म. टा. वृत्तसेवा, वसई
भीक मागून आपले पोट भरणाऱ्या दोन लहान मुलांना आकाश ठेंगणे झाल्यासारखे वाटत होते. स्वप्नवत अशी अवकाश भरारी त्यांनी घेतली. नालासोपाऱ्यातील एका तरुणाने त्यांना हेलिकॉप्टर सफर घडवली आणि आकाशाइतकाच विस्तारलेला आनंद भरभरून दिला. यश माने असे या तरुणाचे नाव असून त्याने स्वखर्चाने हा आगळावेगळा अनुभव मुलांना दिला.
यश माने हा नालासोपारामधील रहिवासी असून एक सामाजिक कार्यकर्तादेखील आहे. नालासोपाऱ्यामधील रवी वेलपट्टी (६), अंजली मोडेम (७) या दोन मुलांनी त्याच्याकडे हेलिकॉप्टरमध्ये बसण्याची इच्छा व्यक्त केली आणि यशने ती पूर्णही केली. ही मुले नालासोपारा पश्चिम स्थानक परिसरातील एका फुटपाथवर राहतात. शुक्रवारी दुपारच्या सुमारास मुंबईच्या विलेपार्ले येथून मुंबईसह वसई-विरार, ठाणे या परिसराचे दर्शन या मुलांनी हेलिकॉप्टरमध्ये बसून घेतले. यशने याआधीदेखील गरीब मुलांना हेलिकॉप्टरमधून सफर घडविली आहे.
भीक मागून आपले पोट भरणाऱ्या दोन लहान मुलांना आकाश ठेंगणे झाल्यासारखे वाटत होते. स्वप्नवत अशी अवकाश भरारी त्यांनी घेतली. नालासोपाऱ्यातील एका तरुणाने त्यांना हेलिकॉप्टर सफर घडवली आणि आकाशाइतकाच विस्तारलेला आनंद भरभरून दिला. यश माने असे या तरुणाचे नाव असून त्याने स्वखर्चाने हा आगळावेगळा अनुभव मुलांना दिला.
यश माने हा नालासोपारामधील रहिवासी असून एक सामाजिक कार्यकर्तादेखील आहे. नालासोपाऱ्यामधील रवी वेलपट्टी (६), अंजली मोडेम (७) या दोन मुलांनी त्याच्याकडे हेलिकॉप्टरमध्ये बसण्याची इच्छा व्यक्त केली आणि यशने ती पूर्णही केली. ही मुले नालासोपारा पश्चिम स्थानक परिसरातील एका फुटपाथवर राहतात. शुक्रवारी दुपारच्या सुमारास मुंबईच्या विलेपार्ले येथून मुंबईसह वसई-विरार, ठाणे या परिसराचे दर्शन या मुलांनी हेलिकॉप्टरमध्ये बसून घेतले. यशने याआधीदेखील गरीब मुलांना हेलिकॉप्टरमधून सफर घडविली आहे.