म. टा. प्रतिनिधी, ठाणे
पनवेल महापालिकेच्या निवडणुकीची रणधुमाळी अंतिम टप्प्यात असताना आता त्यामध्ये बाहुबली व कटप्पा या लोकप्रिय पात्रांनी सहभाग घेतला आहे. कटप्पाने बाहुबलीला का मारले, असा सवाल करत बाहुबलीने मतदान करण्यास नकार दिला. त्यामुळे कटप्पाने बाहुबलीला मारले, त्यामुळे तुम्ही मतदान करा अशी काहीशी अजब जाहिरात सध्या पालिका निवडणुकीच्या निमित्ताने पनवेलकरांना पाहण्यास मिळत आहे.
पनवेल महापालिका निवडणुकीसाठी बुधवारी, २४ मे मतदान होत आहे. या निवडणुकीत मतदानाचा टक्का वाढावा यादृष्टीने पालिकेचे प्रशासन वेगवेगळ्या क्लुप्त्या लढवत आहे. कडक उन्हाळ्याच्या दिवसात निवडणूक होत असल्याने तसेच या सुट्टीनिमित्त पर्यटनाला जाणाऱ्यांना त्यापासून रोखण्यासाठी अनेक कल्पना आकार घेत आहेत. यात मतदानाचा सेल्फी पाठवणाऱ्यांना मालमत्ता करात घसघशीत सवलत पालिकेकडून दिली जाणार आहे. प्रत्येक प्रभागात ५ अशा एकूण १०० जणांना २५ टक्के मालमत्ता करात सवलत पालिकेकडून दिली जाईल. मतदानाचा टक्का वाढवण्यासाठी लोकप्रिय सेलिब्रिटींचा आधार नेहमी घेतला जातो. यावेळी यामध्ये बाहुबली व कटप्पा यांचाही समावेश झाला आहे. कटप्पाने बाहुबलीला का मारले या प्रश्नाने देशभरातील असंख्य चित्रपट रसिकांची उत्सुकता गेले दोन वर्षे दुणावली होती. त्याचा आधार घेत, बाहुबलीने मतदानास नकार दिला म्हणून कटप्पाने त्याला मारले, तुम्ही मतदान करा, असे आवाहन पालिकेतर्फे सध्या जाहिरातीद्वारे केले जात आहे. असा मजकूर असणाऱ्या गाड्याही सध्या पनवेलमध्ये चर्चेचा विषय ठरल्या आहेत. तसेच काही मतदारांनी आयोगाच्या या ‘कल्पने’वर आक्षेपही नोंदवला आहे!
पनवेल महापालिकेच्या निवडणुकीची रणधुमाळी अंतिम टप्प्यात असताना आता त्यामध्ये बाहुबली व कटप्पा या लोकप्रिय पात्रांनी सहभाग घेतला आहे. कटप्पाने बाहुबलीला का मारले, असा सवाल करत बाहुबलीने मतदान करण्यास नकार दिला. त्यामुळे कटप्पाने बाहुबलीला मारले, त्यामुळे तुम्ही मतदान करा अशी काहीशी अजब जाहिरात सध्या पालिका निवडणुकीच्या निमित्ताने पनवेलकरांना पाहण्यास मिळत आहे.
पनवेल महापालिका निवडणुकीसाठी बुधवारी, २४ मे मतदान होत आहे. या निवडणुकीत मतदानाचा टक्का वाढावा यादृष्टीने पालिकेचे प्रशासन वेगवेगळ्या क्लुप्त्या लढवत आहे. कडक उन्हाळ्याच्या दिवसात निवडणूक होत असल्याने तसेच या सुट्टीनिमित्त पर्यटनाला जाणाऱ्यांना त्यापासून रोखण्यासाठी अनेक कल्पना आकार घेत आहेत. यात मतदानाचा सेल्फी पाठवणाऱ्यांना मालमत्ता करात घसघशीत सवलत पालिकेकडून दिली जाणार आहे. प्रत्येक प्रभागात ५ अशा एकूण १०० जणांना २५ टक्के मालमत्ता करात सवलत पालिकेकडून दिली जाईल. मतदानाचा टक्का वाढवण्यासाठी लोकप्रिय सेलिब्रिटींचा आधार नेहमी घेतला जातो. यावेळी यामध्ये बाहुबली व कटप्पा यांचाही समावेश झाला आहे. कटप्पाने बाहुबलीला का मारले या प्रश्नाने देशभरातील असंख्य चित्रपट रसिकांची उत्सुकता गेले दोन वर्षे दुणावली होती. त्याचा आधार घेत, बाहुबलीने मतदानास नकार दिला म्हणून कटप्पाने त्याला मारले, तुम्ही मतदान करा, असे आवाहन पालिकेतर्फे सध्या जाहिरातीद्वारे केले जात आहे. असा मजकूर असणाऱ्या गाड्याही सध्या पनवेलमध्ये चर्चेचा विषय ठरल्या आहेत. तसेच काही मतदारांनी आयोगाच्या या ‘कल्पने’वर आक्षेपही नोंदवला आहे!