मटा ऑनलाइन वृत्त । कल्याण
राज्य कामगार विमा महामंडळा (ईएसआयसी)च्या एका ५८ वर्षाच्या कर्मचाऱ्याने डोंबिवलीमध्ये आत्महत्या केली. आपल्या आत्महत्येला विभागाचे दोन वरिष्ठ अधिकारी कारणीभूत असल्याचं कर्मचाऱ्याने सुसाईड नोटमध्ये लिहिलंय. या नोटमध्ये त्या अधिकाऱ्यांची नावंही कर्मचाऱ्याने लिहिली आहेत.
अशोक पवार हे ईएसआयसीचे सहाय्यक दक्षता अधिकारी होते. पी.व्ही. पेवेकर आणि राजशेखर सिंग हे ठाण्यातील वरिष्ठ अधिकारी आपल्या आत्महत्येला कारणीभूत असल्याचं पवार यांनी सुसाईड नोटमध्ये लिहिलं आहे. डोंबिवली पूर्वेतील सखाराम कॉम्प्लेक्समधील आकाशदीप सोसायटीतील आपल्या घरात गळफास घेऊन पवार यांनी शनिवारी संध्याकाळी आत्महत्या केली.
अशोक पवार यांच्या आत्महत्ये प्रकरणी पोलिसांनी अपघाती मृत्यूची नोंद केली आहे. पवार यांच्या आत्महत्येप्रकरणी आणि त्यांनी वरिष्ठांवर केलेल्या छळवणुकीच्या आरोपांबाबत जबाब नोंदवण्यासाठी पोलिसांनी संबंधित अधिकाऱ्यांना सोमवारी बोलावलं होतं.
'पवार यांनी विभागातील गैरकारभार समोर आणला होता. यामुळे वरिष्ठांकडून त्यांची सतत छळवणूक होत होती. तसंच संबंधित अधिकाऱ्यांनी त्यांना धमक्याही दिल्या होत्या. एकदा तर त्यांना दमदाटीही करण्यात आली होती. बदली करण्याची धमकीही ते देत होते', असा आरोप पवार यांची पत्नी वंदना पवार यांनी केला आहे.
अशोक पवार हे येत्या मार्चमध्ये निवृत्त होणार होते. मात्र त्यांनी डिसेंबरमध्येच स्वेच्छा निवृत्तीसाठी अर्ज केला होता. पण त्यांचा अर्ज मंजूर झालाच नाही, अशी माहिती त्यांच्या कुटुंबीयांनी दिली. तर 'संबंधित अधिकाऱ्यांचे जबाब आम्ही सोमवारी नोंदवले आहेत. यात तथ्य आढळून आल्यास आम्ही त्या अधिकाऱ्यांवर पुढील कारवाई करू', असं डोंबिवलीतील विष्णुनगर पोलीस ठाण्याचे वरिष्ठ निरीक्षक इंद्रजीत कार्ले यांनी सांगितलं.\
राज्य कामगार विमा महामंडळा (ईएसआयसी)च्या एका ५८ वर्षाच्या कर्मचाऱ्याने डोंबिवलीमध्ये आत्महत्या केली. आपल्या आत्महत्येला विभागाचे दोन वरिष्ठ अधिकारी कारणीभूत असल्याचं कर्मचाऱ्याने सुसाईड नोटमध्ये लिहिलंय. या नोटमध्ये त्या अधिकाऱ्यांची नावंही कर्मचाऱ्याने लिहिली आहेत.
अशोक पवार हे ईएसआयसीचे सहाय्यक दक्षता अधिकारी होते. पी.व्ही. पेवेकर आणि राजशेखर सिंग हे ठाण्यातील वरिष्ठ अधिकारी आपल्या आत्महत्येला कारणीभूत असल्याचं पवार यांनी सुसाईड नोटमध्ये लिहिलं आहे. डोंबिवली पूर्वेतील सखाराम कॉम्प्लेक्समधील आकाशदीप सोसायटीतील आपल्या घरात गळफास घेऊन पवार यांनी शनिवारी संध्याकाळी आत्महत्या केली.
अशोक पवार यांच्या आत्महत्ये प्रकरणी पोलिसांनी अपघाती मृत्यूची नोंद केली आहे. पवार यांच्या आत्महत्येप्रकरणी आणि त्यांनी वरिष्ठांवर केलेल्या छळवणुकीच्या आरोपांबाबत जबाब नोंदवण्यासाठी पोलिसांनी संबंधित अधिकाऱ्यांना सोमवारी बोलावलं होतं.
'पवार यांनी विभागातील गैरकारभार समोर आणला होता. यामुळे वरिष्ठांकडून त्यांची सतत छळवणूक होत होती. तसंच संबंधित अधिकाऱ्यांनी त्यांना धमक्याही दिल्या होत्या. एकदा तर त्यांना दमदाटीही करण्यात आली होती. बदली करण्याची धमकीही ते देत होते', असा आरोप पवार यांची पत्नी वंदना पवार यांनी केला आहे.
अशोक पवार हे येत्या मार्चमध्ये निवृत्त होणार होते. मात्र त्यांनी डिसेंबरमध्येच स्वेच्छा निवृत्तीसाठी अर्ज केला होता. पण त्यांचा अर्ज मंजूर झालाच नाही, अशी माहिती त्यांच्या कुटुंबीयांनी दिली. तर 'संबंधित अधिकाऱ्यांचे जबाब आम्ही सोमवारी नोंदवले आहेत. यात तथ्य आढळून आल्यास आम्ही त्या अधिकाऱ्यांवर पुढील कारवाई करू', असं डोंबिवलीतील विष्णुनगर पोलीस ठाण्याचे वरिष्ठ निरीक्षक इंद्रजीत कार्ले यांनी सांगितलं.\