म. टा. वृत्तसेवा, ठाणे
चेक बाऊन्सच्या केसमध्ये न्यायालयाने अजामीनपात्र अटक वारंट काढल्याने संतप्त आरोपीने ही केस मागे घेण्यासाठी मुंबईतील एका परफ्युम व्यवसायिकाला भिवंडीत बोलावून व्यावसायिकाचे अपहरण केले. शिवाय व्यावसायिकावर जीवघेणा हल्ला केल्याची घटना भिवंडीत घडली असून पोलिसांनी एका आरोपीला अटक केली आहे. जोगेश्वरीतील एस. बी. रोडवरील लिली अपार्टमेंटमध्ये सय्यद वसीउद्दीन समुद्दीन (५५) कुटुंबासह राहतात. त्यांचा परफ्युमचा व्यवसाय आहे.
भिवंडीतील युसूफ रजा याची ८ वर्षांपूर्वी रुमालाची कंपनी होती. सय्यदला त्यांनी रुमाल बनवण्याची २७ लाखांची ऑर्डर दिली. परंतु ऑर्डरनुसार त्यांना रुमाल मिळाले नाहीत. पैशाची मागणी केल्यानंतर युसूफने सय्यद यांना २७ लाखांचा चेक दिला. हा चेक त्यांनी यूपीतील सुलतानपूर येथील बँकेत डिपॉझिट केला असता चेक बाऊन्स झाला. म्हणून त्यांनी युसूफ याच्याविरोधात सुलतानपूरमध्ये दिवाणी न्यायालयात दावा दाखल केला. परंतु न्यायालयाने युसूफच्या विरोधात अजामीनपत्र वारंटही जारी केले आहे. याचाच आरोपींना राग होता.
दरम्यान, युसूफ याने सय्यद यांना मोबाइलवर मेसेज पाठवत भिवंडीला नमाज पडण्यासाठी बोलावून घेतले होते. गुरुवारी सायंकाळी आरोपींनी त्यांना जबरदस्तीने गाडीत बसवत चेक बाऊन्सची केस मागे घेण्याबाबत त्यांना धमकवण्यास सुरुवात केली. तसेच त्यांना मारहाण करण्यात आली. सय्यद यांना शकीलच्या कार्यालयात नेण्यात आले. तेथेही त्याने केस मागे घेण्याची धमकी दिली. परंतु त्यांनी कार्यालयातून पळ काढत पोलिस ठाणे गाठले. सय्यद यांचे अपहरण करुन चाकू आणि तलवारीने जीवघेणा हल्ला केल्याप्रकरणी भिवंडी शहर पोलिस ठाण्यात शकील रजा, युसूफ रजा आणि इतर १० ते १५ जणांविरुद्ध गुन्हा दाखल करण्यात आला आहे. तर शकीलला अटक करण्यात आली असून इतर फरारी आरोपींचा शोध सुरू आहे.
चेक बाऊन्सच्या केसमध्ये न्यायालयाने अजामीनपात्र अटक वारंट काढल्याने संतप्त आरोपीने ही केस मागे घेण्यासाठी मुंबईतील एका परफ्युम व्यवसायिकाला भिवंडीत बोलावून व्यावसायिकाचे अपहरण केले. शिवाय व्यावसायिकावर जीवघेणा हल्ला केल्याची घटना भिवंडीत घडली असून पोलिसांनी एका आरोपीला अटक केली आहे. जोगेश्वरीतील एस. बी. रोडवरील लिली अपार्टमेंटमध्ये सय्यद वसीउद्दीन समुद्दीन (५५) कुटुंबासह राहतात. त्यांचा परफ्युमचा व्यवसाय आहे.
भिवंडीतील युसूफ रजा याची ८ वर्षांपूर्वी रुमालाची कंपनी होती. सय्यदला त्यांनी रुमाल बनवण्याची २७ लाखांची ऑर्डर दिली. परंतु ऑर्डरनुसार त्यांना रुमाल मिळाले नाहीत. पैशाची मागणी केल्यानंतर युसूफने सय्यद यांना २७ लाखांचा चेक दिला. हा चेक त्यांनी यूपीतील सुलतानपूर येथील बँकेत डिपॉझिट केला असता चेक बाऊन्स झाला. म्हणून त्यांनी युसूफ याच्याविरोधात सुलतानपूरमध्ये दिवाणी न्यायालयात दावा दाखल केला. परंतु न्यायालयाने युसूफच्या विरोधात अजामीनपत्र वारंटही जारी केले आहे. याचाच आरोपींना राग होता.
दरम्यान, युसूफ याने सय्यद यांना मोबाइलवर मेसेज पाठवत भिवंडीला नमाज पडण्यासाठी बोलावून घेतले होते. गुरुवारी सायंकाळी आरोपींनी त्यांना जबरदस्तीने गाडीत बसवत चेक बाऊन्सची केस मागे घेण्याबाबत त्यांना धमकवण्यास सुरुवात केली. तसेच त्यांना मारहाण करण्यात आली. सय्यद यांना शकीलच्या कार्यालयात नेण्यात आले. तेथेही त्याने केस मागे घेण्याची धमकी दिली. परंतु त्यांनी कार्यालयातून पळ काढत पोलिस ठाणे गाठले. सय्यद यांचे अपहरण करुन चाकू आणि तलवारीने जीवघेणा हल्ला केल्याप्रकरणी भिवंडी शहर पोलिस ठाण्यात शकील रजा, युसूफ रजा आणि इतर १० ते १५ जणांविरुद्ध गुन्हा दाखल करण्यात आला आहे. तर शकीलला अटक करण्यात आली असून इतर फरारी आरोपींचा शोध सुरू आहे.