ठाणे, कल्याण-डोंबिवलीत कारवाईची सुरुवात
टीम मटा
उच्च न्यायालयाच्या आदेशानुसार बेकायदा धार्मिक स्थळांवरील कारवाई कल्याण आणि ठाणे महापालिकेने सुरू केली आहे. कल्याण-डोंबिवली महापालिकेने गांधी चौकात रस्त्याच्या मधोमध उभ्या असलेल्या मंदिरावर कारवाई केली. या शहरातील आणखी सहा मंदिरांवर कारवाई केली जाणार आहे. तर, ठाणे महापालिकेनेही आपल्या हद्दीतील बेकायदा धार्मिक स्थळांची यादी तयार केली असून लवकरत त्यावरील कारवाई सुरू केली जाणार आहे.
कल्याण-डोंबिवली महापालिका क्षेत्रातील रस्त्यात बाधित होणाऱ्या ६३ धार्मिक स्थळांपैकी ४३ धार्मिक स्थळे स्थलांतरित तर २० धार्मिक स्थळे निष्कसीत करावी लागणार असल्याचा अहवाल अनधिकृत बांधकाम विभागाकडून प्राप्त झाल्यानंतर आतापर्यंत नऊ धार्मिक स्थळे निष्कसीत करण्यात आली असून ५ धार्मिक स्थळाचे स्थान बदलण्यात आले आहे. उर्वरित धार्मिक स्थळावरील कारवाई नोव्हेंबर २०१७ पर्यंत पूर्ण केली जाणार आहे. त्यापैकी रहदारीस अडथळा ठरत असलेल्या एका मंदिरावर क प्रभाग क्षेत्र अधिकारी विनय कुलकर्णी यांच्या नेतृत्वाखाली कारवाई करण्यात आली. उर्वरित बांधकामे निष्कासित करण्यासाठी पालिका प्रशासनाने अधिसूचना जारी केली असून त्यावर हरकती, सूचना मागविण्यात आल्या होत्या.
न्यायालय आणि राज्यस्तरीय समितीच्या आदेशानुसार कचोरे येथील मशिद स्थलांतरित केली जाणार आहे. अ, फ आणि ग प्रभागातील प्रत्येकी एक धार्मिक स्थळ स्थलांतरीत केले जाणार आहे. नोव्हेंबर २०१७ पर्यंत ही कारवाई पूर्ण करून याबाबतचा अहवाल न्यायालयात सादर केला जाईल, अशी माहिती उपायुक्त सु. रा. पवार यांनी दिली.
टीम मटा
उच्च न्यायालयाच्या आदेशानुसार बेकायदा धार्मिक स्थळांवरील कारवाई कल्याण आणि ठाणे महापालिकेने सुरू केली आहे. कल्याण-डोंबिवली महापालिकेने गांधी चौकात रस्त्याच्या मधोमध उभ्या असलेल्या मंदिरावर कारवाई केली. या शहरातील आणखी सहा मंदिरांवर कारवाई केली जाणार आहे. तर, ठाणे महापालिकेनेही आपल्या हद्दीतील बेकायदा धार्मिक स्थळांची यादी तयार केली असून लवकरत त्यावरील कारवाई सुरू केली जाणार आहे.
कल्याण-डोंबिवली महापालिका क्षेत्रातील रस्त्यात बाधित होणाऱ्या ६३ धार्मिक स्थळांपैकी ४३ धार्मिक स्थळे स्थलांतरित तर २० धार्मिक स्थळे निष्कसीत करावी लागणार असल्याचा अहवाल अनधिकृत बांधकाम विभागाकडून प्राप्त झाल्यानंतर आतापर्यंत नऊ धार्मिक स्थळे निष्कसीत करण्यात आली असून ५ धार्मिक स्थळाचे स्थान बदलण्यात आले आहे. उर्वरित धार्मिक स्थळावरील कारवाई नोव्हेंबर २०१७ पर्यंत पूर्ण केली जाणार आहे. त्यापैकी रहदारीस अडथळा ठरत असलेल्या एका मंदिरावर क प्रभाग क्षेत्र अधिकारी विनय कुलकर्णी यांच्या नेतृत्वाखाली कारवाई करण्यात आली. उर्वरित बांधकामे निष्कासित करण्यासाठी पालिका प्रशासनाने अधिसूचना जारी केली असून त्यावर हरकती, सूचना मागविण्यात आल्या होत्या.
न्यायालय आणि राज्यस्तरीय समितीच्या आदेशानुसार कचोरे येथील मशिद स्थलांतरित केली जाणार आहे. अ, फ आणि ग प्रभागातील प्रत्येकी एक धार्मिक स्थळ स्थलांतरीत केले जाणार आहे. नोव्हेंबर २०१७ पर्यंत ही कारवाई पूर्ण करून याबाबतचा अहवाल न्यायालयात सादर केला जाईल, अशी माहिती उपायुक्त सु. रा. पवार यांनी दिली.