पालघरमध्ये ३.६ तीव्रतेचा भूकंप

पालघर:

मागील काही महिन्यांपासून भूकंपाचे सौम्य धक्के सहन करणाऱ्या पालघरमध्ये आज पहाटे पुन्हा भूकंप झाला. या भूकंपाची तीव्रता ३.६ रिश्टर स्केल इतकी होती. पहाटे १.१५ च्या सुमारास डहाणू, तलासरी तालुक्यात भूकंपाचे धक्के जाणवल्याची माहिती आहे.

डिसेंबर, फेब्रुअरी आणि मार्च महिन्यातही पालघर परिसरात भूंकप झाला होता. त्यामुळे पालघर परिसरात भूकंपाच्या धक्क्यांनी नागरिकांच्या मनात भीती निर्माण केली आहे. असं असल्यानं नागरिकांना घाबरून जाऊ नये, असे आवाहन जिल्हा प्रशासनाच्या वतीनं वेळोवेळी करण्यात येत आहे.