म. टा. वृत्तसेवा, ठाणे
सिग्नल तोडणाऱ्या माजी जिल्हा सरकारी वकिलाच्या मुलाने वाहतूक पोलिसांच्या अंगावर गाडी घालण्याचा प्रयत्न केल्याची धक्कादायक घटना रविवारी दुपारी ठाण्यातील तीनहात नाका येथे घडली. गंभीर बाब म्हणजे हा मुलगा विनापरवाना कार चालवत होता. या सर्व प्रकारामध्ये एका पोलिस कॉन्स्टेबलच्या डाव्या हाताच्या बोटाला जखम झाली असून नौपाडा पोलिसांनी मुलाला अटक केली आहे.
आदित्य एकनाथ फड (१८ रा. इम्पिरीअल हाईट, ठाणे) असे या मुलाचे नाव असून त्याची आई संगीता फड या माजी जिल्हा सरकारी वकील आहेत. दुपारी दीडच्या सुमारास आदित्य कारमधून निघाला होता. कारच्या काचाही काळ्या होत्या. तीनहात नाका येथे आल्यानंतर सिग्नल तोडला आणि हरि निवासकडून येणाऱ्या सिग्नलला थांबला. ही बाब वाहतूक पोलिसांच्या निदर्शनास येताच पोलिसांनी आदित्यकडे परवान्याची मागणी केली. परवाना दाखवण्याऐवजी उलट त्यानेच पोलिसांना 'माझ्याकडे परवाना नाही, असते तर दिले नसते. माझी आई सरकारी वकील आहे. ठाणे पोलिस माझे काही करू शकत नाही,' अशी अरेरावीची भाषा वापरली. नंतर गाडी पोलिसाच्या अंगावर कार घालण्याचा प्रयत्न करत होता. मदतीला आलेल्या इतर पोलिसांच्या अंगावरही आदित्यने गाडी घालण्याचा प्रयत्न करून अतिशय वेगाने तो नितीन कंपनीच्या दिशेने पळून गेला. सहाय्यक पोलिस निरीक्षक नीरज चौधरी आणि इतर पोलिसांनी कारचा पाठलाग करत सर्व्हिस रोडवरील धर्मवीर नाका येथे कार पकडली. कारसह आदित्यला नौपाडा पोलिस ठाण्यात आणल्यानंतर अंगावर गाडी घालून चूक केली. मी अशी चूक करणार नाही, अशी विनवणी करू लागला. याप्रकरणी खैरमोडे यांनी दिलेल्या तक्रारीनंतर सरकारी कामात अडथळा आणणे आणि इतर कलामाखाली गुन्हा दाखल करण्यात आला असून आदित्यला अटक केल्याची माहिती पोलिसांनी दिली.
सिग्नल तोडणाऱ्या माजी जिल्हा सरकारी वकिलाच्या मुलाने वाहतूक पोलिसांच्या अंगावर गाडी घालण्याचा प्रयत्न केल्याची धक्कादायक घटना रविवारी दुपारी ठाण्यातील तीनहात नाका येथे घडली. गंभीर बाब म्हणजे हा मुलगा विनापरवाना कार चालवत होता. या सर्व प्रकारामध्ये एका पोलिस कॉन्स्टेबलच्या डाव्या हाताच्या बोटाला जखम झाली असून नौपाडा पोलिसांनी मुलाला अटक केली आहे.
आदित्य एकनाथ फड (१८ रा. इम्पिरीअल हाईट, ठाणे) असे या मुलाचे नाव असून त्याची आई संगीता फड या माजी जिल्हा सरकारी वकील आहेत. दुपारी दीडच्या सुमारास आदित्य कारमधून निघाला होता. कारच्या काचाही काळ्या होत्या. तीनहात नाका येथे आल्यानंतर सिग्नल तोडला आणि हरि निवासकडून येणाऱ्या सिग्नलला थांबला. ही बाब वाहतूक पोलिसांच्या निदर्शनास येताच पोलिसांनी आदित्यकडे परवान्याची मागणी केली. परवाना दाखवण्याऐवजी उलट त्यानेच पोलिसांना 'माझ्याकडे परवाना नाही, असते तर दिले नसते. माझी आई सरकारी वकील आहे. ठाणे पोलिस माझे काही करू शकत नाही,' अशी अरेरावीची भाषा वापरली. नंतर गाडी पोलिसाच्या अंगावर कार घालण्याचा प्रयत्न करत होता. मदतीला आलेल्या इतर पोलिसांच्या अंगावरही आदित्यने गाडी घालण्याचा प्रयत्न करून अतिशय वेगाने तो नितीन कंपनीच्या दिशेने पळून गेला. सहाय्यक पोलिस निरीक्षक नीरज चौधरी आणि इतर पोलिसांनी कारचा पाठलाग करत सर्व्हिस रोडवरील धर्मवीर नाका येथे कार पकडली. कारसह आदित्यला नौपाडा पोलिस ठाण्यात आणल्यानंतर अंगावर गाडी घालून चूक केली. मी अशी चूक करणार नाही, अशी विनवणी करू लागला. याप्रकरणी खैरमोडे यांनी दिलेल्या तक्रारीनंतर सरकारी कामात अडथळा आणणे आणि इतर कलामाखाली गुन्हा दाखल करण्यात आला असून आदित्यला अटक केल्याची माहिती पोलिसांनी दिली.