म. टा. वृत्तसेवा, डोंबिवली
गेल्या वर्षी कल्याण-डोंबिवलीतील वीजग्राहकांना उन्हाळ्यादरम्यान अनियमित भारनियमनाचा त्रास सहन करावा लागला होता. त्याचीच पुनरावृत्ती यंदाही होण्याची चिन्हे दिसून येत असून वाढत्या तापमानाचा सामना करण्यासाठी सक्षम यंत्रणा नसल्याचा फटका महावितरणच्या व्यवस्थेला बसण्याचा धोका आहे. त्यातच महावितरणच्या स्विचिंग सेंटरचे कामसुद्धा प्रलंबित असल्यामुळे विजेचा वापर वाढल्यास त्रास होण्याची चिन्हे सध्या दिसून येत आहेत.
गेल्यावर्षी उन्हाळ्याच्या दिवसांमध्ये डोंबिवली आणि कल्याणच्या अनेक भागामध्ये भारनियमनाचा त्रास जाणवला होता. काही ठिकाणी आठ-आठ तास भारनियमनाने ग्राहक हैराण झाले होते. अशा परिस्थितीत अतिरिक्त विद्युत पुरवठ्यासाठी नवीन स्विचिंग सेंटर उभारण्यात येणार होते. मात्र या सेंटरच्या उभारणीचे काम पूर्ण न झाल्यामुळे अतिरिक्त व्यवस्थेचा पर्याय बंद आहे. या सेंटरच्या उभारणीमध्ये जमीन हस्तांतरणाचा प्रश्न आल्यामुळे सेंटरचे काम रखडले होते. स्विचिंग सेंटरद्वारे कल्याण-डोंबिवलीला अतिरिक्त वीजपुरवठा मिळाल्यास या शहरांचा भारनियमनाचा प्रश्न सुटला असता. मात्र, आता उन्हाळ्यात पुन्हा अतिरिक्त भारनियमनाची टांगती तलवार ग्राहकांवर असणार आहे.
वातावरणाची भीती
सध्या महावितरणकडे पुरेसा वीजसाठा आहे मात्र गेल्यावर्षीसारखी परिस्थिती उद्धवल्यास उन्हाचा त्रास होऊन त्याचा परिणाम विद्युतव्यवस्थेवर होऊ शकतो. मात्र त्याबद्दल निश्चित सांगता येणार नाही, असे महावितरणच्या कल्याण झोनचे मुख्य जनसंपर्क अधिकारी भारत पवार यांनी सांगितले.
गेल्या वर्षी कल्याण-डोंबिवलीतील वीजग्राहकांना उन्हाळ्यादरम्यान अनियमित भारनियमनाचा त्रास सहन करावा लागला होता. त्याचीच पुनरावृत्ती यंदाही होण्याची चिन्हे दिसून येत असून वाढत्या तापमानाचा सामना करण्यासाठी सक्षम यंत्रणा नसल्याचा फटका महावितरणच्या व्यवस्थेला बसण्याचा धोका आहे. त्यातच महावितरणच्या स्विचिंग सेंटरचे कामसुद्धा प्रलंबित असल्यामुळे विजेचा वापर वाढल्यास त्रास होण्याची चिन्हे सध्या दिसून येत आहेत.
गेल्यावर्षी उन्हाळ्याच्या दिवसांमध्ये डोंबिवली आणि कल्याणच्या अनेक भागामध्ये भारनियमनाचा त्रास जाणवला होता. काही ठिकाणी आठ-आठ तास भारनियमनाने ग्राहक हैराण झाले होते. अशा परिस्थितीत अतिरिक्त विद्युत पुरवठ्यासाठी नवीन स्विचिंग सेंटर उभारण्यात येणार होते. मात्र या सेंटरच्या उभारणीचे काम पूर्ण न झाल्यामुळे अतिरिक्त व्यवस्थेचा पर्याय बंद आहे. या सेंटरच्या उभारणीमध्ये जमीन हस्तांतरणाचा प्रश्न आल्यामुळे सेंटरचे काम रखडले होते. स्विचिंग सेंटरद्वारे कल्याण-डोंबिवलीला अतिरिक्त वीजपुरवठा मिळाल्यास या शहरांचा भारनियमनाचा प्रश्न सुटला असता. मात्र, आता उन्हाळ्यात पुन्हा अतिरिक्त भारनियमनाची टांगती तलवार ग्राहकांवर असणार आहे.
वातावरणाची भीती
सध्या महावितरणकडे पुरेसा वीजसाठा आहे मात्र गेल्यावर्षीसारखी परिस्थिती उद्धवल्यास उन्हाचा त्रास होऊन त्याचा परिणाम विद्युतव्यवस्थेवर होऊ शकतो. मात्र त्याबद्दल निश्चित सांगता येणार नाही, असे महावितरणच्या कल्याण झोनचे मुख्य जनसंपर्क अधिकारी भारत पवार यांनी सांगितले.