म. टा. प्रतिनिधी, ठाणे: गुजरातमधील शेतकऱ्याला कारचा काशिमिरा ते ठाणे हा प्रवास ३ लाख ३० हजार रुपयांना पडला आहे. नवीन खरेदी केलेल्या खोलीचे पैसे देण्यासाठी गुजरातमधून आलेल्या या शेतकऱ्याने काशिमिरा येथून कार पकडली. मात्र, प्रवासादरम्यान त्यांच्या बॅगेतील पैसे चोरण्यात आले असून या प्रकरणी कारचालकासह दोघांविरुद्ध गुन्हा दाखल करण्यात आला आहे.
गुजरात येथील किरण बुटिया (५५) शेती करतात. त्यांचा मुलगा नवी मुंबईतील ऐरोली येथे राहत असून त्यांनी घणसोली गावात चाळीत खोली घेतली आहे. खोलीचे पैसे देण्यासाठी बुटिया अन्य दोन नातेवाईकांसोबत नवीन मुंबईला जाण्यास निघाले. सोमवारी सकाळी घोडबंदर रोडवरील फाऊंटन हॉटेलच्या येथे बसमधून उतरल्यानंतर त्याठिकाणी उभ्या असलेल्या कारचालकाने कोठे जायचे आहे, याबाबत विचारणा केली. त्यांनी नवी मुंबईला जायचे होते. परंतु चालकाने कळवा नाक्यावर सोडण्याचे आश्वासन दिले. त्यामुळे बुटिया कारमध्ये चालकाच्या बाजूच्या सीटवर बसले. तर त्यांचे दोन नातेवाईक कारच्या मधल्या सीटवर बसले होते. कारमध्ये अगोदरपासूनच एका महिलेसह दोन प्रवासी होते. यावेळी चालकाने बुटिया यांच्या हातात असलेली ३ लाख ३० हजार रुपयांची पैशांची बॅग घेत मधल्या सीटच्या मागे ठेवली. त्यानंतर चालकाने आणखी एक व्यक्तीला कारमध्ये घेत त्याला पाठीमागील डिक्कीत बसवले. कार ठाण्याच्या दिशेने निघाल्यानंतर माजिवडा येथे चालकाने कार थांबवत मला तात्काळ बोरिवलीला जायचे असल्याचे सांगून त्यांना त्याठिकाणी उतरवले. मात्र, ते उतरण्याअगोदरच डिक्कीमधील व्यक्ती कारमधून उतरून निघून गेला होता. इतरही प्रवासी उतरले. चालकाने बॅग बुटिया यांना देऊन कार घेऊन निघून गेला. मात्र, बुटिया यांनी बॅगेची तपासणी केल्यानंतर बॅगेतील तीन लाख ३० हजारांची रोकड गायब असल्याचे लक्षात आले. त्यांनी तक्रार देण्यासाठी काशिमीरा पोलिस ठाण्यात धाव घेतली. चोरट्यांचा पोलिस शोध घेत आहेत.
गुजरात येथील किरण बुटिया (५५) शेती करतात. त्यांचा मुलगा नवी मुंबईतील ऐरोली येथे राहत असून त्यांनी घणसोली गावात चाळीत खोली घेतली आहे. खोलीचे पैसे देण्यासाठी बुटिया अन्य दोन नातेवाईकांसोबत नवीन मुंबईला जाण्यास निघाले. सोमवारी सकाळी घोडबंदर रोडवरील फाऊंटन हॉटेलच्या येथे बसमधून उतरल्यानंतर त्याठिकाणी उभ्या असलेल्या कारचालकाने कोठे जायचे आहे, याबाबत विचारणा केली. त्यांनी नवी मुंबईला जायचे होते. परंतु चालकाने कळवा नाक्यावर सोडण्याचे आश्वासन दिले. त्यामुळे बुटिया कारमध्ये चालकाच्या बाजूच्या सीटवर बसले. तर त्यांचे दोन नातेवाईक कारच्या मधल्या सीटवर बसले होते. कारमध्ये अगोदरपासूनच एका महिलेसह दोन प्रवासी होते. यावेळी चालकाने बुटिया यांच्या हातात असलेली ३ लाख ३० हजार रुपयांची पैशांची बॅग घेत मधल्या सीटच्या मागे ठेवली. त्यानंतर चालकाने आणखी एक व्यक्तीला कारमध्ये घेत त्याला पाठीमागील डिक्कीत बसवले. कार ठाण्याच्या दिशेने निघाल्यानंतर माजिवडा येथे चालकाने कार थांबवत मला तात्काळ बोरिवलीला जायचे असल्याचे सांगून त्यांना त्याठिकाणी उतरवले. मात्र, ते उतरण्याअगोदरच डिक्कीमधील व्यक्ती कारमधून उतरून निघून गेला होता. इतरही प्रवासी उतरले. चालकाने बॅग बुटिया यांना देऊन कार घेऊन निघून गेला. मात्र, बुटिया यांनी बॅगेची तपासणी केल्यानंतर बॅगेतील तीन लाख ३० हजारांची रोकड गायब असल्याचे लक्षात आले. त्यांनी तक्रार देण्यासाठी काशिमीरा पोलिस ठाण्यात धाव घेतली. चोरट्यांचा पोलिस शोध घेत आहेत.