उल्हासनगर : चोरांनी घरातील गॅस सिलिंडरवरही डल्ला मारण्यास सुरुवात केल्याची घटना उल्हासनगरमध्ये समोर आली आहे. दिवसेंदिवस महाग होत चाललेल्या घरगुती गॅस सिलिंडरमधून काही किलो गॅसची चोरी करून त्याची विक्री करणाऱ्या नऊ जणांना उल्हासनगर पोलिसांनी दोन ठिकाणी छापा टाकून अटक केली आहे.
गॅस सिलिंडर पोहोचवणाऱ्या कामगारांकडूनच ग्राहकांच्या गॅस सिलिंडरमधून काही किलो गॅसची चोरी करत तो अन्य सिलिंडरमध्ये भरत परस्पर विक्री करण्याचा आणि ग्राहकांची फसवणूक करण्याचा प्रकार सुरू आहे. उल्हासनगर शहरात मार्च महिन्यातही गॅस सिलिंडरमधून गॅसचोरी करणाऱ्या पाच आरोपींना पोलिसांनी अटक केली होती. तोच पुन्हा उल्हासनगरमध्ये हा प्रकार समोर आला आहे. माया गॅस सर्व्हिसच्या गोदामामधून ग्राहकांना पुरविण्यात येणाऱ्या गॅस सिलिंडरमधील गॅस रिफिल रॉडच्या सहाय्याने रिकाम्या गॅस सिलिंडरमध्ये भरत त्याची विक्री अन्य ग्राहकांना करण्यात येत असल्याची माहिती पोलिसांना मिळाली होती. त्यानुसार डोंबिवलीच्या शिधावाटप अधिकाऱ्यांनी ठाणे गुन्हे शाखेच्या मदतीने उल्हासनगर येथे छापा टाकत कॅम्प नंबर दोन परिसरातील सी ब्लॉकच्या गुरू गोविंद सिंग इमारतीत आणि कॅम्प नंबर तीन शांती नगर आणि ब्रह्मांडपाडा या भागात कांबळे चाळीत बेकायदा आणि असुरक्षितरीत्या एका सिलिंडरमधून दुसऱ्या सिलिंडरमध्ये गॅस भरत असताना पोलिसांनी नऊ जणांना अटक केली. या प्रकरणी उल्हासनगर आणि सेन्ट्रल पोलिस ठाण्यात फसवणुकीचा गुन्हा दाखल करण्यात आला आहे.
गॅस सिलिंडर पोहोचवणाऱ्या कामगारांकडूनच ग्राहकांच्या गॅस सिलिंडरमधून काही किलो गॅसची चोरी करत तो अन्य सिलिंडरमध्ये भरत परस्पर विक्री करण्याचा आणि ग्राहकांची फसवणूक करण्याचा प्रकार सुरू आहे. उल्हासनगर शहरात मार्च महिन्यातही गॅस सिलिंडरमधून गॅसचोरी करणाऱ्या पाच आरोपींना पोलिसांनी अटक केली होती. तोच पुन्हा उल्हासनगरमध्ये हा प्रकार समोर आला आहे. माया गॅस सर्व्हिसच्या गोदामामधून ग्राहकांना पुरविण्यात येणाऱ्या गॅस सिलिंडरमधील गॅस रिफिल रॉडच्या सहाय्याने रिकाम्या गॅस सिलिंडरमध्ये भरत त्याची विक्री अन्य ग्राहकांना करण्यात येत असल्याची माहिती पोलिसांना मिळाली होती. त्यानुसार डोंबिवलीच्या शिधावाटप अधिकाऱ्यांनी ठाणे गुन्हे शाखेच्या मदतीने उल्हासनगर येथे छापा टाकत कॅम्प नंबर दोन परिसरातील सी ब्लॉकच्या गुरू गोविंद सिंग इमारतीत आणि कॅम्प नंबर तीन शांती नगर आणि ब्रह्मांडपाडा या भागात कांबळे चाळीत बेकायदा आणि असुरक्षितरीत्या एका सिलिंडरमधून दुसऱ्या सिलिंडरमध्ये गॅस भरत असताना पोलिसांनी नऊ जणांना अटक केली. या प्रकरणी उल्हासनगर आणि सेन्ट्रल पोलिस ठाण्यात फसवणुकीचा गुन्हा दाखल करण्यात आला आहे.