ठाणे : मॉडेलिंग टेस्टच्या नावाखाली महिलेवर दोघांनी बलात्कार केल्याची धक्कादायक घटना दिव्यात घडली असून मुख्य आरोपी अद्याप फरार आहेत. पोलिसांनी दोन महिलांना अटक केली असून एकूण चौघांविरुद्ध मुंब्रा पोलिस ठाण्यात गुन्हा दाखल करण्यात आला आहे.
२५ वर्षांची महिला मुंब्रा परिसरात राहत असून नोकरी करते. दोन महिला तसेच अनिकेत आणि पाटेकर यांनी आपापसात संगनमत करून महिलेला मॉडेलिंगच्या कामासाठी टेस्ट घेऊन पैसे देण्याचे आमिष दाखवले होते. अनिकेत महिलेला दिव्यातील मुंब्रा देवी कॉलनीतील एका चाळीत घेऊन गेला. त्यावेळी पाटेकर आधीच खोलीत होता. या दोघांनी तिच्यावर बलात्कार केला. हा प्रकार मंगळवारी सायंकाळी घडला असून महिलेच्या तक्रारीनंतर बुधवारी चारही आरोपींविरुद्ध गुन्हा दाखल करण्यात आला. मुंब्रा पोलिसांनी अटक केलेल्या दोघा महिलांना सात दिवसांची पोलिस कोठडी सुनावली असून मुख्य आरोपी फरार आहेत.