म. टा. वृत्तसेवा, नवी मुंबई
कोकण विभाग शिक्षक मतदारसंघाच्या निवडणुकीनिमित्त कोकणात आचारसंहिता लागू झाल्याने पंतप्रधान नरेंद्र मोदी यांची छबी असणाऱ्या सरकारी योजनांच्या जाहिराती हटवण्याची मागणी मनसेने केली आहे.
३ फेब्रुवारी रोजी होणाऱ्या कोकण विभाग शिक्षक मतदारसंघाच्या निवडणुकीसाठी ४ जानेवारीपासून आचारसंहिता लागू झाली आहे. मात्र नवी मुंबईतील अनेक पेट्रोलपंप परिसरात पंतप्रधान नरेंद्र मोदी यांच्या नोटाबंदीच्या निर्णयाबद्दलच्या मोठ्या जाहिरातींचे होर्डिंग उभारण्यात आले आहेत. त्यामुळे हे होर्डिंग न काढल्याबद्दल मनसेने कोकण विभागीय आयुक्त तसेच ठाणे जिल्हाधिकाऱ्यांना पत्र पाठवून निवडणूक आदर्श आचारसंहितेचा भंग करणाऱ्या या जाहिराती तात्काळ काढण्याची मागणी केली आहे. पंतप्रधान नरेंद्र मोदींच्या मोठ्या जाहिरातींचे फलक नवी मुंबई शहरातील सर्वच पेट्रोलपंप परिसरात झळकत आहेत. त्यामुळे या जाहिरातींचा मतदारांवर प्रभाव पडत असून मतदारांना आकर्षित करण्याचे ते एक माध्यम होत असल्याचे मत मनसेचे नवी मुंबई शहर अध्यक्ष गजानन काळे यांनी व्यक्त केले आहे.
कोकण विभाग शिक्षक मतदारसंघाच्या निवडणुकीनिमित्त कोकणात आचारसंहिता लागू झाल्याने पंतप्रधान नरेंद्र मोदी यांची छबी असणाऱ्या सरकारी योजनांच्या जाहिराती हटवण्याची मागणी मनसेने केली आहे.
३ फेब्रुवारी रोजी होणाऱ्या कोकण विभाग शिक्षक मतदारसंघाच्या निवडणुकीसाठी ४ जानेवारीपासून आचारसंहिता लागू झाली आहे. मात्र नवी मुंबईतील अनेक पेट्रोलपंप परिसरात पंतप्रधान नरेंद्र मोदी यांच्या नोटाबंदीच्या निर्णयाबद्दलच्या मोठ्या जाहिरातींचे होर्डिंग उभारण्यात आले आहेत. त्यामुळे हे होर्डिंग न काढल्याबद्दल मनसेने कोकण विभागीय आयुक्त तसेच ठाणे जिल्हाधिकाऱ्यांना पत्र पाठवून निवडणूक आदर्श आचारसंहितेचा भंग करणाऱ्या या जाहिराती तात्काळ काढण्याची मागणी केली आहे. पंतप्रधान नरेंद्र मोदींच्या मोठ्या जाहिरातींचे फलक नवी मुंबई शहरातील सर्वच पेट्रोलपंप परिसरात झळकत आहेत. त्यामुळे या जाहिरातींचा मतदारांवर प्रभाव पडत असून मतदारांना आकर्षित करण्याचे ते एक माध्यम होत असल्याचे मत मनसेचे नवी मुंबई शहर अध्यक्ष गजानन काळे यांनी व्यक्त केले आहे.