सफाळे येथे बाजारपेठेतील तीन दुकानांना आग

मटा वृत्तसेवा,पालघर :

पालघर तालुक्यातील सफाळे येथील बाजार पेठेतील तीन दुकाने शनिवारी पहाटे रात्री २.१५ च्या सुमारास आगीच्या भक्षस्थानी पडली, सुदैवाने कोणतीही जीवितहानी झाली नाही.

सफाळे रेल्वे स्थानकजवळ असलेल्या बाजार पेठेतील या तीन दुकानांमध्ये दोन कपड्याची दोन दुकानं आणि एक हार्डवेअर सामानाच्या दुकानाचा समावेश आहे. आग लागल्यावर वसई-विरार महानगरपालिकेच्या अग्निशमन दलाच्या बंबाना पाचारण करण्यात आले होते. या बंबानी काही वेळातच आगीवर नियंत्रण मिळविले.

दरम्यान, या दुकांनाच्या शेजारच्या इमारतीमधील रहिवाशांना सुखरूप ठिकाणी हलविण्यात आले आहे. या आगीमुळे दुकान मालकांचे मोठ्या प्रमाणात नुकसान झाले आहे.