मुलींना शिक्षण देणाऱ्या शाळांना आर्थिक मदत करत कल्याण इंडियन मेडिकल असोसिएशनने आजचा जागतिक महिला दिन साजरा केला. या कार्यक्रमाच्या माध्यमातून स्त्री-पुरुष समानतेचा नाराही देण्यात आला. कल्याण आयएमएने (इंडियन मेडिकल असोसिएशन) जागतिक महिला दिनानिमित्त राजावाडी रुग्णालयाच्या अधीक्षक डॉ. विद्या ठाकूर, सामाजिक कार्यकर्त्या सुनीता लिमये, झोपडपट्टीतील मुलांच्या शिक्षणासाठी काम करणाऱ्या विद्या धारप या महिलांसह 'खेलो इंडिया'मधील सुवर्णपदक विजेती सौम्या दळवीचा सत्कार केला. तसेच कल्याणमधील आसरा फाऊंडेशनच्या शाळेला कल्याण आयएमएतर्फे आर्थिक मदतही करण्यात आली. याच कार्यक्रमात कल्याणातील नामांकित महिला डॉक्टरांनी सौंदर्य स्पर्धेत सहभाग घेत सर्वांना आश्चर्यचकीत करून सोडले. यामध्ये महिला डॉक्टरांनी आधुनिक पोशाखापासून ते पारंपरिक नऊवारी आणि पैठणी नेसून रॅम्पवॉक केला. डॉ. सोनाली सिंग यांनी प्रथम, डॉ. अर्चना लावणकर द्वितीय आणि डॉ. नीता झबक यांनी तृतीय क्रमांक मिळवला. यावेळी बिर्ला शाळेच्या मुख्याध्यापिका रंजना जांगरा प्रमुख पाहुणे म्हणून उपस्थित होत्या.
मुलींच्या शाळेला मदत
मुलींना शिक्षण देणाऱ्या शाळांना आर्थिक मदत करत कल्याण इंडियन मेडिकल असोसिएशनने आजचा जागतिक महिला दिन साजरा केला...
महाराष्ट्र टाइम्स.कॉम 9 Mar 2020, 4:00 am