एनआयआयटी सेंटरला आग

कल्याण : कल्याण पश्चिमेकडील एनआयआयटी क्लासमध्ये रविवारी दुपारच्या सुमारास भीषण आग लागली. यामध्ये संपूर्ण मजला जळून खाक झाला. कोणतीही जीवितहानी झाली नाही.

या घटनेची माहिती मिळताच अग्निशमन दलाच्या जवानांनी तत्काळ घटनास्थळी धाव घेत तीन गाड्यांच्या मदतीने आगीवर नियंत्रण मिळवले. या आगीत क्लासमधील २५ ते ३० कम्प्युटर आणि फर्निचर जळाले. रविवारची सुट्टी असल्यामुळे क्लासमध्ये विद्यार्थी नसल्यामुळे मोठा अनर्थ टळला.