१० जणांची सुखरूप सुटका
म. टा. प्रतिनिधी, ठाणे
एसीच्या कॉम्प्रेसरमधून धूर येऊन काहीवेळाने झालेल्या स्फोटानंतर इमारतीच्या दुसऱ्या मजल्यावरील एका खोलीत आग लागल्याचा प्रकार शुक्रवारी सकाळी भिवंडीत घडला. यावेळी इमारतीत अडकलेल्या १० जणांना सुखरूप बाहेर काढण्यात आल्याने मोठी जीवितहानी टळली. दरम्यान, अग्निशमन दलाच्या अथक प्रयत्नानंतर आगीवर नियंत्रण मिळवण्यात यश आले.
भिवंडी येथील वंजारपट्टी नाका भागात निजामुद्दीन शेठ अन्सारी यांच्या इमारतीमधील दुसऱ्या मजल्यावर असलेल्या एका खोलीत सकाळच्या सुमारास अचानक आग लागली. इमारतीत आग लागल्याचे समजताच स्थानिकांनी अग्निशमन दलाला तात्कळ आगीची माहिती दिली. त्याचवेळी इमारतीत दहा रहिवाशी अडकले होते. अग्निशमन दलाच्या तीन गाड्या घटनास्थळी दाखल झाल्यानंतर त्यांना सुखरूप बाहेर काढण्यात आले. आगीचे नेमके कारण स्पष्ट होऊ शकले नसून सुरुवातीला एसीमधून धूर आल्यानंतर शॉटसर्किटने ही आग वाढल्याचा प्राथमिक अंदाज व्यक्त करण्यात येत आहे. या भीषण आगीत इमारतीतील घरामधील संपूर्ण साहित्यासह फर्निचर जळून खाक झाले. या इमारतीच्या नजीक असलेले दोन पेट्रोल पंप घटनेनंतर बंद ठेवण्यात आले.
म. टा. प्रतिनिधी, ठाणे
एसीच्या कॉम्प्रेसरमधून धूर येऊन काहीवेळाने झालेल्या स्फोटानंतर इमारतीच्या दुसऱ्या मजल्यावरील एका खोलीत आग लागल्याचा प्रकार शुक्रवारी सकाळी भिवंडीत घडला. यावेळी इमारतीत अडकलेल्या १० जणांना सुखरूप बाहेर काढण्यात आल्याने मोठी जीवितहानी टळली. दरम्यान, अग्निशमन दलाच्या अथक प्रयत्नानंतर आगीवर नियंत्रण मिळवण्यात यश आले.
भिवंडी येथील वंजारपट्टी नाका भागात निजामुद्दीन शेठ अन्सारी यांच्या इमारतीमधील दुसऱ्या मजल्यावर असलेल्या एका खोलीत सकाळच्या सुमारास अचानक आग लागली. इमारतीत आग लागल्याचे समजताच स्थानिकांनी अग्निशमन दलाला तात्कळ आगीची माहिती दिली. त्याचवेळी इमारतीत दहा रहिवाशी अडकले होते. अग्निशमन दलाच्या तीन गाड्या घटनास्थळी दाखल झाल्यानंतर त्यांना सुखरूप बाहेर काढण्यात आले. आगीचे नेमके कारण स्पष्ट होऊ शकले नसून सुरुवातीला एसीमधून धूर आल्यानंतर शॉटसर्किटने ही आग वाढल्याचा प्राथमिक अंदाज व्यक्त करण्यात येत आहे. या भीषण आगीत इमारतीतील घरामधील संपूर्ण साहित्यासह फर्निचर जळून खाक झाले. या इमारतीच्या नजीक असलेले दोन पेट्रोल पंप घटनेनंतर बंद ठेवण्यात आले.