गहाण दागिने घेऊन सराफ पसार

बदलापूर : बदलापुरातील सराफाने ग्राहकाचे गहाण ठेवलेले दागिने तसेच भिशी योजनेत जमा केलेली रक्कम असे सुमारे ७ लाख ३३ हजार रुपयांचा मुद्देमाल घेऊन पळ काढल्याचा प्रकार उघडकीस आला आहे. त्यामुळे या ज्वेलर्सकडे पैसे गुंतवणारे तसेच दागिने गहाण ठेवणाऱ्या ग्राहकांमध्ये खळबळ उडाली.

पूर्वेकडील शिरगाव भागात हनुमान केसरी यांचे ज्वेलर्सचे दुकान आहे. ज्योती जाधव (५३) यांनी या दुकानात सुरू असलेल्या भिशी योजनेत दरमहा २०० रुपयांप्रमाणे ७ महिन्यांत १४०० रुपये गुंतवले होते. तर अभिनव बम्पर योजनेत ३३००० रुपये गुंतवले होते. त्याशिवाय या महिलेने गहाण ठेवलेले दागिने व नवीन दागिने बनवण्यासाठी अॅडव्हान्स म्हणून दिलेली रक्कम असा एकूण ७ लाख ३३ हजारांचा मुद्देमाल घेऊन हनुमान केसरी पसार झाला.