म. टा. वृत्तसेवा, ठाणे
खेळता-खेळता एक अल्पवयीन मुलगा इमारतीच्या पायाभरणीसाठी खोदलेल्या खड्ड्यात पडल्याची घटना कळवा पारसिकनगर, संघवी व्हॅली येथे घडली. या मुलावर खासगी रुग्णालयात उपचार सुरू असून या घटनेला जबाबदार धरत संघवी व्हॅली बिल्डरविरोधात कळवा पोलिस ठाण्यात गुन्हा दाखल करण्यात आला आहे.
बेस्टमध्ये कामाला असलेले पांडुरंग बागकर संघवी व्हॅली येथे राहतात. रविवारी सकाळी ११ वाजता त्यांचा मुलगा वेदांत (१२) हा मित्रांसोबत खेळण्यासाठी गेला. दरम्यान, त्यांच्या इमारतीच्या शेजारी इमारतीचे बांधकाम सुरू असून इमारतीच्या पायाभरणीसाठी खड्डा खोदण्यात आला आहे. या खड्ड्यात पावसाचे पाणी जमा झाले असून खेळत असताना पाय घसरून वेदांत खड्ड्यात पडला. नाकातोंडात पाणी गेल्याने तो बेशुद्ध पडला. तात्काळ त्याला कळव्यातीलच एका खाजगी रुग्णालयात नेले. बागकर यांनी दिलेल्या तक्रारीनंतर संघवी बिल्डरविरोधात गुन्हा दाखल करण्यात आला आहे.
खेळता-खेळता एक अल्पवयीन मुलगा इमारतीच्या पायाभरणीसाठी खोदलेल्या खड्ड्यात पडल्याची घटना कळवा पारसिकनगर, संघवी व्हॅली येथे घडली. या मुलावर खासगी रुग्णालयात उपचार सुरू असून या घटनेला जबाबदार धरत संघवी व्हॅली बिल्डरविरोधात कळवा पोलिस ठाण्यात गुन्हा दाखल करण्यात आला आहे.
बेस्टमध्ये कामाला असलेले पांडुरंग बागकर संघवी व्हॅली येथे राहतात. रविवारी सकाळी ११ वाजता त्यांचा मुलगा वेदांत (१२) हा मित्रांसोबत खेळण्यासाठी गेला. दरम्यान, त्यांच्या इमारतीच्या शेजारी इमारतीचे बांधकाम सुरू असून इमारतीच्या पायाभरणीसाठी खड्डा खोदण्यात आला आहे. या खड्ड्यात पावसाचे पाणी जमा झाले असून खेळत असताना पाय घसरून वेदांत खड्ड्यात पडला. नाकातोंडात पाणी गेल्याने तो बेशुद्ध पडला. तात्काळ त्याला कळव्यातीलच एका खाजगी रुग्णालयात नेले. बागकर यांनी दिलेल्या तक्रारीनंतर संघवी बिल्डरविरोधात गुन्हा दाखल करण्यात आला आहे.