुविधा गरजेची असल्यास त्यालाही तातडीने मान्यता देण्याची तयारी दाखवत सभापती रमेश म्हात्रे यांनी नागरिकांना दिलासा दिला.
सर्वाधिक वर्दळ असलेल्या स्टेशन परिसरातील महत्त्वाच्या रस्त्याशेजारी शौचालयाची सुविधा नसल्याने महिला वर्ग व ज्येष्ठ नागरिकांची गैरसोय होत आहे. यामुळेच राइट टू पीच्या अधिकाराखाली महिलांसाठी शौचालयाची सुविधा उपलब्ध करून देणे अत्यावश्यक होते. तसेच भाग शाळा मैदानात फिरण्यासाठी व मॉर्निग वॉकसाठी येणाऱ्या महिलांना व ज्येष्ठ नागरिकांना शौचालयाची गरज असल्याने भाजपाचे माजी स्थायी समिती सदस्य नगरसेवक शैलेश धात्रक व स्थानिका नगरसेविका मनीषा धात्रक यांनी डोंबिवली पश्चिमेकडील भागशाळा मैदान व गणेश मंदिर दीनदयाळ रोड या परिसरात ई-टॉयलेट उभारण्याची मागणी पालिका आयुक्तांकडे निवेदनाद्वारे केली होती.
पालिका प्रशासनाने नागरिकांची गरज लक्षात घेत पालिकेच्या अर्थसंकल्पातील विशेष निधीतून तरतूद करून प्रभाग क्र. ६१ विष्णू नगर भागशाळा मैदान व प्रभाग क्र. ६०मधील गणेश मंदिर दीनदयाळ रोड या परिसराची पाहणी करून ई-टॉयलेट उभारण्याच्या कामासाठी प्रत्येकी १३ लाख ८६ हजार ४९९ रुपये असे २७ लाख ७२ हजार ९९८ रुपये निधी मंजूर केला आहे. तर स्थायी समितीने देखील ई-टॉयलेट उभारणी व देखभालीच्या कामाला मंजुरी दिली असून इतर प्रभागात अशा प्रकारे ई-टॉयलेटची आवश्यकता असल्यास त्याचा प्रस्ताव संबंधित नगरसेवकांनी तातडीने सादर करावा, अशा प्रस्तावांना मंजुरी दिली जाईल, असे आश्वासन म्हात्रे यांनी दिले आहे.