म. टा. वृत्तसेवा, कल्याण
महाराष्ट्र सरकारच्या ५० कोटी वृक्ष लागवड मोहिमेअंतर्गत १ जुलै ते ७ जुलै दरम्यान कल्याण-डोंबिवली महापालिकेच्या वतीने वृक्षारोपण सप्ताह साजरा केला जाणार आहे. या आठवड्याभरात ५० हजार वृक्षांची लागवड विविध घटक, विभाग, शाळा, महाविद्यालये, सामाजिक संस्था, महानगरपालिका कर्मचारी यांच्या माध्यमातून केली जाणार आहे.
या सप्ताहानिमित्त १ जुलै रोजी सिटी इंजिनीअर व बांधकाम विभागाच्या वतीने नेतीवली टेकडी परिसरात, २ जुलैला वैद्यकीय आरोग्य विभाग यांच्या वतीने एसएलएफ आणि बायोमॅट्रिक प्लांट, उंबर्डे येथे, ३ जुलै रोजी पाणीपुरवठा विभागाच्या वतीने मोहिली येथे, ४ जुलै परिवहन विभागाचे कर्मचारी खंबालपाडा, वसंत व्हॅली परिसरात ५ जुलै रोजी सामान्य प्रशासन विभाग, लेखा विभाग व सचिव कार्यालयाचे कर्मचारी गांधारे येथील लोढा कॉम्प्लेक्स परिसरात, ६ जुलै रोजी मलनि:सारण तसेच कर विभागाच्या कर्मचाऱ्यांच्या वतीने मलंग रोड समांतर रस्ता व मैदानात आणि ७ जुलै रोजी घन कचरा व्यवस्थापन विभागाचे कर्मचारी, अधिकारी बल्याणी वनजमीन येथे वृक्षारोपण करणार आहेत.
या सप्ताहानिमित्त महानगरपालिका ५० हजार वृक्षांची लागवड करणार असून स्वच्छतेसाठी ‘माझं डोंबिवली, माझं कल्याण’ हा नारा दिल्यानंतर आता ‘हरित कल्याण हरित डोंबिवली’ ही संकल्पना नागरिकांमध्ये घेऊन जाणार असल्याचे महापौर राजेंद्र देवळेकर यांनी सांगितले. तसेच, शिक्षण विभागामार्फतदेखील वृक्षारोपण मोहीम पार पाडली जाणार असून, यामध्ये एकूण २१ समूह साधन केंद्रनिहाय वृक्षदिंडी व वृक्षारोपण केले जाणार आहे. या उपक्रमांतर्गत पालिकेमार्फत मागेल त्याला झाड विनामूल्य उपलब्ध करून दिले जाईल.
महाराष्ट्र सरकारच्या ५० कोटी वृक्ष लागवड मोहिमेअंतर्गत १ जुलै ते ७ जुलै दरम्यान कल्याण-डोंबिवली महापालिकेच्या वतीने वृक्षारोपण सप्ताह साजरा केला जाणार आहे. या आठवड्याभरात ५० हजार वृक्षांची लागवड विविध घटक, विभाग, शाळा, महाविद्यालये, सामाजिक संस्था, महानगरपालिका कर्मचारी यांच्या माध्यमातून केली जाणार आहे.
या सप्ताहानिमित्त १ जुलै रोजी सिटी इंजिनीअर व बांधकाम विभागाच्या वतीने नेतीवली टेकडी परिसरात, २ जुलैला वैद्यकीय आरोग्य विभाग यांच्या वतीने एसएलएफ आणि बायोमॅट्रिक प्लांट, उंबर्डे येथे, ३ जुलै रोजी पाणीपुरवठा विभागाच्या वतीने मोहिली येथे, ४ जुलै परिवहन विभागाचे कर्मचारी खंबालपाडा, वसंत व्हॅली परिसरात ५ जुलै रोजी सामान्य प्रशासन विभाग, लेखा विभाग व सचिव कार्यालयाचे कर्मचारी गांधारे येथील लोढा कॉम्प्लेक्स परिसरात, ६ जुलै रोजी मलनि:सारण तसेच कर विभागाच्या कर्मचाऱ्यांच्या वतीने मलंग रोड समांतर रस्ता व मैदानात आणि ७ जुलै रोजी घन कचरा व्यवस्थापन विभागाचे कर्मचारी, अधिकारी बल्याणी वनजमीन येथे वृक्षारोपण करणार आहेत.
या सप्ताहानिमित्त महानगरपालिका ५० हजार वृक्षांची लागवड करणार असून स्वच्छतेसाठी ‘माझं डोंबिवली, माझं कल्याण’ हा नारा दिल्यानंतर आता ‘हरित कल्याण हरित डोंबिवली’ ही संकल्पना नागरिकांमध्ये घेऊन जाणार असल्याचे महापौर राजेंद्र देवळेकर यांनी सांगितले. तसेच, शिक्षण विभागामार्फतदेखील वृक्षारोपण मोहीम पार पाडली जाणार असून, यामध्ये एकूण २१ समूह साधन केंद्रनिहाय वृक्षदिंडी व वृक्षारोपण केले जाणार आहे. या उपक्रमांतर्गत पालिकेमार्फत मागेल त्याला झाड विनामूल्य उपलब्ध करून दिले जाईल.