म. टा. विशेष प्रतिनिधी, ठाणे
पावसाळ्यातील संभाव्य पूरपरिस्थिती टाळण्यासाठी शहरातील नाल्यांसह यंदा खाडी प्रवाहांचीही सफाई करण्याचा निर्णय पालिका प्रशासनाने घेतला आहे. या स्वच्छता मोहिमेसाठी पालिकेने ९ कोटी २५ लाख रुपयांची तरतूद केली आहे. खाडीप्रवाह स्वच्छ करणाचा हा पालिकेचा पहिलाच प्रयत्न असल्याची माहिती प्रशासनाच्यावतीने देण्यात आली.
ठाणे शहरातील सर्व नाले खाडीला मिळतात. पावसाळ्यापूर्वी लाखो रुपये खर्च करून नाल्यांची सफाई केली जाते. मात्र, पाणी जिथे खाडीला मिळते, तेथील खाडीपात्रातील गाळ मात्र काढला जात नाही. त्यामुळे अतिवृष्टीच्या काळात शहरातील नाले तुंबतात. त्यामुळे अनेक सखल भागांमध्ये पाणी साचते. त्याची पुनरावृत्ती टाळण्यासाठी खाडीपात्र साफ करण्याचा निर्णय घेण्यात आला आहे. शहरात सुमारे ११९ किमी लांबीचे ३०६ नाले आहेत. या नाल्यांसह पाच ते सहा ठिकाणच्या खाडीपात्रांची सफाई केली जाणार आहे. नौपाड्यातील ठाणा कॉलेज आणि रेल्वे स्टेशननजीकचा खाडीप्रवाह, उथळसर प्रभाग समितीच्या हद्दीतील वृंदावन, राबोडी भागातली खाडी, कळवा कारशेड खाडीतून येणारा प्रवाहाची प्रामुख्याने सफाई होणार आहे.
भरती आणि ओहोटीच्या वेळांचा अभ्यास करून ही सफाई मोहीम राबविली जाईले. नालेसफाईसाठी निविदा मागवण्यात आल्या असून हे काम पावसाळ्यापूर्वी पूर्ण केले जाईल, असा दावा पालिकेने केला आहे. या सफाईसाठी शहराचे ६२ झोनमध्ये विभाजन करण्यात आले असून सफाईवर जीपीएसप्रणाली तसेच कॅमेराचा वॉच ठेवला जाणार आहे.
पावसाळ्यातील संभाव्य पूरपरिस्थिती टाळण्यासाठी शहरातील नाल्यांसह यंदा खाडी प्रवाहांचीही सफाई करण्याचा निर्णय पालिका प्रशासनाने घेतला आहे. या स्वच्छता मोहिमेसाठी पालिकेने ९ कोटी २५ लाख रुपयांची तरतूद केली आहे. खाडीप्रवाह स्वच्छ करणाचा हा पालिकेचा पहिलाच प्रयत्न असल्याची माहिती प्रशासनाच्यावतीने देण्यात आली.
ठाणे शहरातील सर्व नाले खाडीला मिळतात. पावसाळ्यापूर्वी लाखो रुपये खर्च करून नाल्यांची सफाई केली जाते. मात्र, पाणी जिथे खाडीला मिळते, तेथील खाडीपात्रातील गाळ मात्र काढला जात नाही. त्यामुळे अतिवृष्टीच्या काळात शहरातील नाले तुंबतात. त्यामुळे अनेक सखल भागांमध्ये पाणी साचते. त्याची पुनरावृत्ती टाळण्यासाठी खाडीपात्र साफ करण्याचा निर्णय घेण्यात आला आहे. शहरात सुमारे ११९ किमी लांबीचे ३०६ नाले आहेत. या नाल्यांसह पाच ते सहा ठिकाणच्या खाडीपात्रांची सफाई केली जाणार आहे. नौपाड्यातील ठाणा कॉलेज आणि रेल्वे स्टेशननजीकचा खाडीप्रवाह, उथळसर प्रभाग समितीच्या हद्दीतील वृंदावन, राबोडी भागातली खाडी, कळवा कारशेड खाडीतून येणारा प्रवाहाची प्रामुख्याने सफाई होणार आहे.
भरती आणि ओहोटीच्या वेळांचा अभ्यास करून ही सफाई मोहीम राबविली जाईले. नालेसफाईसाठी निविदा मागवण्यात आल्या असून हे काम पावसाळ्यापूर्वी पूर्ण केले जाईल, असा दावा पालिकेने केला आहे. या सफाईसाठी शहराचे ६२ झोनमध्ये विभाजन करण्यात आले असून सफाईवर जीपीएसप्रणाली तसेच कॅमेराचा वॉच ठेवला जाणार आहे.