म. टा. वृत्तसेवा, डोंबिवली
डोंबिवली शहराला नाट्यपरंपरा लाभली आहे. प्रवीण दामले, राजन वाडेकर, बापू राऊत, केतन दुर्वे, यांसारख्या कलाकारांनी नाट्य स्पर्धांमध्ये एक काळ गाजवला आहे. हेच सर्व कलाकार वेध क्रिएशन्स आणि अखिल भारतीय मराठी नाट्य परिषदेच्या युवा विभागाने राबविण्यात आलेल्या अभिव्यक्ती या उपक्रमाच्या निमित्ताने पुन्हा एकत्र आले आहेत. अभिव्यक्तीच्या अभिवाचन आणि कथा सादरीकरण कार्यक्रमाद्वारे या दिग्गज कलाकारांचे सादरीकरण डोंबिवलीकरांनी रविवारी अनुभवले. अभिव्यक्तीचे हे चौथे पुष्प होते.
डोंबिवलीतील अत्रे वाचनालयाच्या मोरया सभागृहामध्ये हा कार्यक्रम पार पडला. या प्रयोगाच्या निमित्ताने डोंबिवलीतील जुने कलाकार पुन्हा एकदा रंगमंचावर आले होते. शं. ना. नवरे यांच्या पुण्यतिथीनिमित्त यावेळी त्यांच्या निवडक कथांचे अभिवाचन करण्यात आले. त्याचबरोबर उद्ध्वस्त धर्मशाळा, या कथेचे अभिवाचन करण्यात आले.
अनुजा रानडे यांनी शं. ना. नवरे यांच्या मानसी नावाच्या कथेचे अभिवाचन केले. त्यानंतर व्हिजिटिंग कार्ड, या कथेचे अभिवाचन सादर करण्यात आले. केतन दुर्वे, प्रथमेश बर्वे, प्रज्ञा थोरात, गजानन लुटे, शिवानी गोखले, कुशल निमकर, प्रवीण दामले, बापू राऊत, वसंत भुमकर आदी कलाकरांनी केले. एका व्हिजिटिंग कार्डमुळे किती गोंधळ उडतो, याचा प्रत्यय यावेळी सर्वांना पाहायला मिळाला.
त्यानंतर आनंद विश्वमित्रे, प्रमोद रेमणे, अक्षय जोशी, स्वरांगी बापट, ऋषिकेश खांबेटे, राजन वाडेकर यांनी उद्ध्वस्त धर्मशाळा या नाटकाच्या पहिल्या अंकाचे अभिवाचन केले, तर रुपेश गांधी यांनी ध्वनीसंयोजन केले. शन्नांचे सुपूत्र अरुण नवरे यांची या कार्यक्रमाला उपस्थिती लाभली होती. तरुण पिढी शन्नांची आठवण ठेवून अशा प्रकारचे उपक्रम आयोजित करत आहे, ही सकारात्मक गोष्ट असल्याचे त्यांनी यावेळी बोलताना सांगितले. त्याचबरोबर मोठ्या रंगमंचावर हे प्रयोग होण्याची गरज असल्याचे सांगत या उपक्रमाला शुभेच्छा दिल्या. अभिव्यक्तीच्या निमित्ताने पुन्हा एकदा सादरीकरण करण्याची संधी मिळाल्यामुळे नवा हुरूप मिळाला आहे. यापुढेसुद्धा वेगवेगळ्या उपक्रमांच्या माध्यमातून सादरीकरण करणार असल्याचे सर्व कलाकारांनी सांगितले.
डोंबिवली शहराला नाट्यपरंपरा लाभली आहे. प्रवीण दामले, राजन वाडेकर, बापू राऊत, केतन दुर्वे, यांसारख्या कलाकारांनी नाट्य स्पर्धांमध्ये एक काळ गाजवला आहे. हेच सर्व कलाकार वेध क्रिएशन्स आणि अखिल भारतीय मराठी नाट्य परिषदेच्या युवा विभागाने राबविण्यात आलेल्या अभिव्यक्ती या उपक्रमाच्या निमित्ताने पुन्हा एकत्र आले आहेत. अभिव्यक्तीच्या अभिवाचन आणि कथा सादरीकरण कार्यक्रमाद्वारे या दिग्गज कलाकारांचे सादरीकरण डोंबिवलीकरांनी रविवारी अनुभवले. अभिव्यक्तीचे हे चौथे पुष्प होते.
डोंबिवलीतील अत्रे वाचनालयाच्या मोरया सभागृहामध्ये हा कार्यक्रम पार पडला. या प्रयोगाच्या निमित्ताने डोंबिवलीतील जुने कलाकार पुन्हा एकदा रंगमंचावर आले होते. शं. ना. नवरे यांच्या पुण्यतिथीनिमित्त यावेळी त्यांच्या निवडक कथांचे अभिवाचन करण्यात आले. त्याचबरोबर उद्ध्वस्त धर्मशाळा, या कथेचे अभिवाचन करण्यात आले.
अनुजा रानडे यांनी शं. ना. नवरे यांच्या मानसी नावाच्या कथेचे अभिवाचन केले. त्यानंतर व्हिजिटिंग कार्ड, या कथेचे अभिवाचन सादर करण्यात आले. केतन दुर्वे, प्रथमेश बर्वे, प्रज्ञा थोरात, गजानन लुटे, शिवानी गोखले, कुशल निमकर, प्रवीण दामले, बापू राऊत, वसंत भुमकर आदी कलाकरांनी केले. एका व्हिजिटिंग कार्डमुळे किती गोंधळ उडतो, याचा प्रत्यय यावेळी सर्वांना पाहायला मिळाला.
त्यानंतर आनंद विश्वमित्रे, प्रमोद रेमणे, अक्षय जोशी, स्वरांगी बापट, ऋषिकेश खांबेटे, राजन वाडेकर यांनी उद्ध्वस्त धर्मशाळा या नाटकाच्या पहिल्या अंकाचे अभिवाचन केले, तर रुपेश गांधी यांनी ध्वनीसंयोजन केले. शन्नांचे सुपूत्र अरुण नवरे यांची या कार्यक्रमाला उपस्थिती लाभली होती. तरुण पिढी शन्नांची आठवण ठेवून अशा प्रकारचे उपक्रम आयोजित करत आहे, ही सकारात्मक गोष्ट असल्याचे त्यांनी यावेळी बोलताना सांगितले. त्याचबरोबर मोठ्या रंगमंचावर हे प्रयोग होण्याची गरज असल्याचे सांगत या उपक्रमाला शुभेच्छा दिल्या. अभिव्यक्तीच्या निमित्ताने पुन्हा एकदा सादरीकरण करण्याची संधी मिळाल्यामुळे नवा हुरूप मिळाला आहे. यापुढेसुद्धा वेगवेगळ्या उपक्रमांच्या माध्यमातून सादरीकरण करणार असल्याचे सर्व कलाकारांनी सांगितले.