म. टा. वृत्तसेवा, कल्याण
गणेशोत्सव हा सर्वांना एकत्र आणणारा उत्सव असून गणेश मंडळांनी या उत्सवाचे महत्त्व जपून पर्यावरण संरक्षण करणारे देखावे साकारावेत, असे आवाहन खासदार डॉ. श्रीकांत शिंदे यांनी केले. मागील वर्षी आयोजित करण्यात आलेल्या गणेश दर्शन स्पर्धेच्या पारितोषिक वितरण समारंभाप्रसंगी ते बोलत होते.
शिवसेना डोंबिवली शाखेच्या वतीने आयोजित करण्यात आलेल्या ‘२०१६ गणेश दर्शन’ स्पर्धेत तब्बल ५१ मंडळांनी नावनोंदणी केली होती. यातून प्रथम क्रमांकाचा मानकरी पश्चिमेकडील जोशी मित्रमंडळ ठरला असून या मंडळाचा शनिवारी ३१ हजार रुपयांचे रोख पारितोषिक देऊन गौरव करण्यात आला तर शिवनेरी गणेशोत्सव मंडळाचा देखावा द्वितीय क्रमांक पटकावत २१ हजार रुपयांच्या बक्षिसाचा मानकरी ठरला. तर, गणेश मंदिर संस्थानच्या देखाव्याने तिसरा क्रमांक मिळवला. त्यांना ११ हजार रुपयांचे पारितोषिक देण्यात आले. आजदेच्या जाणता राजा गणेशोत्सव मंडळाची मूर्ती उत्कृष्ट ठरली तर एकता मत्रि मंडळ, फाटकवाडी आणि जिजाई नगर मंडळांना उत्तेजनार्थ पुरस्कार देण्यात आले. कार्यक्रमाची प्रस्तावना डोंबिवली शहर प्रमुख भाऊसाहेब चौधरी यांनी केली. तर, यानिमित्ताने आयोजित करण्यात आलेल्या संगीत रजनी कार्यक्रमाचे सूत्रसंचालन माजी नगरसेवक केतन दुर्वे यांनी केले.
यावेळी खासदार शिंदे यांनी सांगितले की, नेवाळी परिसरातील मांगरूळ याठिकाणी यंदाच्या पावसाळ्यात पर्यावरण रक्षणासाठी एक लाख वृक्षारोपण करण्यात आले असून पर्यावरणाचा हाच संदेश घेऊन आपण कार्यरत राहू आणि यंदाच्या गणेशोत्सवातदेखील जास्तीत जास्त पर्यावरण संरक्षणाबाबत जनजागृती करण्यासाठी या विषयावरील देखाव्यांना प्राधान्य देण्याचे आवाहन त्यांनी केले.
गणेशोत्सव हा सर्वांना एकत्र आणणारा उत्सव असून गणेश मंडळांनी या उत्सवाचे महत्त्व जपून पर्यावरण संरक्षण करणारे देखावे साकारावेत, असे आवाहन खासदार डॉ. श्रीकांत शिंदे यांनी केले. मागील वर्षी आयोजित करण्यात आलेल्या गणेश दर्शन स्पर्धेच्या पारितोषिक वितरण समारंभाप्रसंगी ते बोलत होते.
शिवसेना डोंबिवली शाखेच्या वतीने आयोजित करण्यात आलेल्या ‘२०१६ गणेश दर्शन’ स्पर्धेत तब्बल ५१ मंडळांनी नावनोंदणी केली होती. यातून प्रथम क्रमांकाचा मानकरी पश्चिमेकडील जोशी मित्रमंडळ ठरला असून या मंडळाचा शनिवारी ३१ हजार रुपयांचे रोख पारितोषिक देऊन गौरव करण्यात आला तर शिवनेरी गणेशोत्सव मंडळाचा देखावा द्वितीय क्रमांक पटकावत २१ हजार रुपयांच्या बक्षिसाचा मानकरी ठरला. तर, गणेश मंदिर संस्थानच्या देखाव्याने तिसरा क्रमांक मिळवला. त्यांना ११ हजार रुपयांचे पारितोषिक देण्यात आले. आजदेच्या जाणता राजा गणेशोत्सव मंडळाची मूर्ती उत्कृष्ट ठरली तर एकता मत्रि मंडळ, फाटकवाडी आणि जिजाई नगर मंडळांना उत्तेजनार्थ पुरस्कार देण्यात आले. कार्यक्रमाची प्रस्तावना डोंबिवली शहर प्रमुख भाऊसाहेब चौधरी यांनी केली. तर, यानिमित्ताने आयोजित करण्यात आलेल्या संगीत रजनी कार्यक्रमाचे सूत्रसंचालन माजी नगरसेवक केतन दुर्वे यांनी केले.
यावेळी खासदार शिंदे यांनी सांगितले की, नेवाळी परिसरातील मांगरूळ याठिकाणी यंदाच्या पावसाळ्यात पर्यावरण रक्षणासाठी एक लाख वृक्षारोपण करण्यात आले असून पर्यावरणाचा हाच संदेश घेऊन आपण कार्यरत राहू आणि यंदाच्या गणेशोत्सवातदेखील जास्तीत जास्त पर्यावरण संरक्षणाबाबत जनजागृती करण्यासाठी या विषयावरील देखाव्यांना प्राधान्य देण्याचे आवाहन त्यांनी केले.