म. टा. वृत्तसेवा, कल्याण : कल्याण डोंबिवली महापालिकेत समाविष्ट झालेल्या २७ गावातील इंडियन ऑइल कॉर्पोरेशन लि. च्या पेट्रोल पंपाचा सहा महिन्यांचा थकित स्थानिक संस्था कर वसूल करण्यासाठी वांरवार पाठपुरावा केल्यानंतरही प्रतिसाद मिळत नसल्यामुळे कंपनीचे खाते गोठवून स्थानिक संस्था कर विभागाने कंपनीकडून २ कोटी ६२ लाख ७२ हजार रुपयांची थकबाकी वसूल केली आहे. मागील पाच वर्षांपासून ही थकबाकी प्रलंबित होती.
सप्टेंबर २०१५पर्यंत पालिका हद्दीत स्थानिक संस्था कर वसूल केला जात होता. सप्टेंबर महिन्यात हा कर बंद होत असल्याची कुणकुण लागलेल्या मोठ्या व्यापाऱ्यांनी हा कर थकविण्याचे प्रकार सुरू केल्याने प्रत्यक्ष करवसुली बंद झाल्यानतर थकबाकीचा आकडा काही कोटी रुपयांत होता. अखेर स्थानिक संस्था कर विभागाकडून या वसुलीवर भर देण्यात आला. मात्र, मोठ्या व्यापाऱ्यांकडून वारंवार थकबाकीचा भरणा करण्यास टाळाटाळ केली जात होती. इंडियन ऑइल कॉर्पोरेशन लि. या कंपनीने महापालिका हद्दीत २०१५मध्ये समाविष्ट झालेल्या गावांमधील पेट्रोलपंपाचा स्थानिक संस्था कर एप्रिल ते सप्टेबर या कालावधीत थकवला होता. वसुलीसाठी वारंवार स्मरणपत्रे आणि नोटिसा धाडूनही त्याकडे कंपनीकडून दुर्लक्ष केले जात असल्याने अखेर पालिका आयुक्त डॉ. विजय सूर्यवंशी यांच्या निर्देशानुसार उपआयुक्त पल्लवी भागवत यांच्या मार्गदर्शनाखाली स्थानिक संस्था कर विभागाचे अधिकारी सुनील बागुल व मोपारी यांनी इंडियन ऑइल कंपनीचे स्टेट बँक ऑफ इंडियातील खाते गोठवले. यामुळे कंपनीने २ कोटी ६२ लाख ७२ हजार १४३ रुपयाच्या थकबाकीच्या रकमेचा भरणा पालिका प्रशासनाकडे केल्याची माहिती पालिका प्रशासनाकडून देण्यात आली आहे
सप्टेंबर २०१५पर्यंत पालिका हद्दीत स्थानिक संस्था कर वसूल केला जात होता. सप्टेंबर महिन्यात हा कर बंद होत असल्याची कुणकुण लागलेल्या मोठ्या व्यापाऱ्यांनी हा कर थकविण्याचे प्रकार सुरू केल्याने प्रत्यक्ष करवसुली बंद झाल्यानतर थकबाकीचा आकडा काही कोटी रुपयांत होता. अखेर स्थानिक संस्था कर विभागाकडून या वसुलीवर भर देण्यात आला. मात्र, मोठ्या व्यापाऱ्यांकडून वारंवार थकबाकीचा भरणा करण्यास टाळाटाळ केली जात होती. इंडियन ऑइल कॉर्पोरेशन लि. या कंपनीने महापालिका हद्दीत २०१५मध्ये समाविष्ट झालेल्या गावांमधील पेट्रोलपंपाचा स्थानिक संस्था कर एप्रिल ते सप्टेबर या कालावधीत थकवला होता. वसुलीसाठी वारंवार स्मरणपत्रे आणि नोटिसा धाडूनही त्याकडे कंपनीकडून दुर्लक्ष केले जात असल्याने अखेर पालिका आयुक्त डॉ. विजय सूर्यवंशी यांच्या निर्देशानुसार उपआयुक्त पल्लवी भागवत यांच्या मार्गदर्शनाखाली स्थानिक संस्था कर विभागाचे अधिकारी सुनील बागुल व मोपारी यांनी इंडियन ऑइल कंपनीचे स्टेट बँक ऑफ इंडियातील खाते गोठवले. यामुळे कंपनीने २ कोटी ६२ लाख ७२ हजार १४३ रुपयाच्या थकबाकीच्या रकमेचा भरणा पालिका प्रशासनाकडे केल्याची माहिती पालिका प्रशासनाकडून देण्यात आली आहे