नणंदेवर हल्ला करून भावजयीचा गळफास
नेरुळ भागात रहाणाऱ्या भावजयीने रागाच्या भरात नणंदेच्या डोक्यात दगडी पाटा मारल्यानंतर ती मरण पावल्याच्या संशयावरून स्वत:ला गळफास घेऊन आत्महत्या केल्याची घटना उघडकीस आली आहे.
Maharashtra Times 29 Jan 2018, 1:00 am
म. टा. वृत्तसेवा, नवी मुंबई
नेरुळ भागात रहाणाऱ्या भावजयीने रागाच्या भरात नणंदेच्या डोक्यात दगडी पाटा मारल्यानंतर ती मरण पावल्याच्या संशयावरून स्वत:ला गळफास घेऊन आत्महत्या केल्याची घटना उघडकीस आली आहे. वर्षा मेहता (२७) असे या घटनेतील मृत भावजयीचे नाव असून तिच्या हल्ल्यात जखमी झालेल्या नणंदेचे नाव सुरेखा जानराव (४७)असे आहे. तिच्यावर मुंबईतील केईएम रुग्णालयात उपचार सुरू आहेत. सुरेखा जानाराव हिची प्रकृती चिंताजनक असल्याची माहिती तिचे बंधू भावेश मेहता यांनी दिली.
वर्षा मेहता या पती भावेश मेहता याच्यासह नेरुळ सेक्टर १०मधील एनएल ११ वसाहतीत रहातात. त्यांना अडीच वर्षांची मुलगी आहे. भावेशची बहीण सुरेखा जानराव हीदेखील त्यांच्यासोबत रहात होती. सुरेखा काम करून उदरनिर्वाह करत होती. मात्र वर्षा आणि सुरेखा या नणंद-भावजयीमध्ये पटत नसल्याने त्यांच्यामध्ये नेहमी भांडण होत होते. शुक्रवारी सायंकाळी भावेश मुलीसोबत बाहेर गेला असताना घरामध्ये असलेल्या वर्षा आणि सुरेखा या नणंद भावजयींमध्ये किरकोळ घरगुती कारणावरून भांडण झाले. या भांडणाच्या रागात वर्षाने घरातील दगडी पाटा नणंद सुरेखा हिच्या डोक्यामध्ये मारला. त्यामुळे सुरेखा रक्तबंबाळ होऊन पडल्यानंतर तिचा मृत्यू झाल्याच्या संशयावरून घाबरलेल्या वर्षाने वरच्या मजल्यावर जाऊन गळफास घेऊन आत्महत्या केली. मुलीसह बागेमध्ये गेलेला भावेश काही वेळानंतर घरी परतल्यानंतर पत्नी वर्षा गळफास घेतलेल्या स्थितीत, तर बहीण सुरेखा रक्तबंबाळ अवस्थेत आढळून आली. या घटनेची माहिती मिळताच नेरुळ पोलिसांनी घटनास्थळी धाव घेतली. यावेळी पोलिसांनी सुरेखाला वाशीतील महापालिकेच्या रुग्णालयात दाखल केले. त्यानंतर तिला पुढील उपचारासाठी मुंबईतील केईएम रुग्णालयात दाखल करण्यात आले. नेरुळ पोलिसांनी वर्षा मेहता हिच्यावर जीवे ठार मारण्याचा प्रयत्न केल्याप्रकरणी गुन्हा दाखल केला आहे.
नेरुळ भागात रहाणाऱ्या भावजयीने रागाच्या भरात नणंदेच्या डोक्यात दगडी पाटा मारल्यानंतर ती मरण पावल्याच्या संशयावरून स्वत:ला गळफास घेऊन आत्महत्या केल्याची घटना उघडकीस आली आहे. वर्षा मेहता (२७) असे या घटनेतील मृत भावजयीचे नाव असून तिच्या हल्ल्यात जखमी झालेल्या नणंदेचे नाव सुरेखा जानराव (४७)असे आहे. तिच्यावर मुंबईतील केईएम रुग्णालयात उपचार सुरू आहेत. सुरेखा जानाराव हिची प्रकृती चिंताजनक असल्याची माहिती तिचे बंधू भावेश मेहता यांनी दिली.
वर्षा मेहता या पती भावेश मेहता याच्यासह नेरुळ सेक्टर १०मधील एनएल ११ वसाहतीत रहातात. त्यांना अडीच वर्षांची मुलगी आहे. भावेशची बहीण सुरेखा जानराव हीदेखील त्यांच्यासोबत रहात होती. सुरेखा काम करून उदरनिर्वाह करत होती. मात्र वर्षा आणि सुरेखा या नणंद-भावजयीमध्ये पटत नसल्याने त्यांच्यामध्ये नेहमी भांडण होत होते. शुक्रवारी सायंकाळी भावेश मुलीसोबत बाहेर गेला असताना घरामध्ये असलेल्या वर्षा आणि सुरेखा या नणंद भावजयींमध्ये किरकोळ घरगुती कारणावरून भांडण झाले. या भांडणाच्या रागात वर्षाने घरातील दगडी पाटा नणंद सुरेखा हिच्या डोक्यामध्ये मारला. त्यामुळे सुरेखा रक्तबंबाळ होऊन पडल्यानंतर तिचा मृत्यू झाल्याच्या संशयावरून घाबरलेल्या वर्षाने वरच्या मजल्यावर जाऊन गळफास घेऊन आत्महत्या केली. मुलीसह बागेमध्ये गेलेला भावेश काही वेळानंतर घरी परतल्यानंतर पत्नी वर्षा गळफास घेतलेल्या स्थितीत, तर बहीण सुरेखा रक्तबंबाळ अवस्थेत आढळून आली. या घटनेची माहिती मिळताच नेरुळ पोलिसांनी घटनास्थळी धाव घेतली. यावेळी पोलिसांनी सुरेखाला वाशीतील महापालिकेच्या रुग्णालयात दाखल केले. त्यानंतर तिला पुढील उपचारासाठी मुंबईतील केईएम रुग्णालयात दाखल करण्यात आले. नेरुळ पोलिसांनी वर्षा मेहता हिच्यावर जीवे ठार मारण्याचा प्रयत्न केल्याप्रकरणी गुन्हा दाखल केला आहे.