डिस्चार्चनंतर पोलीस कर्मचारी पुन्हा पॉझिटिव्ह; स्वागत करणारे हादरले

कल्याण : उपचार घेऊन डिस्चार्ज दिल्यानंतर पोलीस कर्मचारी पुन्हा करोना पॉझिटिव्ह असल्याचा प्रकार कल्याणमध्ये समोर आला आहे. यानंतर संबंधित कर्मचारी राहत असलेल्या सोसायटीमध्ये एकच खळबळ उडाली. कारण, कॉरेंटाईन सेंटरमधून डिस्चार्ज मिळाल्यानंतर या कर्मचाऱ्याचं घरी गेल्यानंतर स्वागत करण्यात आलं होतं. आरोग्य विभागाने केंद्राच्या नव्या मार्गदर्शक सूचनांचा दाखला नागरिकांना दिला आहे. मात्र या पोलीस कर्मचाऱ्याला आता पुन्हा उपचारासाठी नेण्यात आलं आहे.

'महाराष्ट्रातील विरोधी पक्षाच्या डोक्यावर परिणाम झालाय'

भारतीय वैद्यकीय संशोधन परिषद म्हणजेच आयसीएमआरच्या नव्या नियमांनुसार, रुग्णामध्ये लक्षणं न आढळल्यास त्याला १० दिवसांनंतर डिस्चार्ज दिला जाईल आणि ताप नसेल तर तीन दिवसात डिस्चार्ज दिला जाईल. यासाठी करोना चाचणी करण्याची गरज नाही. दरम्यान, बुधवारी आयसीएमआरने दिलेल्या माहितीनुसार, करोनाचा विषाणू शरीरात निष्क्रिय झाला असेल तरीही तो चाचणीमध्ये आढळून येतो. म्हणजेच सॅम्पलमध्ये मृत विषाणू असेल तरीही आरटी-पीसीआर चाचणी ही पॉझिटिव्ह येते, असं आयसीएमआरचं म्हणणं आहे.

मुख्यमंत्री सहाय्यता निधीतून ६७ कोटी

४० वर्षीय पोलीस कर्मचाऱ्याला तो पॉझिटिव्ह आढळल्यानंतर १३ दिवसांनी डिस्चार्ज देण्यात आला होता. मंगळवारी डिस्चार्ज देण्यात आल्यानंतर संबंधित पोलीस कर्मचारी घरी गेला. या कर्मचाऱ्याला आणखी सात दिवस होम कॉरेंटाईन राहण्याचा सल्ला देण्यात आला होता.

पाटलांनी 'केरळ मॉडेल'चा नीट अभ्यास केलेला दिसत नाही: शिवसेना

दरम्यान, घरी पोहोचण्यापूर्वी या पोलीस कर्मचाऱ्याने स्वतःच्या समाधानासाठी खाजगी लॅबमधून करोना चाचणी केली. पोलीस कर्मचाऱ्याचं त्याच्या सोसायटीमध्ये शेजाऱ्यांकडून स्वागतही करण्यात आलं. मात्र आपण पुन्हा करोना पॉझिटिव्ह असल्याचं दुसऱ्या दिवशी समजल्यानंतर सोसायटीतील सर्व जण हादरुन गेले.

रहिवाशांनी स्थानिक शिवसेना नगरसेवक राकेश पानकर यांच्याशी संपर्क साधला. राकेश पानकर यांनी कल्याण डोंबिवली महापालिकेच्या आरोग्य विभागाशी संपर्क साधून या कर्मचाऱ्याला पुन्हा उपचारासाठी नेण्याची विनंती केली. रहिवाशांच्या मागणीवरुन रुग्णाला पुन्हा एकदा उपचारासाठी नेण्यात आल्याची माहिती केडीएमसीच्या आरोग्य अधिकारी प्रतिभा पानपाटील यांनी दिली. मात्र नव्या नियमांनुसार कॉरेंटाईनमध्ये सलग १० दिवस कोणतीही लक्षणे न आढळल्यास डिस्चार्ज दिला जातो. या पोलीस कर्मचाऱ्याची पत्नी, मुलगा आणि पुतण्या यांची करोना चाचणी निगेटिव्ह आली आहे.