म. टा. प्रतिनिधी, ठाणे
ठाणे शहरातील वर्तकनगर, कापूरबावडी आणि कासारवडवली या तिन्ही पोलिस ठाण्यांचे विभाजन करून नव्याने उभारण्यात आलेल्या चितळसर-मानपाडा या नव्या पोलिस ठाण्याचे शनिवारी ठाण्याचे पोलिस आयुक्त परमबीर सिंग यांच्या हस्ते या पोलिस ठाण्याचे उदघाटन करण्यात आले. वेगाने वाढणाऱ्या ठाणे शहरातील नागरिकांच्या सुरक्षिततेसाठी या पोलिस ठाण्याचा फायदा होणार असून या नव्या पोलिस ठाण्यामुळे वर्तकनगर, कापूरबावडी आणि कासारवडवली या तिन्ही पोलिस ठाण्यांचा अतिरिक्त ताण कमी होणार आहे. विशेष म्हणजे, ठाणे महापालिकेने उपलब्ध करून दिलेल्या भूखंडावर पोलिस ठाणे उभारण्यात आल्याने पोलिसांसह स्थानिकांच्या सुरक्षिततेची मोठी अडचण दूर होण्यास मदत झाली आहे.
घोडबंदर भागातील नागरिकांच्या सुरक्षितेकरिता वर्तकनगर आणि कापूरबावडी पोलिस ठाणे मागील अनेक वर्षांपासून कार्यरत होते. मात्र, या परिसराची लोकसंख्या वाढल्याने या दोन्ही पोलिस ठाण्यांचे विभाजन करून कासारवडवली पोलिस ठाण्याची काही वर्षांआधी निर्मिती करण्यात आली. मात्र नागरीकरणाच्या रेट्यात येथील लोकसंख्या झपाट्याने वाढत असल्याने उपलब्ध तिन्ही पोलिस ठाण्यावर भार वाढू लागला. परिणामी या भागातील गुन्हेगारी घटनांमध्ये वाढ होऊ लागली. त्यामुळे या भागासाठी नव्या पोलिस ठाण्याची निर्मिती करण्याची मागणी जोर धरू लागली.
दरम्यान, जागेच्या उप्लब्धतेवरून ठाणे महापालिकेच्या आरक्षित भूखंडावर चितळसर मानपाडा भागात नवे पोलिस ठाणे उभारण्याचा प्रस्ताव या माध्यमातून पुढे आला होता. ठाण्यातील आमदारांनी या प्रकरणी गृह विभागाकडे सातत्याने मागणीही केली होती. या मागणीची दखल घेत गृह विभागाने वर्तकनगर, कापूरबावडी आणि कासारवडवली या तिन्ही पोलिस ठाण्याचे विभाजन करून चितळसर-मानपाडा पोलिस ठाण्याच्या निर्मितीस मान्यता दिली होती. त्याच पार्श्वभूमीवर घोडबंदर रोडवरील आर मॉल समोर असणाऱ्या दोस्ती इम्पिरियामधील जागेत चितळसर मानपाडा हे नवीन पोलिस ठाणे सुरू करण्यात आले.
पोलिस ठाण्याच्या उद्घाटनप्रसंगी ठाण्याचे पोलिस आयुक्त परमबीर सिंग, सह पोलिस आयुक्त आशुतोष डुंबरे, पालिकेचे अतिरिक्त आयुक्त सुनील चव्हाण तसेच वरिष्ठ पोलिस अधिकारी उपस्थित होते. दरम्यान, नव्या पोलिस ठाण्याचे वरिष्ठ पोलिस निरीक्षक म्हणून गणपतराव पिंगळे यांची नियुक्ती करण्यात आली आहे.
पोलिस ठाण्याचे कार्यक्षेत्र!
नव्या पोलिस ठाण्याच्या हद्दीत आत्तापर्यंत कापूरबावडी पोलिस ठाण्याच्या हद्दीत असलेला नळपाडा, तुलशीधाम, कृष्णानगर, कोकणीपाडा, टिकुजीनी वाडी, खेवरा सर्कल, हॅप्पीव्हॅली हा भाग तसेच कासारवडवली पोलिस ठाण्याच्या हद्दीत असलेला मुल्ला बाग, नीलकंठ ग्रीन सोसायटी ते वॉटर सप्लाय टाकीपर्यंतचा भाग आणि वर्तकनगर पोलिस ठाण्याच्या हद्दीतील गांधीनगर, सुभाषनगर, पोखरण रोड क्रमांक २, पवार नगर, वसंत विहार, हिरानंदानी मेडॉज, गावंडबाग, काशिनाथ घाणेकर नाट्यगृह असा भाग समाविष्ट करण्यात आला आहे.
ठाणे शहरातील वर्तकनगर, कापूरबावडी आणि कासारवडवली या तिन्ही पोलिस ठाण्यांचे विभाजन करून नव्याने उभारण्यात आलेल्या चितळसर-मानपाडा या नव्या पोलिस ठाण्याचे शनिवारी ठाण्याचे पोलिस आयुक्त परमबीर सिंग यांच्या हस्ते या पोलिस ठाण्याचे उदघाटन करण्यात आले. वेगाने वाढणाऱ्या ठाणे शहरातील नागरिकांच्या सुरक्षिततेसाठी या पोलिस ठाण्याचा फायदा होणार असून या नव्या पोलिस ठाण्यामुळे वर्तकनगर, कापूरबावडी आणि कासारवडवली या तिन्ही पोलिस ठाण्यांचा अतिरिक्त ताण कमी होणार आहे. विशेष म्हणजे, ठाणे महापालिकेने उपलब्ध करून दिलेल्या भूखंडावर पोलिस ठाणे उभारण्यात आल्याने पोलिसांसह स्थानिकांच्या सुरक्षिततेची मोठी अडचण दूर होण्यास मदत झाली आहे.
घोडबंदर भागातील नागरिकांच्या सुरक्षितेकरिता वर्तकनगर आणि कापूरबावडी पोलिस ठाणे मागील अनेक वर्षांपासून कार्यरत होते. मात्र, या परिसराची लोकसंख्या वाढल्याने या दोन्ही पोलिस ठाण्यांचे विभाजन करून कासारवडवली पोलिस ठाण्याची काही वर्षांआधी निर्मिती करण्यात आली. मात्र नागरीकरणाच्या रेट्यात येथील लोकसंख्या झपाट्याने वाढत असल्याने उपलब्ध तिन्ही पोलिस ठाण्यावर भार वाढू लागला. परिणामी या भागातील गुन्हेगारी घटनांमध्ये वाढ होऊ लागली. त्यामुळे या भागासाठी नव्या पोलिस ठाण्याची निर्मिती करण्याची मागणी जोर धरू लागली.
दरम्यान, जागेच्या उप्लब्धतेवरून ठाणे महापालिकेच्या आरक्षित भूखंडावर चितळसर मानपाडा भागात नवे पोलिस ठाणे उभारण्याचा प्रस्ताव या माध्यमातून पुढे आला होता. ठाण्यातील आमदारांनी या प्रकरणी गृह विभागाकडे सातत्याने मागणीही केली होती. या मागणीची दखल घेत गृह विभागाने वर्तकनगर, कापूरबावडी आणि कासारवडवली या तिन्ही पोलिस ठाण्याचे विभाजन करून चितळसर-मानपाडा पोलिस ठाण्याच्या निर्मितीस मान्यता दिली होती. त्याच पार्श्वभूमीवर घोडबंदर रोडवरील आर मॉल समोर असणाऱ्या दोस्ती इम्पिरियामधील जागेत चितळसर मानपाडा हे नवीन पोलिस ठाणे सुरू करण्यात आले.
पोलिस ठाण्याच्या उद्घाटनप्रसंगी ठाण्याचे पोलिस आयुक्त परमबीर सिंग, सह पोलिस आयुक्त आशुतोष डुंबरे, पालिकेचे अतिरिक्त आयुक्त सुनील चव्हाण तसेच वरिष्ठ पोलिस अधिकारी उपस्थित होते. दरम्यान, नव्या पोलिस ठाण्याचे वरिष्ठ पोलिस निरीक्षक म्हणून गणपतराव पिंगळे यांची नियुक्ती करण्यात आली आहे.
पोलिस ठाण्याचे कार्यक्षेत्र!
नव्या पोलिस ठाण्याच्या हद्दीत आत्तापर्यंत कापूरबावडी पोलिस ठाण्याच्या हद्दीत असलेला नळपाडा, तुलशीधाम, कृष्णानगर, कोकणीपाडा, टिकुजीनी वाडी, खेवरा सर्कल, हॅप्पीव्हॅली हा भाग तसेच कासारवडवली पोलिस ठाण्याच्या हद्दीत असलेला मुल्ला बाग, नीलकंठ ग्रीन सोसायटी ते वॉटर सप्लाय टाकीपर्यंतचा भाग आणि वर्तकनगर पोलिस ठाण्याच्या हद्दीतील गांधीनगर, सुभाषनगर, पोखरण रोड क्रमांक २, पवार नगर, वसंत विहार, हिरानंदानी मेडॉज, गावंडबाग, काशिनाथ घाणेकर नाट्यगृह असा भाग समाविष्ट करण्यात आला आहे.