म. टा. वृत्तसेवा, डोंबिवली
दर्जेदार शिक्षण देण्याच्या नावाखाली पालकांकडून मोठ्या प्रमाणामध्ये फी घेऊन खासगी पातळीवर शाळा सुरू करण्याचे प्रमाण गेल्या काही दिवसांमध्ये वाढल्याचे दिसून येत आहे. याच शाळांचा शोध घेऊन अनधिकृत शाळांची दुकानदारी बंद करण्यासाठी कल्याण-डोंबिवली महानगरपालिकेच्या शिक्षण विभागाने शोध मोहीम हाती घेतली होती.
या अंतर्गत महानगरपालिका क्षेत्रामध्ये पाच शाळा सरकारच्या परवानगीशिवाय सुरू असल्याचे आढळून आले आहे. या शाळांची यादी महानगरपालिकेद्वारे प्रसिद्ध करण्यात आली.अनधिकृतरित्या चालविण्यात आलेल्या शाळांवर कडक कारवाई करण्यात येणार आहे.
प्रसिद्ध केलेल्या बेकायदा शाळांच्या यादीत गांधारी येथील इंग्रजी माध्यमाची आर्य गुरुकुल, खंबाळपाडा येथील मुबारका इंग्लिश स्कूल, गणेशनगर डोंबिवलीतील फातिका कॉन्व्हेंट स्कूल, डोंबिवलीतील इंग्रजी माध्यमाची गणेश बालविकास मंदिर आणि हिंदी माध्यमाची गणेश बालविकास मंदिर या पाच शाळा आहेत. शासनाच्या परवानगीशिवाय या शाळा चालवल्या जात होत्या. त्यामुळे या शाळांत पालकांनी त्यांच्या पाल्याला प्रवेश घेऊ नये, असे आवाहन शिक्षण मंडळाने केले आहे.
दर्जेदार शिक्षण देण्याच्या नावाखाली पालकांकडून मोठ्या प्रमाणामध्ये फी घेऊन खासगी पातळीवर शाळा सुरू करण्याचे प्रमाण गेल्या काही दिवसांमध्ये वाढल्याचे दिसून येत आहे. याच शाळांचा शोध घेऊन अनधिकृत शाळांची दुकानदारी बंद करण्यासाठी कल्याण-डोंबिवली महानगरपालिकेच्या शिक्षण विभागाने शोध मोहीम हाती घेतली होती.
या अंतर्गत महानगरपालिका क्षेत्रामध्ये पाच शाळा सरकारच्या परवानगीशिवाय सुरू असल्याचे आढळून आले आहे. या शाळांची यादी महानगरपालिकेद्वारे प्रसिद्ध करण्यात आली.अनधिकृतरित्या चालविण्यात आलेल्या शाळांवर कडक कारवाई करण्यात येणार आहे.
प्रसिद्ध केलेल्या बेकायदा शाळांच्या यादीत गांधारी येथील इंग्रजी माध्यमाची आर्य गुरुकुल, खंबाळपाडा येथील मुबारका इंग्लिश स्कूल, गणेशनगर डोंबिवलीतील फातिका कॉन्व्हेंट स्कूल, डोंबिवलीतील इंग्रजी माध्यमाची गणेश बालविकास मंदिर आणि हिंदी माध्यमाची गणेश बालविकास मंदिर या पाच शाळा आहेत. शासनाच्या परवानगीशिवाय या शाळा चालवल्या जात होत्या. त्यामुळे या शाळांत पालकांनी त्यांच्या पाल्याला प्रवेश घेऊ नये, असे आवाहन शिक्षण मंडळाने केले आहे.