म. टा. वृत्तसेवा, वसई
गिनिज बुक ऑफ वर्ल्ड रेकॉर्डसाठी संपूर्ण भारतात एकाचवेळी रस्त्यावर ३ लाख ५० हजार सायकलपटूंनी प्रजासत्ताकदिनी सायकलिंग केली आहे. वसईतूनही या विश्वविक्रमाला गवसणी घालण्यासाठी १००हून अधिक सायकलस्वार सहभागी झाले होते.
एकाचवेळी १ लाख ३६ हजार ४११ सायकलस्वार एका रांगेमध्ये सायकलिंग करत असण्याचा विक्रम हा थायलंड या देशाचा आहे. मात्र या विश्वविक्रमला गवसणी घालण्यासाठी म्हणजेच संपूर्ण भारतात एकाच वेळी रस्त्यावर ३ लाख ५० हजार सायकलपटूंनी प्रजासत्ताकदिनी सायकलिंग केली. यामध्ये वसईकरही सहभागी झाले होते. वसई स्टेला ते वसई किल्ल्यापर्यंत एकाच रांगेमध्ये सायकल चालवली. 'माइल्स स्टोन्स स्पोर्ट्स टीम' आणि 'भारत सायकल' यांनी यामध्ये पुढाकार घेत ही राइड वसईमध्ये आयोजित केली होती. वसईतील १४५ सायकलस्वार सहभागी झाले होते. तर वसईचे अप्पर पोलिस अधीक्षक विजयकांत सागर या राइडमध्ये सामील झाले होते. प्रजासत्ताक दिनी भारताच्या नावावर आणखी एक नवा विक्रम रचला गेला असल्याचे 'माइल्स स्टोन्स स्पोर्ट्स'च्या दीपक पाटील यांनी सांगितले. तर या अगोदर हा विक्रम थायलंड या देशाचा असून या विक्रमामध्ये वसईकरांचा प्रतिसाद पाहून समाधान व्यक्त केल्याचे आयोजक राजेश मोदगेकर यांनी सांगितले.
गिनिज बुक ऑफ वर्ल्ड रेकॉर्डसाठी संपूर्ण भारतात एकाचवेळी रस्त्यावर ३ लाख ५० हजार सायकलपटूंनी प्रजासत्ताकदिनी सायकलिंग केली आहे. वसईतूनही या विश्वविक्रमाला गवसणी घालण्यासाठी १००हून अधिक सायकलस्वार सहभागी झाले होते.
एकाचवेळी १ लाख ३६ हजार ४११ सायकलस्वार एका रांगेमध्ये सायकलिंग करत असण्याचा विक्रम हा थायलंड या देशाचा आहे. मात्र या विश्वविक्रमला गवसणी घालण्यासाठी म्हणजेच संपूर्ण भारतात एकाच वेळी रस्त्यावर ३ लाख ५० हजार सायकलपटूंनी प्रजासत्ताकदिनी सायकलिंग केली. यामध्ये वसईकरही सहभागी झाले होते. वसई स्टेला ते वसई किल्ल्यापर्यंत एकाच रांगेमध्ये सायकल चालवली. 'माइल्स स्टोन्स स्पोर्ट्स टीम' आणि 'भारत सायकल' यांनी यामध्ये पुढाकार घेत ही राइड वसईमध्ये आयोजित केली होती. वसईतील १४५ सायकलस्वार सहभागी झाले होते. तर वसईचे अप्पर पोलिस अधीक्षक विजयकांत सागर या राइडमध्ये सामील झाले होते. प्रजासत्ताक दिनी भारताच्या नावावर आणखी एक नवा विक्रम रचला गेला असल्याचे 'माइल्स स्टोन्स स्पोर्ट्स'च्या दीपक पाटील यांनी सांगितले. तर या अगोदर हा विक्रम थायलंड या देशाचा असून या विक्रमामध्ये वसईकरांचा प्रतिसाद पाहून समाधान व्यक्त केल्याचे आयोजक राजेश मोदगेकर यांनी सांगितले.