ठाणे सत्र न्यायालयाचा निर्णय
म. टा. प्रतिनिधी, ठाणे
चारित्र्याच्या संशयावरुन पत्नीला जाळून मारणाऱ्या पतीला ठाणे सत्र न्यायालयाने गुरुवारी जन्मठेप व १ हजार रुपये दंडाची शिक्षा सुनावली. आपल्या पत्नीने आत्महत्या केली, हा आरोपीने केलेला बनाव सरकारी पक्षाच्या वकील संगीता फड यांनी उघडकीला आणला. उपलब्ध साक्षी पुराव्यांच्या आधारे न्यायालयाने आरोपीला दोषी ठरवत शिक्षा ठोठावली.
नवी मुंबईतील रबाळे येथील यादवनगर भागात जालिंदर चौहान त्याची पत्नी रिता व २ वर्षांच्या मुलासह राहत होता. जालिंदर याला रिताच्या चारित्र्यावर संशय होता. त्यावरून दोघांमध्ये बऱ्याचदा भांडणे होत. रिताच्या नातलगांनी जालिंदरची समजूतही काढली होती. पण त्याच्या मनातील संशय दूर झाला नव्हता. याच मुद्द्यावरून जालिंदर सतत तिला मारहाण करत असे.
८ मार्च २०१४ रोजी रात्री एक वाजल्यानंतर जालिंदरने रिता व मुलगा झोपेत असताना तिच्या अंगावर रॉकेल ओतून तिला पेटवले. त्यानंतर तो घराबाहेर जाउन उभा राहिला. रिताने मदतीसाठी केलेला धावा एकून जवळच राहणारी तिची बहीण व इतर शेजारी धावत आले व त्यांनी आग विझवण्याचा प्रयत्न केला. पण तोपर्यंत बराच विलंब झाला होता व रिता मोठ्या प्रमाणात भाजली व तिचा मृत्यू झाला. तोपर्यंत जालिंदर घटनास्थळावरून पळून गेला होता. याप्रकरणी रिताच्या भावाने केलेल्या तक्रारीवरून पोलिसांनी त्याच्याविरोधात गुन्हा दाखल केला व त्याचा शोध सुरू केला. अखेर त्याला लोकलमध्ये असतांना मुंब्रा येथे पोलिसांनी अटक करण्याचा प्रयत्न केला. पण जालिंदर पोलिसांना गुंगारा देत असताना अखेर तिथे उपस्थित नागरिकांच्या मदतीने त्याला अटक करण्यात आली. याप्रकरणी न्यायालयासमोरनऊ साक्षीदार तपासण्यात आले. रिताने आत्महत्या केली, असा दावा जालिंदरने न्यायालयापुढे केला. पण पत्नी जळत असताना जालिंदरने तिला वाचवण्याचा प्रयत्न केला नाही, तिला रुग्णालया दाखल केले नाही, याकडे जिल्हा सरकारी वकील संगीता फड यांनी लक्ष वेधले. उपलब्ध साक्षीपुराव्यांचा आधारे अतिरिक्त सत्र न्या. ए. एस. बैसारे यांनी आरोपीला जन्मठेप व १ हजार रुपयांचा दंड ठोठावला.
म. टा. प्रतिनिधी, ठाणे
चारित्र्याच्या संशयावरुन पत्नीला जाळून मारणाऱ्या पतीला ठाणे सत्र न्यायालयाने गुरुवारी जन्मठेप व १ हजार रुपये दंडाची शिक्षा सुनावली. आपल्या पत्नीने आत्महत्या केली, हा आरोपीने केलेला बनाव सरकारी पक्षाच्या वकील संगीता फड यांनी उघडकीला आणला. उपलब्ध साक्षी पुराव्यांच्या आधारे न्यायालयाने आरोपीला दोषी ठरवत शिक्षा ठोठावली.
नवी मुंबईतील रबाळे येथील यादवनगर भागात जालिंदर चौहान त्याची पत्नी रिता व २ वर्षांच्या मुलासह राहत होता. जालिंदर याला रिताच्या चारित्र्यावर संशय होता. त्यावरून दोघांमध्ये बऱ्याचदा भांडणे होत. रिताच्या नातलगांनी जालिंदरची समजूतही काढली होती. पण त्याच्या मनातील संशय दूर झाला नव्हता. याच मुद्द्यावरून जालिंदर सतत तिला मारहाण करत असे.
८ मार्च २०१४ रोजी रात्री एक वाजल्यानंतर जालिंदरने रिता व मुलगा झोपेत असताना तिच्या अंगावर रॉकेल ओतून तिला पेटवले. त्यानंतर तो घराबाहेर जाउन उभा राहिला. रिताने मदतीसाठी केलेला धावा एकून जवळच राहणारी तिची बहीण व इतर शेजारी धावत आले व त्यांनी आग विझवण्याचा प्रयत्न केला. पण तोपर्यंत बराच विलंब झाला होता व रिता मोठ्या प्रमाणात भाजली व तिचा मृत्यू झाला. तोपर्यंत जालिंदर घटनास्थळावरून पळून गेला होता. याप्रकरणी रिताच्या भावाने केलेल्या तक्रारीवरून पोलिसांनी त्याच्याविरोधात गुन्हा दाखल केला व त्याचा शोध सुरू केला. अखेर त्याला लोकलमध्ये असतांना मुंब्रा येथे पोलिसांनी अटक करण्याचा प्रयत्न केला. पण जालिंदर पोलिसांना गुंगारा देत असताना अखेर तिथे उपस्थित नागरिकांच्या मदतीने त्याला अटक करण्यात आली. याप्रकरणी न्यायालयासमोरनऊ साक्षीदार तपासण्यात आले. रिताने आत्महत्या केली, असा दावा जालिंदरने न्यायालयापुढे केला. पण पत्नी जळत असताना जालिंदरने तिला वाचवण्याचा प्रयत्न केला नाही, तिला रुग्णालया दाखल केले नाही, याकडे जिल्हा सरकारी वकील संगीता फड यांनी लक्ष वेधले. उपलब्ध साक्षीपुराव्यांचा आधारे अतिरिक्त सत्र न्या. ए. एस. बैसारे यांनी आरोपीला जन्मठेप व १ हजार रुपयांचा दंड ठोठावला.