Thane : ठाण्यात अग्नीतांडव; रिक्षाला अचानक आग, दोन चारचाकींचे नुकसान; आगीचा Video

ठाणे : ठाण्यातील मुंब्रा परिसरात संतोष ग्राउंड या ठिकाणी पार्क केलेल्या ऑटो रिक्षाला अचानक आग लागली. या घटनेची माहिती मिळताच अग्निशमन दलाचे जवान, १ रेस्क्यू वाहन उपस्थित झाले. या घटनेत एक रिक्षा जळून खाक झाली असून शेजारी उभ्या केलेल्या इतर दोन चारचाकी वाहनांचे नुकसान झाले आहे. सुदैवाने या घटनेत कुठलीही जीवितहानी किंवा दुखापत झालेली नाही.

ठाण्यातील मुंब्रा परिसरातील संतोष नगर येथील बॉंबे कॉलनी जवळ असलेले संतोष ग्राऊंड परिसरात एका रिक्षाला शुक्रवारी आज पहाटे ३ वाचण्याच्या सुमारास अचानक आग लागली. या घटनेची माहिती आपत्ती व्यवस्थापन कक्षाकडे मिळताच मुंब्रा अग्निशमन दल केंद्राचे पथक आणि १ रेस्क्यू वाहन घटनास्थळी दाखल झाले. अग्निशमन दलाच्या जवानांनी या रिक्षाला लागलेल्या आगीला विजवण्यासाठी शर्थीचे प्रयत्न करून आगीवर नियंत्रण मिळवले. अग्निशमन दलाने ४ वाजता ही आग आटोक्यात आणली. सदर घटनेत या रिक्षाला आग का लागली याचे कारण अद्याप समजू शकले नाही.


मुंबई इंडियन्स संघाबद्दल मोठी अपडेट, MI ला मिळाले दोन नवे कर्णधार
मुबीन अहमद दळवी असे जळून खाक झालेल्या रिक्षा मालकाचे नाव आहे. या घटनेत दळवी यांची MH 04 KA 8048 या रिक्षाला आग लागली होती. हळूहळू आगीचे स्वरूप रुद्र झाले आणि या आगीमुळे रिक्षाच्या आजूबाजूला उभ्या असलेल्या दोन चार चाकी गाड्यांचे देखील नुकसान झाले आहे. या घटनेत MH 01 AT 7068 होंडाई सेंट्रो, MH 48 F 4727 मारुती सुझुकी व्हॅगनार या दोन चारचाकी गाड्यांचे नुकसान झाले आहे.