शहापूर : करोनाच्या वाढत्या रुग्णसंख्येमुळे शहापूर तालुक्यावरील करोनाचे संकट गडद होत आहे. शनिवारी तब्बल पाच रुग्ण करोनाबाधित रुग्ण आढळून आले. यामुळे तालुक्यात एकूण रुग्णसंख्या १६ झाली आहे. एकाचा आठ दिवसांपूर्वी मृत्यू झाला. शनिवारी आढळून आलेल्या रुग्णांमध्ये वासिंद येथील दोन, शहापूरमधील दोन व शेलवली (किन्हवली) येथील एकाचा समावेश आहे. त्यांची शहापूरच्या तापाच्या क्लिनिकमध्ये चाचणी करण्यात आली होती. त्यांचे अहवाल पॉझिटिव्ह आले, असे तहसीलदार नीलिमा सूर्यवंशी यानी सांगितले. हे पाचही रुग्ण मुंबई महापालिकेचे कर्मचारी असल्याचे समजते. तालुक्यात वासिंद येथे सात, शहापूर, गोठेघर, खरिड व कसारा येथील प्रत्येकी एक असे ११ रुग्ण ठाणे व भिवंडी येथील रुग्णालयात उपचार घेत आहेत.
शहापूरमध्ये पाच जणांना संसर्ग
करोनाच्या वाढत्या रुग्णसंख्येमुळे शहापूर तालुक्यावरील करोनाचे संकट गडद होत आहे शनिवारी तब्बल पाच रुग्ण करोनाबाधित रुग्ण आढळून आले...
महाराष्ट्र टाइम्स.कॉम 10 May 2020, 4:00 am