वसई महानगरपालिका क्षेत्रात ५ रुग्ण वाढले
म.टा. वृत्तसेवा, पालघर
पालघर जिलल्ह्यात करोनाबाधित रुग्णांची संख्या २६ झाली असून यात एकूण चार मृतांचा समावेश आहे. वाढलेले ५ रुग्ण वसई महापालिका क्षेत्रातील असून जिल्ह्यात आतापर्यंत १ हजार २३५ संशयित आढळले असून त्यातील १९६ जण अधिक जोखमीचे असून तर २५१ कमी जोखमीचे आहेत. ७४ जणांना श्वसनाचा त्रास होत आहे.
जिल्ह्यात ४९५ जणांना विलगीकरण कक्षात ठेवण्यात आले आहे. विविध ठिकाणी छावणीत १९० जणांना ठेवण्यात आले असून त्यापैकी ८५ जणांना घरी पाठवले आहे. हॉटेल रॉयल गार्डनमध्ये ५० जणांना तर हॉटेल सुवी पॅलेसमध्ये ५५ जणांना विलगीकरणात ठेवले आहे. ५२२ जणांनी १४ दिवसांचा विलगीकरणाचा कालावधी पूर्ण केला आहे.
कस्तुरबा हॉस्पिटलमध्ये ३ जण, ठाणे सिव्हिल हॉस्पिटलमध्ये ८, जसलोक हॉस्पिटलमध्ये ५ जण, एमजीएमआर हॉस्पिटलमध्ये ३ जण, रहेजा हॉस्पिटलमध्ये१, बोळिंज हॉस्पिटलमध्ये ९ जण निगेटिव्ह, एसडीएच डहाणू ३ पैकी २ निगेटिव्ह व एका रुग्णाचा अहवाल येणे बाकी आहे. रिद्धीसिद्धी हॉस्पिटलमध्ये १ जण, सेवन हिल्स हॉस्पिटलमध्ये १ उपचार घेत आहे.
२९९ जणांचे थुंकीचे नमुने पाठविण्यात आले आहेत, त्यातील २९ जणांमध्ये करोनाची लक्षणे आढळली असून १९६ अतिजोखमीचे तर ७४ जणांना श्वसनाचा त्रास आहे.
जिल्ह्यातील १९२ जण निगेटिव्ह असून ८१ जणांचा अहवाल येणे बाकी आहे.