म. टा. विशेष प्रतिनिधी, ठाणे
वर्तकनगर येथील अपटाऊन ग्रीन वूड या गृहप्रकल्पांच्या घरांचे बुकिंग केलेल्या सुमारे एक हजार कुटुंबांना २०११ साली आपल्या हक्काचे घर मिळणार होते. या घरासाठी जवळपास ९२ टक्के रक्कमही सर्वांनी जमा केली आहे. मात्र, २०१७ साल उजाडले तरी या कुटुंबांना आपल्या घराचा ताबा मिळालेला नाही. त्यामुळे हवालदिल झालेल्या रहिवाशांनी बांधकाम व्यावसायिकाविरोधात मोफा कायद्यान्वये गुन्हा दाखल करण्याचा निर्णय घेतला आहे. त्यासाठी शनिवारी हे रहिवासी वर्तनकगर पोलिस ठाण्यावर धडकणार आहेत.
२००८-०९ सालातील आर्थिक मंदीच्या काळात घरांचे भाव कोसळले होते. त्यावेळी आकृती (सध्याचे अपटाऊन) या बांधकाम व्यावसायिक कंपनीने वर्तकनगर येथे परवडणाऱ्या घरांच्या गृहप्रकल्पाची घोषणा केली होती. २००९-१०च्या सुमारास चार हजार रुपये चौरस फुट या दराने इथे अनेकांनी घरांचे बुकिंग केले. त्यासाठी झालेल्या करारानुसार नोव्हेंबर, २०११ साली इथल्या रहिवाशांनी घरांचा ताबा दिला जाणार होता. मात्र, या गृहप्रकल्पाचे काम रेंगाळले असून २०१७ साल उजाडले तरी ते पूर्णत्वास गेलेले नाही. या घरांच्या करारात नमूद केलेल्या रकमेपैकी जवळपास ९२ टक्के रक्कम ग्राहकांनी बिल्डरकडे जमा केली आहे. उर्वरित पैसे घ्या आणि घरांचा ताबा द्या, असे त्यांचे म्हणणे आहे. मात्र, इमारतींचे बांधकामच पूर्ण करणे या बिल्डरला शक्य होत नसल्याने ग्राहक हवालदिल झाले आहेत.
अपटाऊन ग्रीन वुड या प्रकल्पात २६ मजलल्यांचे दोन आणि ३० मजल्यांचे चार असे एकूण सहा टॉवर उभारले जात आहेत. मात्र, त्यांचे काम अत्यंत संथ गतीने सुरू आहे. बिल्डरकडे त्याबाबत विचारणा केल्यानंतर वारंवार तीन ते सहा महिन्यांत घरांचा ताबा दिला जाईल, असे आश्वासन दिले जाते. मात्र, ही डेडलाइन कधीच पाळली गेली नाही. त्यामुळे आता बिल्डराविरोधात गुन्हा दाखल करण्याचा निर्णय घेतल्याचे रहिवाशांनी सांगितले.
खर्च बिल्डरच्या आवाक्याबाहेर
या गृहप्रकल्पातील घरे चार हजार रुपये चौरस फूट या दराने बुक करण्यात आली होती. मात्र, गेल्या आठ वर्षांत बांधकामाचा खर्च झपाट्याने वाढला आहे. याच भागातील नव्याने उभ्या रहात असलेल्या प्रकल्पांमध्घील घरांचा दर प्रति चौरस फूट १० हजार रुपयांच्या आसपास आहे. त्यामुळे बिल्डरचे फायद्याचे गणित कोलमडून पडले असून त्यामुळे प्रकल्प पूर्ण करण्यास ते दिरंगाई करत असल्याची माहिती हाती आली आहे.
वर्तकनगर येथील अपटाऊन ग्रीन वूड या गृहप्रकल्पांच्या घरांचे बुकिंग केलेल्या सुमारे एक हजार कुटुंबांना २०११ साली आपल्या हक्काचे घर मिळणार होते. या घरासाठी जवळपास ९२ टक्के रक्कमही सर्वांनी जमा केली आहे. मात्र, २०१७ साल उजाडले तरी या कुटुंबांना आपल्या घराचा ताबा मिळालेला नाही. त्यामुळे हवालदिल झालेल्या रहिवाशांनी बांधकाम व्यावसायिकाविरोधात मोफा कायद्यान्वये गुन्हा दाखल करण्याचा निर्णय घेतला आहे. त्यासाठी शनिवारी हे रहिवासी वर्तनकगर पोलिस ठाण्यावर धडकणार आहेत.
२००८-०९ सालातील आर्थिक मंदीच्या काळात घरांचे भाव कोसळले होते. त्यावेळी आकृती (सध्याचे अपटाऊन) या बांधकाम व्यावसायिक कंपनीने वर्तकनगर येथे परवडणाऱ्या घरांच्या गृहप्रकल्पाची घोषणा केली होती. २००९-१०च्या सुमारास चार हजार रुपये चौरस फुट या दराने इथे अनेकांनी घरांचे बुकिंग केले. त्यासाठी झालेल्या करारानुसार नोव्हेंबर, २०११ साली इथल्या रहिवाशांनी घरांचा ताबा दिला जाणार होता. मात्र, या गृहप्रकल्पाचे काम रेंगाळले असून २०१७ साल उजाडले तरी ते पूर्णत्वास गेलेले नाही. या घरांच्या करारात नमूद केलेल्या रकमेपैकी जवळपास ९२ टक्के रक्कम ग्राहकांनी बिल्डरकडे जमा केली आहे. उर्वरित पैसे घ्या आणि घरांचा ताबा द्या, असे त्यांचे म्हणणे आहे. मात्र, इमारतींचे बांधकामच पूर्ण करणे या बिल्डरला शक्य होत नसल्याने ग्राहक हवालदिल झाले आहेत.
अपटाऊन ग्रीन वुड या प्रकल्पात २६ मजलल्यांचे दोन आणि ३० मजल्यांचे चार असे एकूण सहा टॉवर उभारले जात आहेत. मात्र, त्यांचे काम अत्यंत संथ गतीने सुरू आहे. बिल्डरकडे त्याबाबत विचारणा केल्यानंतर वारंवार तीन ते सहा महिन्यांत घरांचा ताबा दिला जाईल, असे आश्वासन दिले जाते. मात्र, ही डेडलाइन कधीच पाळली गेली नाही. त्यामुळे आता बिल्डराविरोधात गुन्हा दाखल करण्याचा निर्णय घेतल्याचे रहिवाशांनी सांगितले.
खर्च बिल्डरच्या आवाक्याबाहेर
या गृहप्रकल्पातील घरे चार हजार रुपये चौरस फूट या दराने बुक करण्यात आली होती. मात्र, गेल्या आठ वर्षांत बांधकामाचा खर्च झपाट्याने वाढला आहे. याच भागातील नव्याने उभ्या रहात असलेल्या प्रकल्पांमध्घील घरांचा दर प्रति चौरस फूट १० हजार रुपयांच्या आसपास आहे. त्यामुळे बिल्डरचे फायद्याचे गणित कोलमडून पडले असून त्यामुळे प्रकल्प पूर्ण करण्यास ते दिरंगाई करत असल्याची माहिती हाती आली आहे.