म. टा. वृत्तसेवा, पालघर
डहाणू तालुका नैसर्गिक पर्यावरण व मानवता विकास संस्थेमार्फत तालुक्यातील गोवणे येथील जिल्हा परिषद शाळेतील विद्यार्थ्यांनी पर्यावरणाचा समतोल राखण्यासाठी व जंगलसंवर्धनासाठी हजारो ‘सीड बॉल्स’ बनवले आहेत. जिल्ह्यातील हा पहिला पर्यावरणपूरक उपक्रम गोवणे शाळेतील शिक्षक विजय पावबाके यांच्या नेतृत्वाखाली राबविण्यात आला आहे.
विद्यार्थ्यांना वर्षभर वेगवेगळ्या हंगामात येणारी फळे खायला आवडतात. शाळेतील विद्यार्थी अनेक प्रकारची फळे खाऊन त्याच्या बिया फेकून द्यायचे. मैदानात त्याचा कचरा होत असे. ही बाब जेव्हा विजय पावबाके या शिक्षकाच्या लक्षात आली तेव्हा त्यांनी प्रत्येक वर्गात एक-एक प्लॅस्टिकची बरणी नेऊन दिली. फळे खालल्यानंतर बिया फेकून न देता त्या या बरणीत टाकण्यास सांगितल्या. विद्यार्थ्यांना ही गोष्ट पटली. त्यांनी खाललेल्या फळांच्या बिया जमा करण्यास सुरुवात केली. बघता-बघता बरणीत चिंच, बोर, आवळा, जांभूळ, फणस, चिकू, पेरूच्या हजारो बिया जमा झाल्या. पण या बियांचे करायचे काय, हे विद्यार्थ्यांना ठाऊन नव्हते. परीक्षा संपल्यानंतर पावबाके यांनी सर्व विद्यार्थ्यांना एकत्र आणले आणि परिसरातील मऊ माती गोळा केली. मुलांनी या मातीत पाणी टाकून चिखल तयार केला. त्यानंतर मुलांचे गट तयार करून त्यांना तिखल आणि बिया समप्रमाणात वाटण्यात आले. त्यांनतर पावबाके यांनी मुलांनी ‘सीड बॉल्स’ बनवण्याची कल्पना सांगितली. ते कसे बसवायचे हेही सांगितले. त्याचे वृक्ष आणि जंगलवाढीसाठी होणारे फायदे सांगितले. त्यानंतर विद्यार्थ्यांनी काही वेळात हजरो ‘सीड बॉल्स’ तयार केले. विद्यार्थ्यांमधे पर्यावरण विषयक जागृती निर्माण करण्यासाठी सदर उपक्रम राबवण्यात आला होता.
हे हजारो ‘सीड बॉल्स’ आम्ही गोवणे व साखरे परिसरातील जंगलात पावसापूर्वी टाकणार आहोत. म्हणजे पाऊस सुरू झाला की, परिसरात शेकडो नवीन रोपे तयार होतील. यातूनच विद्यार्थी व गावात वनसंवर्धनाचा सकारात्मक संदेश जाईल.
विजय पावबाके, डहाणू तालुका अध्यक्ष, नैसर्गिक पर्यावरण व मानवता विकास संस्था
डहाणू तालुका नैसर्गिक पर्यावरण व मानवता विकास संस्थेमार्फत तालुक्यातील गोवणे येथील जिल्हा परिषद शाळेतील विद्यार्थ्यांनी पर्यावरणाचा समतोल राखण्यासाठी व जंगलसंवर्धनासाठी हजारो ‘सीड बॉल्स’ बनवले आहेत. जिल्ह्यातील हा पहिला पर्यावरणपूरक उपक्रम गोवणे शाळेतील शिक्षक विजय पावबाके यांच्या नेतृत्वाखाली राबविण्यात आला आहे.
विद्यार्थ्यांना वर्षभर वेगवेगळ्या हंगामात येणारी फळे खायला आवडतात. शाळेतील विद्यार्थी अनेक प्रकारची फळे खाऊन त्याच्या बिया फेकून द्यायचे. मैदानात त्याचा कचरा होत असे. ही बाब जेव्हा विजय पावबाके या शिक्षकाच्या लक्षात आली तेव्हा त्यांनी प्रत्येक वर्गात एक-एक प्लॅस्टिकची बरणी नेऊन दिली. फळे खालल्यानंतर बिया फेकून न देता त्या या बरणीत टाकण्यास सांगितल्या. विद्यार्थ्यांना ही गोष्ट पटली. त्यांनी खाललेल्या फळांच्या बिया जमा करण्यास सुरुवात केली. बघता-बघता बरणीत चिंच, बोर, आवळा, जांभूळ, फणस, चिकू, पेरूच्या हजारो बिया जमा झाल्या. पण या बियांचे करायचे काय, हे विद्यार्थ्यांना ठाऊन नव्हते. परीक्षा संपल्यानंतर पावबाके यांनी सर्व विद्यार्थ्यांना एकत्र आणले आणि परिसरातील मऊ माती गोळा केली. मुलांनी या मातीत पाणी टाकून चिखल तयार केला. त्यानंतर मुलांचे गट तयार करून त्यांना तिखल आणि बिया समप्रमाणात वाटण्यात आले. त्यांनतर पावबाके यांनी मुलांनी ‘सीड बॉल्स’ बनवण्याची कल्पना सांगितली. ते कसे बसवायचे हेही सांगितले. त्याचे वृक्ष आणि जंगलवाढीसाठी होणारे फायदे सांगितले. त्यानंतर विद्यार्थ्यांनी काही वेळात हजरो ‘सीड बॉल्स’ तयार केले. विद्यार्थ्यांमधे पर्यावरण विषयक जागृती निर्माण करण्यासाठी सदर उपक्रम राबवण्यात आला होता.
हे हजारो ‘सीड बॉल्स’ आम्ही गोवणे व साखरे परिसरातील जंगलात पावसापूर्वी टाकणार आहोत. म्हणजे पाऊस सुरू झाला की, परिसरात शेकडो नवीन रोपे तयार होतील. यातूनच विद्यार्थी व गावात वनसंवर्धनाचा सकारात्मक संदेश जाईल.
विजय पावबाके, डहाणू तालुका अध्यक्ष, नैसर्गिक पर्यावरण व मानवता विकास संस्था