ठाणे: नौपाडा परिसरातील विष्णूनगर येथील सुयश अपार्टमेंटमध्ये लिफ्टमधील क्षुल्लक कारणातून झालेल्या वादाचे पर्यवसन मारहाणीत झाले असून या प्रकरणी दोघांनी एकमेकांविरोधात तक्रार दाखल केली आहे. नौपाडा पोलिस ठाण्यात या प्रकरणी अदखलपात्र गुन्हा दाखल करण्यात आला आहे. तसेच नौपाडा पोलिसांकडून तपास सुरू करण्यात आला आहे. राहुल पैठणकर आणि हसमुख शहा अशी या सोसायटी सदस्यांची नावे असून त्यांनी एकमेकांना शिविगाळ करून मारहाण केली असल्याचे पोलिसांचे म्हणणे आहे.
सुयश अपार्टमेंटमध्ये राहणारे राहुल पैठणकर पाचव्या मजल्यावर राहतात. तर त्याच सोसायटीमध्ये हसमुख शहा सहाव्या मजल्यावर राहतात. बुधवार ११ सप्टेंबर रोजी सायंकाळी ५.४०च्या दरम्यान राहुल पैठणकर यांच्या आईची चप्पल पाचव्या मजल्यावर लिफ्टमध्ये अडकली. त्यामुळे चप्पल काढण्यासाठी ही लिफ्ट पाचव्या मजल्यावर अर्धा मिनिट थांबून राहिली. त्यामुळे हसमुख आणि राहुल यांचा वाद सुरू झाला. यावेळी धक्काबुक्की करण्यात आली. या प्रकरणी नौपाडा पोलिस ठाण्यात दोघांविरोधात अदखलपात्र गुन्हा दाखल करण्यात आल्या.
मराठी-गुजराती वादाचा रंग…
राहुल पैठणकर आणि हसमुख शहा यांच्यातील वैयक्तिक आणि क्षुल्लक कारणावरून झालेल्या या हाणामारीचा व्हिडीओ समाजमाध्यमातून व्हायरल झाला आहे. तसेच गुजराती आणि मराठी वादातून हे प्रकार घडला असून प्रांतिक टिप्पणी केल्याचा दावाही सोशल मीडियावर करण्यात आला. त्यामुळे या भागात तणावाची शक्यता निर्माण झाली आहे. या प्रकरणी दोघांनाही नोटिसा पाठवण्यात आल्या आहेत. तसेच सामाजिक ताण निर्माण करण्याचा प्रयत्न झाल्यास आयटी अॅक्टप्रमाणे गुन्हा दाखल केला जाईल, असे वरिष्ठ पोलिस निरीक्षक अनिल मांगले यांनी सांगितले.
सुयश अपार्टमेंटमध्ये राहणारे राहुल पैठणकर पाचव्या मजल्यावर राहतात. तर त्याच सोसायटीमध्ये हसमुख शहा सहाव्या मजल्यावर राहतात. बुधवार ११ सप्टेंबर रोजी सायंकाळी ५.४०च्या दरम्यान राहुल पैठणकर यांच्या आईची चप्पल पाचव्या मजल्यावर लिफ्टमध्ये अडकली. त्यामुळे चप्पल काढण्यासाठी ही लिफ्ट पाचव्या मजल्यावर अर्धा मिनिट थांबून राहिली. त्यामुळे हसमुख आणि राहुल यांचा वाद सुरू झाला. यावेळी धक्काबुक्की करण्यात आली. या प्रकरणी नौपाडा पोलिस ठाण्यात दोघांविरोधात अदखलपात्र गुन्हा दाखल करण्यात आल्या.
मराठी-गुजराती वादाचा रंग…
राहुल पैठणकर आणि हसमुख शहा यांच्यातील वैयक्तिक आणि क्षुल्लक कारणावरून झालेल्या या हाणामारीचा व्हिडीओ समाजमाध्यमातून व्हायरल झाला आहे. तसेच गुजराती आणि मराठी वादातून हे प्रकार घडला असून प्रांतिक टिप्पणी केल्याचा दावाही सोशल मीडियावर करण्यात आला. त्यामुळे या भागात तणावाची शक्यता निर्माण झाली आहे. या प्रकरणी दोघांनाही नोटिसा पाठवण्यात आल्या आहेत. तसेच सामाजिक ताण निर्माण करण्याचा प्रयत्न झाल्यास आयटी अॅक्टप्रमाणे गुन्हा दाखल केला जाईल, असे वरिष्ठ पोलिस निरीक्षक अनिल मांगले यांनी सांगितले.