सिव्हील रुग्णालयात अभिनव उपक्रम
म. टा. वृत्तसेवा,ठाणे
कमकुवत आर्थिक परिस्थितीत एचआयव्ही रोगाचा सामना करणाऱ्या २५ दाम्पत्यांना सशक्त आरोग्याचा मंत्र देण्यात आला. ठाणे जिल्हा रुग्णालय आणि नेपच्युन फाऊंडेशन यांच्यातर्फे सुरू करण्यात आलेल्या न्युट्रिशियन किट या नव्या मोहिमेचा शुभारंभ शनिवारी जिल्हा रुग्णालयात करण्यात आला.
एचआयव्हीसारख्या रोगांचा विळखा वाढत असताना त्याच्या उपचारांच्या खर्चाचा डोलारा अनेक कुटुंबियांना सहन करावा लागतो. हा खर्च समाजातील अनेक घटकांना पेलवेनासा होतो. आर्थिक परिस्थिती दुर्बल असणाऱ्या अनेक कुटुंबियांकरिता रोगावरील उपचार ही गंभीर समस्या ठरत असल्याचे नेपच्युन फाऊंडेशन या सामाजिक संस्थेने सर्वेक्षणातून सिद्ध केले. यांसह उपचारांसाठी आर्थिक गणित जुळविणाऱ्या या कुटुंबियांचे रुग्णाच्या पौष्टिक आहाराकडे मात्र दुर्लक्ष होते. आर्थिक परिस्थिती बिकट असणारी अनेक कुटुंबीय ठाण्याच्या जिल्हा रुग्णालयात उपचारांसाठी दाखल होतात. अशा रुग्णांना चांगल्या वैद्यकीय उपचारांसह पौष्टिक आहाराची माहिती मिळावी आणि त्यांना दर महिन्याला पौष्टिक आहार उपलब्ध व्हावा यासाठी जिल्हा रुग्णालयाच्या मदतीने नेपच्युन फाऊंडेशनतर्फे हा नवा उपक्रम सुरू करण्यात आला असून त्याची सुरुवात नुकतीच रुग्णालयात करण्यात आली. यामध्ये जिल्हा रुग्णालयातील ए. आर. टी सेंटरमध्ये उपचार घेणाऱ्या पंचवीस दाम्पत्याची निवड करण्यात आली असून हे सर्व रुग्ण आर्थिकदृष्ट्या दुर्बल घटकातील आहेत. अशा एचआयव्हीग्रस्त रुग्णांना या मोहिमेअंतर्गत प्रत्येक महिन्याला आरोग्यपूर्ण आहाराचे न्युट्रिशियन किट देण्यात येणार आहे. एचआयव्हीबाधित रुणांना उपचारांसह अधिक पौष्टिक आरोग्याची असणारी गरज या मोहिमेच्या माध्यमातून पूर्ण करता येणार आहे. यासाठी नेपच्युन फाऊंडेशनतर्फे रुग्णांना न्युट्रिशयन किट देण्यात आले. यामध्ये डाळ, तांदुळ, गहू, विविध प्रकारच्या डाळी असे पौष्टिक किट बनविण्यात आले असून विविध व्हिटॅमिन्स गोळ्या, प्रोटीन पावडर यांचा समावेश करण्यात आला आहे. हे किट प्रत्येक महिन्याला दुर्बल घटकातील एचआयव्हीग्रस्त रुग्णांना देण्यात येणार आहे.
यामध्ये डॉक्टरांच्या सल्ल्यानुसार विविध पौष्टिक घटकांचा समावेश करण्यात आला असून प्रत्येक महिन्याला हे किट रुग्णांना दिले जाणार असल्याचे नेपच्युन फाऊंडेशनच्या अमित पारेख यांनी सांगितले, तर रुग्णांना देण्यात येणाऱ्या या किटची तपासणी करण्यात आल्यानंतर ती रुग्णांच्या हाती पोहोचविली असल्याचे वैद्यकीय सामाजिक कार्यकर्ते धनंजय पारखे यांनी सांगितले.
.......
आर्थिकदृष्ट्या दुर्बल घटकातील अनेक रुग्ण जिल्हा रुग्णालयात उपचार घेतात. मात्र त्यांना मदत करण्याची संधीय यानिमित्ताने मिळाली. एचआयव्हीग्रस्त रुग्णांच्या आहाराबाबत अधिक दक्ष असणे गरजेचे असल्याने त्यांना देण्यात येणारे हे किट त्यांच्या आरोग्यासाठी उपयुक्त ठरेल.
डॉ. केंपी पाटील, सिव्हील सर्जन
म. टा. वृत्तसेवा,ठाणे
कमकुवत आर्थिक परिस्थितीत एचआयव्ही रोगाचा सामना करणाऱ्या २५ दाम्पत्यांना सशक्त आरोग्याचा मंत्र देण्यात आला. ठाणे जिल्हा रुग्णालय आणि नेपच्युन फाऊंडेशन यांच्यातर्फे सुरू करण्यात आलेल्या न्युट्रिशियन किट या नव्या मोहिमेचा शुभारंभ शनिवारी जिल्हा रुग्णालयात करण्यात आला.
एचआयव्हीसारख्या रोगांचा विळखा वाढत असताना त्याच्या उपचारांच्या खर्चाचा डोलारा अनेक कुटुंबियांना सहन करावा लागतो. हा खर्च समाजातील अनेक घटकांना पेलवेनासा होतो. आर्थिक परिस्थिती दुर्बल असणाऱ्या अनेक कुटुंबियांकरिता रोगावरील उपचार ही गंभीर समस्या ठरत असल्याचे नेपच्युन फाऊंडेशन या सामाजिक संस्थेने सर्वेक्षणातून सिद्ध केले. यांसह उपचारांसाठी आर्थिक गणित जुळविणाऱ्या या कुटुंबियांचे रुग्णाच्या पौष्टिक आहाराकडे मात्र दुर्लक्ष होते. आर्थिक परिस्थिती बिकट असणारी अनेक कुटुंबीय ठाण्याच्या जिल्हा रुग्णालयात उपचारांसाठी दाखल होतात. अशा रुग्णांना चांगल्या वैद्यकीय उपचारांसह पौष्टिक आहाराची माहिती मिळावी आणि त्यांना दर महिन्याला पौष्टिक आहार उपलब्ध व्हावा यासाठी जिल्हा रुग्णालयाच्या मदतीने नेपच्युन फाऊंडेशनतर्फे हा नवा उपक्रम सुरू करण्यात आला असून त्याची सुरुवात नुकतीच रुग्णालयात करण्यात आली. यामध्ये जिल्हा रुग्णालयातील ए. आर. टी सेंटरमध्ये उपचार घेणाऱ्या पंचवीस दाम्पत्याची निवड करण्यात आली असून हे सर्व रुग्ण आर्थिकदृष्ट्या दुर्बल घटकातील आहेत. अशा एचआयव्हीग्रस्त रुग्णांना या मोहिमेअंतर्गत प्रत्येक महिन्याला आरोग्यपूर्ण आहाराचे न्युट्रिशियन किट देण्यात येणार आहे. एचआयव्हीबाधित रुणांना उपचारांसह अधिक पौष्टिक आरोग्याची असणारी गरज या मोहिमेच्या माध्यमातून पूर्ण करता येणार आहे. यासाठी नेपच्युन फाऊंडेशनतर्फे रुग्णांना न्युट्रिशयन किट देण्यात आले. यामध्ये डाळ, तांदुळ, गहू, विविध प्रकारच्या डाळी असे पौष्टिक किट बनविण्यात आले असून विविध व्हिटॅमिन्स गोळ्या, प्रोटीन पावडर यांचा समावेश करण्यात आला आहे. हे किट प्रत्येक महिन्याला दुर्बल घटकातील एचआयव्हीग्रस्त रुग्णांना देण्यात येणार आहे.
यामध्ये डॉक्टरांच्या सल्ल्यानुसार विविध पौष्टिक घटकांचा समावेश करण्यात आला असून प्रत्येक महिन्याला हे किट रुग्णांना दिले जाणार असल्याचे नेपच्युन फाऊंडेशनच्या अमित पारेख यांनी सांगितले, तर रुग्णांना देण्यात येणाऱ्या या किटची तपासणी करण्यात आल्यानंतर ती रुग्णांच्या हाती पोहोचविली असल्याचे वैद्यकीय सामाजिक कार्यकर्ते धनंजय पारखे यांनी सांगितले.
.......
आर्थिकदृष्ट्या दुर्बल घटकातील अनेक रुग्ण जिल्हा रुग्णालयात उपचार घेतात. मात्र त्यांना मदत करण्याची संधीय यानिमित्ताने मिळाली. एचआयव्हीग्रस्त रुग्णांच्या आहाराबाबत अधिक दक्ष असणे गरजेचे असल्याने त्यांना देण्यात येणारे हे किट त्यांच्या आरोग्यासाठी उपयुक्त ठरेल.
डॉ. केंपी पाटील, सिव्हील सर्जन