लोकलमधून पडून इंजिनीअरचा मृत्यू

म. टा. वृत्तसेवा, कल्याण

लोकलमधील गर्दीमुळे नितेंद्र वीरेंद्र यादव (२९) या तरुणाचा बुधवारी सकाळी डोंबिवली व कोपर स्थानकादरम्यान लोकलमधून पडून मृत्यू ओढवला. डोंबिवलीच्या गोग्रासवाडीत राहणारा व इंजिनीअर असलेला नितेंद्र सकाळी साडेनऊच्या सुमारास मुंबईतील आपल्या कार्यालयात जात होता. लोकलमध्ये आत शिरता न आल्याने त्याला लटकून प्रवास करावा लागला. काही दिवसांतच त्याचा विवाह होणार होता.